أحلام الفتى الثائر

**Islam_galal** · 08-06-2011 01:39 PM

يا ريت و المسئول اللي يلاقوا عربيته متفيمة ، تتسحب منه لمده شهر و عند التكرار لا تخصص له عربية مرة أخري
يبقي يمشي علي حسابه

**aif** · 08-06-2011 02:06 PM

المشاركة الأصلية كتبت بواسطة islam_galal

يا ريت و المسئول اللي يلاقوا عربيته متفيمة ، تتسحب منه لمده شهر و عند التكرار لا تخصص له عربية مرة أخري
يبقي يمشي علي حسابه

هي الاحلام دي صعب تحقيقها يا اسلام ؟؟؟
حد يقولي ....
يمكن انا شايفها سهلة عشان انا اللي باحلمها
هيا صعبة اوي كدة يا اسلام لدرجة ان ماحدش فكر في تحقيقها من كل المسئولين الحاليين والسابقين ؟؟؟
ولا حتى حلم واحد

**aif** · 10-06-2011 11:26 PM

الحلم الثاني عشر

حلمت ان وزير الداخلية اصدر قرار بان اي ظابط او فرد شرطة لابس لبس مدني وبيكلم اي حد بصفة الرسمية ... مثل توقيف سيارة في لجنة ... او التحقق من شخصية اي مواطن ... او تفتيش اي شخص او سيارة
انه لازم يكون معلق تحقيق الشخصية بتاعه في مكان ظاهر .... ولا ينتظر ان حد يسأله انت مين
علشان الناس العادية اللي يوقفها واحد مدني ومعاه شوية ناس لابسة مدني برضه ... يقدرو يعرفوا الناس اللي بيوقفوهم دول نيلة بلطجية .... ولا نيلة قطاع طرق .... ولا نيلة شرطة

صعبة اوي دي ؟؟؟؟؟؟؟؟؟؟؟؟
اي بلدي سواء كان محترم ولا غير محترم لما ظابط يوقف مواطن وهو مش لابس ميري لازم يفهمه انه ظابط ..... علشان المواطن مش بيفتح المندل علشان يعرف ده مين ..... ولازم يظهر ما يثبت انه ظابط شرطة .....
وكمان المواطن مش عارف ال400 الف ظابط بأشكالهم
وهما الظباط اصلا بيلبسو مدني ليه اثناء عملهم الرسمي ؟؟؟؟؟؟؟
ارحمنا يارب من الغباء والاغبياء

**aif** · 12-06-2011 10:30 PM

الحلم الثالث عشر

حلمت خير اللهم اجعله خير
ان ربنا رزقنا براجل
راجل بجد مش راجل فالصو من اللي ماليين الاحزاب والفضائيات
الراجل ده يتوفر فيه .....
خبرة وحنكة مهاتير محمد
جرأة واقدام وشخصية رجب اردوغان
عدل وحزم احمد رشدي
بعد نظر وقوة محمد على
....
صعب ... مش كدة ؟؟؟
لكن في بلد به 85000000 شخص اكيد الراجل ده موجود ..... علشان يقود البلد للأمان والرقي والتقدم
يارب زي ما خلصتنا من العصابة ارزقنا الراجل ده

**aif** · 12-06-2011 11:48 PM

المشاركة الأصلية كتبت بواسطة ahmed_mido1889

في حلم اتحقق يا باشا

المجلس العسكري كان نزل رساله في ااخبار من اسبوع تقريبا

ان اللي هيسلم سلاحه الناري او الميري او الغير مرخص لن يتم معاقبتهحتي 30/6

بعد ذلك هينفخوه

مين اللي فتن عليا
مين اللي فتن عليا

...
وش علاء ولي الدين الله يرحمه
...
الحمد لله ان فيه حلم اتحقق .... عقبال الباقي يارب

**aif** · 12-06-2011 11:50 PM

المشاركة الأصلية كتبت بواسطة dr zezo

من الواضح ان الموجودين حاليا لا يحلمون اصلا

يبقو مش موجودين يا دكتور
انا احلم .... إذن انا موجود
من مأثورات احمد بن ابراهيم رضي الله عنهما

**No Comment** · 13-06-2011 12:24 AM

الحلم الثالث عشر مكرر ... ومن أجل تحقيق هذا الحلم لابد من غلق جميع محلات التلوث الموجودة على ارض مصرنا المحروسة .
حتى يظهر هذا الرجل المغوار ... الذى سينقذ مصر من الدمار .

**aif** · 13-06-2011 02:10 PM

الحلم الرابع عشر

حلمت ان محافظ القاهرة اتخذ قرارا جريئا
تحديد ارتفاع المباني في القاهرة باربعة طوابق فقط ( اعتبارا من تاريخه وليس باثر رجعي )
....
ويتم ازالة اي مخالفات جديدة بالقوة الجبرية
وطبعا مايسري على القاهرة سيسري على باقي المحافظات
وربنا يرحمنا من قبح المباني العالية ومن تكدس الناس والضغط على المرافق والخدمات

-

الموضوع: أحلام الفتى الثائر

LinkBack

أدوات الموضوع

عرض

-

-

-

-

-

-

-

المواضيع المتشابهه

الثائر الحق

الفتى الذي صنع القنبلة الذرية - احمد خالد توفيق

بتجيلك أحلام يقظه.خش هنا

أحلام x أحلام

الكلمات الدلالية لهذا الموضوع

المفضلات

المفضلات

ضوابط المشاركة