حقيقي مش ممكن ال اسمه ممدوح حمزه

**aminibrahim** · 04-05-2011 12:03 AM

النهارده بيدعوا الي مليونيه لاسترداد الاموال المنهوبه وهل هو متخيل حتي لو اتعملت هترجع

انا مش عارف الراجل ده عايز ايه

وبعدين مش عاجبه اي حد ولا اي مشاريع غير مشاريعه

وكل يوم علي قناه اعلاميه ان مش عارف الناس دي عايززه ايه

**itsonlyme** · 04-05-2011 12:34 AM

الراجل كان في عز الثورة من أكتر الناس حماسة وعزيمة واصرار.

ولو حضرتك مختلف معاه في حماسته الزايدة مش معناه انه راجل وحش.

ولو اختلف مع دكتور فاروق الباز في رأيه في ممر التنمية برضو مش معناه انه راجل وحش.

الاختلاف في الرأي طبيعي طالما يهمنا مصلحة البلد.

**Ahmed_Ramadan** · 04-05-2011 12:46 AM

هوا راجل كويس و مهندس تقيل بس برضه اللى هوا بيقولوا مش واقعى و بعدين لو عاوز مليونية علشان الفلوس المنهوبة ما يروح يعملها فى الدول اللى موجود فيها الفلوس ديه !!!

**BRAZILI** · 04-05-2011 08:07 AM

المشاركة الأصلية كتبت بواسطة itsonlyme

الراجل كان في عز الثورة من أكتر الناس حماسة وعزيمة واصرار.

ولو حضرتك مختلف معاه في حماسته الزايدة مش معناه انه راجل وحش.

ولو اختلف مع دكتور فاروق الباز في رأيه في ممر التنمية برضو مش معناه انه راجل وحش.

الاختلاف في الرأي طبيعي طالما يهمنا مصلحة البلد.

كلامك صح بس انا حاسس انه مزودها شوية .......... يمكن ........ وا لله اعلم كان عايز ياخد منصب فى الوزارة و زعل لما ما خدهوش

**korkor** · 04-05-2011 08:30 AM

عندنا فى كار الهندسه مسمينوا مرتضى منصور الهندسه

**JAM** · 04-05-2011 10:16 AM

المشاركة الأصلية كتبت بواسطة korkor

عندنا فى كار الهندسه مسمينوا مرتضى منصور الهندسه

بصرة

**elbeheri** · 04-05-2011 11:13 AM

ايه ياجماعة الراجل ده تحفة وكان مغضوب عليه من النظام البائد
على فكرة مبارك واولاده وثلاثى الشر لم يتحاكموا الا بعد مليونية جمعة المحاكمة ولا نسيتوا
البلد دى مش هيحصل فيها حاجة الا لم الشعب يطلب
يا جدعان الشعب ده ثقافته ارضى بالقليل ويخاف احسن القليل يروح
حسبي الله ونعم الوكيل

**Ralliart** · 04-05-2011 11:38 AM

المشاركة الأصلية كتبت بواسطة korkor

عندنا فى كار الهندسه مسمينوا مرتضى منصور الهندسه

+1
بالظبط كدة الراجل ده بيخالف اي حاجة لمجرد الاختلاف
مش هيسكت غير لما الشعب يعمله مليونية ويجيبه رئيس جمهورية
وساعتها ممكن يختلف مع نفسه

**korkor** · 04-05-2011 12:37 PM

المشاركة الأصلية كتبت بواسطة elbeheri

ايه ياجماعة الراجل ده تحفة وكان مغضوب عليه من النظام البائد
على فكرة مبارك واولاده وثلاثى الشر لم يتحاكموا الا بعد مليونية جمعة المحاكمة ولا نسيتوا
البلد دى مش هيحصل فيها حاجة الا لم الشعب يطلب
يا جدعان الشعب ده ثقافته ارضى بالقليل ويخاف احسن القليل يروح
حسبي الله ونعم الوكيل

انا افضل انه يدعو الى مليونيه للعمل بدل مااحنا بندور على فلوس محتاجه سنين علشان ترجع وسابين الشغل وكل اللى لى مزاج لحاجه يطلع يقطع طريق ولا يولع فى قسم ولا يدعو الى مليونيه لعوده الشرطه والنظام فى الشارع المصرى .

**gemy1** · 04-05-2011 12:42 PM

يا جماعه الشخصيه دى بجد انا لما بشوفها بشعر باشمئزاز فظيع لانه شخصيه متغطرسه و سخيف جدا و مغرور جدا و انا كنت اعرفه على الحقيقه و شفته اكتر من مره و مش بيحترم حد و متكبر جدا جدا و متعالى لابعد الحدود و كان كاتب مره فى جريده ان الثوره اطبخت فى مكتبى !! و الله العظيم عشان كان شغال معاه قيادى من شباب 6 ابريل و قال ايه مان عارف معاد انلاع الثوره و هو يا عينى قالهم اجلوها شويه لكن الشباب رفضو غير كده اسلوبه فى الكلام مستفز جداااااااااااااا و بيعارض فعلا من اجل الماعرضه عشان عايز يكسب قاعده جماهيريه بس للاسف جت معاه بنتيجه عكسيه