السلام عليكم انا عاوز اشتري عربيه جديده و مش عارف اختار بين ال نيو اكسنت rb و نيسان سني سوبر سالون لو ينفع اعرف الاختيار يكون ايه لو مكاني تختار ايه
عرض للطباعة
السلام عليكم انا عاوز اشتري عربيه جديده و مش عارف اختار بين ال نيو اكسنت rb و نيسان سني سوبر سالون لو ينفع اعرف الاختيار يكون ايه لو مكاني تختار ايه
نيسلن سنى
افضل
اولا شكرا على الرد السربع , سني ليه عاوز اعرف المقارنه ازاي شكرا
بص ياباشا على حسب حضرتك عايز ايه من العربيه :
من حيث عوامل الامان طبعا الصني سوبر صالون افضل .فيها عوامل امان مش موجوده غير في الاكسنت الفئه اللي ب122 الف جنيه..ولكن من حيث الشكل الجديد وراحة السائق والكماليات والتسارع .....الاكسنت تكسب ....لو حضرتك من العمالقه امثالي هترتاح في الاكسنت اكتر لان كرسي الصني للاسف مريحنيش خالص .....ولكن انصحك تقعد في العربيتين وتشوف انت مرتاح في مين ولو ارتحت في النيسان يبقى توكل على الله......ولاتنسى صلاة الاستخاره.
الأكسنت أر بي لسه جديدة ما إتجربتش يعني هتقارن بمعلوماتك عن الاكسنت عموما مع اضافة الكماليات والشكل الجديد
الكماليات في النيسان صني أكتر طبعا منها في الاكسنت أر بي الي تتقارب معاها في السعر
الشكل طبعا الاكسنت أر بي شكل 2012 والصني شكل 2005 بس برضه دي أذواق
الصني عربية موتورها ممتاز لكن يعيبها الكنبة الخلفية ضيقة زي الشاهين بس الاكسنت مش اكبر كتير
استهلاك البنزين في الصني عالي شوية
سحب الصني اوتوماتيك مش اوي على السرعات المنخفضة عكس الاكسنت
الدفيرة المصرية الصنع في الصني بتعمل مشاكل ويمكن مراجعة موقع النيسان
رغم ان التكييف في الاكسنت قوي لكن تكييف الصني من اوى التكييفات ويقارن بالتويوتا
يعني القرار قرارك
ولو أنا هاقرر لنفسي لو هادفع الفرق مافيش مشاكل هاجيب نيواكسنت ار بي جي ال اس أعلى من الهاي لين
ولو هاشترى في حدود ال 100 الف هاجيب الصني
اخيرا اقولك ان مقاراناتي بتعتمد على قراءاتي في هذا المنتدى الغني وركوب الصني كثيرا والنيو اكسنت العادية قليلا
وياريت حد يدخل له تجربة عملية متوازنة في الاتنين
تقبل مروري
اكسنت
اولا شكرا على الردود و الاهتمام بس انا متحير جدا انل دلوقتي الاختيار مبين النتر اوتومتيك 104500 و نيسان سني صوبر صالون 102000 عشان ال rb لسه هاتيجي 20 مايو هيا و نيسان صني سوبر صالون هاي لين رجاء المساعده علما ان النترا فاضل 6 ايام على العرض
اعتقد نيسان صني سوبر صالون افضل بمراحل ...
لان الالانترا اللي انت بتتكلم عنها مش فول اوبشن .. و اعتقد لوسائل الامان المتوافرة في السوبر صالون ...
2 ايرباج امامي ... Abs ...... Ebd ...... Ba
وما يزيد الصني .. توكيلها المميز الذي يحترم عملاؤه طبعا ....
مجرد وجهة نظر ... و حاول تشوفهم تاني .. وصلي استخارة .. وربنا ييسر لك الخير
تسمحلي احاول افكر معاك مع بعض المعطيات التي اقتنع بها
الشكل الخارجي: نيسان صني شكلها حلو والالنترا شكلها احدث ولو اني لا اميل له بس دي اذواق
الصالون الداخلي: الالنترا اوسع وكراسيها اريح كتير
التكييف الالنترا تكييفها ثلاجه بس الصني ديب فريزر
استهلاك النبزين الالنترا اقل
السحب الالنترا افضل بكثير على السرغات المنخفضة ويتساوا على السرعات العالية
قطع الغيار الالنترا ارخص بس الصني مش دبح زي الشارك ولا المازدا مثلا
التقفيل الالنترا الاوتوماتيك بدون اوبشن تحتاج للسؤال فاعتقد والله اعلم انه قد يكون مصري مثل النيسان لكن النيسان يميزها مقابل هذا ان معظم قطعها ياباني
العزل: الالنترا افضل
الاوبشنز طبعا بلا جدال الاوبشنز في الصني كاملة واهمها الايه بي اس والايرباج واعتقد انهم غالبا مش موجودين في الالنترا الي بالسعر الي حددته ويمكن لزملاء المنتدى افادتنا
سعر اعادة البيع: الالنترا افضل
مع هذه المعطيات قرارك ياصديقي سيعتمد على اولوياتك يعني مثلا مهم تسحب باعلربية جامد مع الطلعة ولا طلعتك هادية وهل نيتك تحتفظ بالعربية فترة ولا بتحب تغير كتير يبقى سعر اعادة البيع مهم
بس بصراحة هاقولك رأيي وانا ماعنديش الاتنين لو خيروني هاختار الصني اصل مش معقول ادفع اكتر من 100 الف واركب عربية ليس بها عوامل أمان واول درجة في الاوتوماتيك يعني فاضية، ياما تدفع فرق وتركب النترا فول اوبشنز هتبقى افضل من الصني في رأيي بس لما تتساوى معاها في الاوبشنز مش ضروري هاي لاكن بصراحة لو مايهمكش الاوبشنس اوي يبقى الفرنا تحقق الهدف
ارجو ان تتقبل مروري ورأيي