الاحسن لعائلة لادا (كاش) دايهتسو سيريون (تقسيط) ولا هيونداي ماتركس (تقسيط)؟؟

**osama_alam** · 19-04-2008 02:40 PM

رجاء المساعدة في اختيار السيارة الانسب :

ما هي السيارة الانسب للعائلة متوسطة العدد مع العلم ان استعمالي للسيارة سيكون خفيف ان شاء الله وانها اول سيارة لي وخبرتي بالسيارات قليلة فتقريبا حتعلم عليها وانا كمان وزني وطولي كبير وبعض من مستعملي السيارة ايضا بنفس الحجم.

فبعد بحث طويل فالمنتدي وجدت الثلاث سيارات دول هم الانسب لي:

1- لادا (كاش)
2- دايهتسو سيريون (تقسيط)
3- هيونداي ماتركس (تقسيط)

برجاء المساعدة وعذرا للاخوة المتابعين لاستفساراتي الكثيرة

**momomania22** · 19-04-2008 02:42 PM

ماتريكس
سيارة عائلية واعتمادية بطريقة مبهرة

**SEATLOVER** · 19-04-2008 02:47 PM

هيونداي ماتريكس (تقسيط)

**Ramy.Gamal** · 19-04-2008 04:43 PM

سيريون دة عربيه حكايه وخصوصا فى استهلاك البنزين والاداء و الامان طبعا و كفايه انها يابانى وتوكيلها احسن مليون مرة من غبور

**ابو سيف** · 19-04-2008 04:58 PM

ماتريكس

مش عشان اجود و لكن عشان موضوع عائليه و تقسيط
فأنت لو احتياجاتك العائليه دلوقتي مش محتاج حاجة كبيرة اوي

بس بردو متضمنش الوضع بعد خمس سنين مثلا او بعد سنوات التقسيط فيبقا تجيب حاجة توفي باحتياجاتك الحاليه و المستقبليه باعتبار انها مش كاش و مش هتبيع دلوقتي خالص

**ows212** · 19-04-2008 06:48 PM

انا كنت زى حضرتك كده من شهرين ... كنت قررت اشترى حاجة من اثنين ماتريكس او سيريون ولا ثالث لهما ...العربيتين واسعين السيريون يابانية والماتريكس ممتازة بشهادة الناس اللى اشتروها .
انا فعلا اشتريت السيريون ...وعلى فكرة لو حسبتها هاتلاقى فرق حوالى 5000 جنيه بالنسبة للموديل المانيوال يعنى السيريون ارخص وكمان فيها 2 اير باج زيادة ...
انا رايى السيريون
بس فى نصيحة لحضرتك لو لسه هاتتعلم سواقة يبقى ابدا بعربية مستعملة صغيرة 128 مثلا او لادا ... علشان الخبطات اللى ممكن تحصل

**hazem_khidr** · 19-04-2008 08:32 PM

اولا لو عندك امكانيه تدفع اقساط يبقي شيل اللادا من حساباتك.
اما بالنسبه للسريون و الماتريكس فهما عربيتين كويسين رغم اعتراضي علي شكلهم هما الاتنين.
صلي استخاره و شوف انت حترتاح لاني عربيه فيهم

**YoussefMostafa** · 19-04-2008 10:48 PM

انا من رأي ان الماتريكس هتكون الانسب

**osama_alam** · 21-04-2008 08:09 PM

المشاركة الأصلية كتبت بواسطة ows212

انا كنت زى حضرتك كده من شهرين ... كنت قررت اشترى حاجة من اثنين ماتريكس او سيريون ولا ثالث لهما ...العربيتين واسعين السيريون يابانية والماتريكس ممتازة بشهادة الناس اللى اشتروها .
انا فعلا اشتريت السيريون ...وعلى فكرة لو حسبتها هاتلاقى فرق حوالى 5000 جنيه بالنسبة للموديل المانيوال يعنى السيريون ارخص وكمان فيها 2 اير باج زيادة ...
انا رايى السيريون
بس فى نصيحة لحضرتك لو لسه هاتتعلم سواقة يبقى ابدا بعربية مستعملة صغيرة 128 مثلا او لادا ... علشان الخبطات اللى ممكن تحصل

مهو علشان الخبطات والكلام ده حطيت اللادا في الاختيارات بس زيرو مش مستعمل يعني هية سعرها مش حيقل كتير لو بعتها والعربيتين التانين حلوين اوي ونفسي اشتري واحده منهم بس حاسس انا حتقيدني اوي في الاول وحبقه خايف عليها اوي يعني تقريبا بدل ما انا اسوقها هيةا حتسوقني