حد غير اسبراتير الفليشيا ؟؟؟؟؟؟؟؟؟؟؟؟؟

**a_hmed** · 04-05-2011 03:42 AM

حد غير اسبراتير الفليشيا جديد او استعمال ؟؟

تمنه كام بالوش بالشاكوش بالاسلاك ؟؟؟

و لو استعمال عامل معاه ايه ؟

و ياريت الى غيره يقولى غيره ليه ؟

معلش الاسئلة كتير بس انا متعسف

**koko2002** · 04-05-2011 09:39 AM

أنا غيرت اسبراتير قبل كده .. جبت الصيني .. وكانت غلطة مني .. هو شغال مفيش أي مشكلة .. بس بعد ما جبت الصيني عرفت أن الملف اللي بيبوظ فيه بيتباع .. حتقولي ما الملف صيني حقولك ان المشكلة مش في الملف المشكلة أن مساحة الضبط (الرجلاش) اللي بتظبظ منه كهربة الموتور في الصيني قليلة قوي .. بمعنى أن يكون لسة الكهربا محتاجة سنة كمان ومتلاقيش فيه مسافة في الرجلاش فتضطر تخليها على آخر الرجلاش ..
النصيحة إيه بقى .. لو المشكلة عندك في الملف .. حاول تغير الملف ومتغيرش الاستبراتير نفسه
ولو المشكلة عندك في الاسبراتير نفسه .. يعني يكون اتكسر مثلا .. هات استعمال وبلاش تجيب الصيني

**mada3030** · 04-05-2011 09:44 AM

فيكا الصينى دا كويس
بس اديله نقطتين زيت قبل ما يركب

**a_hmed** · 04-05-2011 05:16 PM

تماام

انا عندى الاسبراتير مش مكسور بس فيه بوش و مش مخلى المكنة شغالة كويس و بيفرقع كتير

جبنا واحد استعمال نجربه (حالته مكنتش كويسة اوى) بس كان ظابت المكنة احسن من الى معايا بكتيييير

عملت سيرش على اسبراتير الفليشيا الاصلى على النت لقيت موضوعين

واحد جايبه اصلى فى 2009 ب 450
وواحد جيبه من 3 شهور ب 475 !! و 65 اسلاكه

الصينى بقى بكام ؟ و بقاله اد ايه شغال ؟

وشكرا على الردود

**koko2002** · 04-05-2011 06:06 PM

الصيني بيعمل 100 جينه وشوية .. يعني يمكن 140 ، 150 مش فاكر .. هو شغال كويس معايا بس هي المشكلة الوحيدة هي موضوع الرجلاش اللي أنا قلتلك عليه .. بمعنى انك لو تقبل تشتغل بكفاءة محرك 80% خليك في الصيني .. بس إنسى أنك تظبط كهربة الموتور 100% لان زي مقلتلك المشوار بتاع الرجلاش قصير .. بالنسبة للبوش اللي انت بتقول عليه ممكن تروح لواحد خراط .. بس الموضوع ده مجازفة مش مضمونة لأن ممكن تضيع وقت وفلوس على الفاضي .. لأنك عارف طبعا الشغل البلدي .. يعني لا مقاسات ولا دياولوا .. ممكن كمان تحل القطعة المبوشة وتركب مكانها من الاسبراتير الاستعمال

**a_hmed** · 04-05-2011 06:14 PM

المشاركة الأصلية كتبت بواسطة koko2002

الصيني بيعمل 100 جينه وشوية .. يعني يمكن 140 ، 150 مش فاكر .. هو شغال كويس معايا بس هي المشكلة الوحيدة هي موضوع الرجلاش اللي أنا قلتلك عليه .. بمعنى انك لو تقبل تشتغل بكفاءة محرك 80% خليك في الصيني .. بس إنسى أنك تظبط كهربة الموتور 100% لان زي مقلتلك المشوار بتاع الرجلاش قصير .. بالنسبة للبوش اللي انت بتقول عليه ممكن تروح لواحد خراط .. بس الموضوع ده مجازفة مش مضمونة لأن ممكن تضيع وقت وفلوس على الفاضي .. لأنك عارف طبعا الشغل البلدي .. يعني لا مقاسات ولا دياولوا .. ممكن كمان تحل القطعة المبوشة وتركب مكانها من الاسبراتير الاستعمال

انا لسة مكلم محل قالى الصينى ب 125 و التشيكى ب 500 كامل من غير الاسلاك

طيب معنى كلامك انى لو حطيت 80 مش هعرف اظبط كهربة العربية زى منا عايز و هتكركر وكدة ولا انا فاهم غلط

**tejani** · 04-05-2011 08:30 PM

الاصلي ب 450 من ابو الحسن وريح دماغك

**a_hmed** · 04-05-2011 08:55 PM

المشاركة الأصلية كتبت بواسطة tejani

الاصلي ب 450 من ابو الحسن وريح دماغك

انا من اسكندرية و الى لقيته ب 500 من غير الاسلاك

**د.محمود صلاح** · 04-05-2011 11:26 PM

انا غيرت الغطاء لأنه مكسور وكان ب 25 جنيه تركي تقريبا

الموضوع: حد غير اسبراتير الفليشيا ؟؟؟؟؟؟؟؟؟؟؟؟؟

LinkBack

أدوات الموضوع

عرض

حد غير اسبراتير الفليشيا ؟؟؟؟؟؟؟؟؟؟؟؟؟ - انشر الموضوع فى :

-

-

-

المواضيع المتشابهه

اسبراتير البيتل

مساعده من اصحاب الفليشيا..محتار فى سعر الفليشيا ... وركوبتها

اسبراتير 405

اسبراتير السيراتو

الي خبراء الفليشيا<الفليشيا افضل ام الريجاتا>

الكلمات الدلالية لهذا الموضوع

المفضلات

المفضلات

ضوابط المشاركة