الموضوع: لدعاة الحضارة والتقدم ما رأيكم ؟ هل هذا تخلف ؟

حلو رد السبكي صاحب افلام المقاولات

كده ولا كده السينما حتبقي علي حسب الشعب

يعني لو حالنا اتحسن السينما حتتحسن

المشاركة الأصلية كتبت بواسطة rosebox

اشمعنى السينيما الايرانيه تحفه و بتاخد جوايز اوسكار و انا شخصيا لما بلاقى فيلم او مسلسل ايرانى بنزله على طول و عمر ما حد قال انها سينيما متخلفه مع ان كللللللللللللللل الممثلات محجبات مثلا و لا فيه حاجه تضايقك و انت بتتفرج و لا اى حاجه

اللى بيقول ان القرار ده متخلف بيعترف ان الناس بتتفرج عليه عشان المناظر دى مش عشان لا فن و لا دياولو انما لما بتفرج على فيلم نضيف اعتراف منى انه فنيا عالى

+1
فعلا ياريت نركز على المضمون الهادف

والحاجات اللى موجودة فى الواقع مكن يتم الاشارة اليها من سياق الموضوع مش لازم الناس تشوفها

يعنى مشهد غرام أو خيانة أو شذوذ أو .... إيه الفايدة من مشاهدتها .. أه صحيح هى موجدودة فى الحياة ..

بس ممكن تتفهم من السياق إنها حصلت من غير ما تشوفها يالتفصيل الممللللللللللل

السلام عليكم و رحمة الله و بركاته

مش عارف ليه, أنا متهيألى أن السيناريو الآتى -اللهم اجعله خير- هو اللى هيحصل:

أن فعلا صفوت الشريف قصدى سامى الشريف -الله.... بيته- نفى و بكل جرأة أنه يكون أصدر قرار متخلف!!!! و تافه زى ده و طمأن الجماهير أن التليفزيون لا زال هيعرض الأحضان و القبلات و البوس و القذارة زى الأول!!!!!!!, OK,مفيش مشكلة, كمان كام شهر هيبقى فيه انتخابات البرلمان و اللى أكيد كلكم عارفين أن هيسيطر عليها الاخوان و دى حاجة ماحدش يقدر ينكرها بدليل اللى حصل فى الاستفتاء بتاع الدستور و هيبقى الاخوان قوة فى البرلمان و يتعمل ليهم حساب و بعد كده الانتخابات الرئاسية و اللى مش هينجح فيها الا اللى الاخوان هيدعموه و أنا بقول يدعموه مش يرشحوه لأن الاخوان مش هيرشحوا حد خااااااااااااااااالص من عندهم و لا هيحرصوا على المناصب بالمرة, لكنهم هيدعموا المرشح اللى هما شايفين أنه هيديهم أكبر فايدة و أكبر مساحة من الحرية و الاخوان بيعملوا الكلام ده بمنتهى السهولة, أنهم بياخدوا الأصوات اللى بيقدروا ياخدوها من المدن و ليكن مدينة المنصورة مثلا و بييجوا على المراكز و القرى الفقيرة اللى بيشربوا ميه من الترع و المصارف و لا عندهم لا غاز و لا حتى رغيف عيش و يقنعوهم بأن الفقر اللى هما فيه لأنهم قعدوا السنين اللى فاتت دى كلها بعيدين جدا عن ربنا و أنه آن الأوان أنهم يرجعوا للدين تانى عشان ربنا يكرمنا و يزيح عنا و من هنا الأخوان بياخدوا كوووووووووووووووول اللى الأصوات اللى هما عايزينها و الكلام ده مش فتى منى و لا حاجة, الكلام ده و أكتر منه حصل بدليل: 71 الى 29 فى الاستفتاء و دى تجربة واقعية حديثة تجب و تلغى أى تحليلات أو تخيلات سياسية تانية, و ساعتها بأه, نبقى نشوف الأحضان و البوس و القرف ده هيتعمل فيه ايه .

سبحان الله يا m3_dolphen ..التيار اياه ده متفق على حاجات كتير في أي زمن و أي مكان

التقدم عنده معناه مخالفة الدين

وبيكون بجح ساعات و يقولك معاك الريموت و غير المحطة لو مش عاجبك

المشاركة الأصلية كتبت بواسطة dojuar

سبحان الله يا m3_dolphen ..التيار اياه ده متفق على حاجات كتير في أي زمن و أي مكان

التقدم عنده معناه مخالفة الدين

وبيكون بجح ساعات و يقولك معاك الريموت و غير المحطة لو مش عاجبك

واللى يغيظك بقى انه يقولك ان هو ده التقدم والحضارة ... مش عارف هو بيخاطب ناس مش بتفهم ولا أيه ... ربنا يرحمنا من الناس دى ويطهر البلد منهم ....