الموضوع: الطائرة المصرية (حلوان 300)

لأ طبعا
ان كنا بنحاول نشتري من امريكا اف 15
او اف 16 بلوك 60
او تحديث اف 16 التي نمتلك رابع اكبر اسطول لها في العالم من بلوك40 الى بلوك 60
او شراء ميج29 الروسية الجديدة و اللي الروس بيتحايلوا علشان نشتريها
و تقريبا و ده اقرب الى الواقع هو شراء طائرات الرافال الفرنسية
مصر بتحاول في السنين اللي جاية تحديث اسطولها لان اعداد كبيرة من ميج21 ستخرج من الخدمة في 2010
اما طائرة حلوان 300
فدي بسبب النكسة مصر وقفت عملها
و عايز اقولكم ان بسبب النكسة حاجات كتير عندنا اتاخرت و كنا بقينا بامانة احسن من الهند و ماليزيا و غيرها

و اه بالمناسبة اعتقد في السنين القادمة مصر حتصنع طائرات من جديد
في منطقة برج العرب
لان مصر وضعت مخططات تصميم طائرة مصرية مئة في المئة عدا المحرك الذي سنستورده من احدى الدول المحالفة
و عايز اقولكم برضه انه فيه صناعات كتير ضخمة برضه بالنسبة للانتاج الحربي
و الهيئة العربية للتصنيع

رحم الله هذه الطائرة.....أخر نسخة شاهدتها في مصر حالها يصعب عالكافر :(

المشاركة الأصلية كتبت بواسطة crazylambada

و اه بالمناسبة اعتقد في السنين القادمة مصر حتصنع طائرات من جديد
في منطقة برج العرب
لان مصر وضعت مخططات تصميم طائرة مصرية مئة في المئة عدا المحرك الذي سنستورده من احدى الدول المحالفة

الحقيقة يا اخى الكريم ما اظنش ان مصر فى المدى القصير عندها نية لتصنيع طائرات اما موضوع برج العرب فهو خاص بطيارات مدنية صغيرة حسب ما سمعت الحاجة التانية روسيا حسب ما اعرف مش بتحايل على مصر فى شراء طيارات لان روسيا عندها عقدة من مصر فى الموضوع ده لان بعد اتفاقية السلام مصر طلبت طيارات فانتوم من امريكا فامريكا شرطت على ان مصر تبعتلها طيارة ميج 21 مع كل المعلومات عنها ومصر عملت كده فعلا عشان كده لو تلاحظ ان اخر الطيارات الروسى الموجودة فى مصر هى الميج 21 ثانيا الطيارات الى بتمتلكها مصر حاليا كلها فى حالة يرثى لها لو تعرف ان سوريا مثلا عندها ميج 31 وميج 29 والسعودية عندها اف 15 والكويت اف 18 واحنا فرحنين بالف 16 الى هتطلع من الخدمة قريب فى امريكا

لو احنا عندنا فكر تطويري كنا على الأقل جددنا تصميم اكتر العربيات اللي ليها هوية شبه مصرية و هي الشاهين طبعا "وطبعا قصدي تصميم خارجي فقط يحتاج لاقل قدر من التعديل في التصميم الأصلي العربية " مش نسيب شكلها ثابت تقريبا عشرات السنين ولما جينا نغير حطينا صورة الصقر بدل حرف الt الشهير.