ربنا معاك ...ويوفقك
بس بصراحه ده اسوء وقت ممكن تفكر تشتري او تستثمر فيه.....لان مفيش ظبط وربط للسوق ...ده غير كميه التكهنات العجيبه بتاعت ...حتغلي بعدين...لا دي الاسعار حتولع ...ومحدش عارف اي حاجه
بجد ربنا معاك
رقم العضوية : 94086
تاريخ التسجيل : 10Apr2011
المشاركات : 591
النوع : ذكر
الاقامة : القــــاهرة
السيارة: NIKE
السيارة[2]: ADIDAS
الحالة :
بسم الله الرحمن الرحيم
السوق العقارى المصرى ....... !!!!!!!
مافيش قواعد و لا اصول ....... كل الدنيا من ساعة الازمة المالية العالمية اللى فاتت رخصت الاسعار فيها ....... إلا مصر !!!!
بيقولك اصل مصر التمويل العقارى اللى فيها مش كتير ....... يعنى معظم البناء بيكون من الاهالى و نظام المشاركات اللى طلع جديد ........
الاسعار ولعت خلال الاربع سنين او الخمسة اللى فاتت ......... الشقة اللى كانت بـ 50 الف بقت بـ 150 على طول !!!!
من الاخر .......
انا كنت بدور على محل تمليك على شارع رئيسى لانى زهقت من الايجار الجديد ده ....... و كمان المدة بتاعتى قربت تخلص و الباشا صاحب المحل ناوى يزود الايجار بنسبة 30 % و ده عشان خاطرى ..... يعنى لو لحد تانى كان حيرفع الايجار بنسبة 50 % ( انا فاتح محل كماليات و استيكرات فى منطقة شعبية ) و المحل كله 18 متر مربع يادوبك .......
بقالى 8 شهور بدور على محل يكون مناسب لنشاطى عشان اتوسع فيه و استقر بقى ....... مش عارف اخد محل ..... مع ان معايا الفلوس كاش و مبلغ محترم ......... تسأل واحد صاحب محل يقولك المتر بـ 5 الاف و كاش ( فى منطقة شعبية ) و لما تقوله ... آمييييييين ........ و تجهز نفسك و تروحله يقولك ......... لا ده بقى بـ 6 الاف ....... اقوله سلام عليكم
واحد تانى اتفقت معاه ........ و رحت اخلص قالى ح احسبلك متر فى الشارع .... ( يعنى متر بطول عرض المحل ) اقوله ليه ؟؟؟؟؟؟ هو انت ح تبيعلى الشارع ........ يقولى النظام كده .... اقوله سلام عليكم
اروح لواحد تانى يقولى ......... لما اشطب العمارة ..... اروحله بعد ما شطب العمارة ....... يقولى شوف اللى انت عايزه و نتقق ..... اقوله بكام المتر ........ يقولى زى اسعار المحلات فى الشارع ....... اقوله تمام ........ بكام بقى ........ ؟؟؟ يقولى يعنى 10 - 12 - 15 ......... اقوله يعنى ايه 10 - 12 - 15 يقولى سعر المتر .... بسلامته كانه بيبيع ملبس ..... اقوله يا حاج انت نايم و بتحلم ........ اصحى ....... الشارع ده توبه 4 - 5 الاف للمتر ....... يقولى لا ده كان زمان ....... اقوله طيب انا لسه سائل ..... وهى دى الاسعار هنا ....... يقولى بص يا باشا ....... دى اسعارنا و انت حر شوف اللى يناسبك .......
يعنى عشان اخد محل 60 متر فى 10 مثلا زى ما بيقول ....... يبقى عايز 600 الف ..... اوضب انا بكام و اجيب بضاعة بكام ان شاء الله .........
المشكلة ان كل اللى انا سألتهم ما حدش فيهم باع و الله العظيم .......... بس كله ساكت و مستنى الدنيا تغلى ..... تغلى تروح فين بعد كده .... حسبى الله و نعم الوكيل فى الطمع اللى فى الناس دى
قلت اروح الحرفيين و اشوف الدنيا هناك ايه ........ لقيت المتر بـ 15 ......... طلعت على الدائرى ........ لقيت بـ 15 و مش عايز يبيع مستنى يبيع بـ 20 الف للمتر ........ يا نهار بطيخ ....... !!!!
تخيلوا واحد قعدت معاه انا و شريكى عشان نخلص معاه فى المحل ....... الباشا شارى المحل من سنة بـ 250 الف ....... و عايز يبيعه بـ 350 الف ........ يقولى يعنى ما اكسبش 100 الف يعنى ....... قلتله لا ازاى .... ده يبقى حراااام ده انت المفروض تكسب مليون يا راجل ..........!!!!!!!!!
عارف ان فى ناس ح تقولى ان فى اسعار ارخص من كده فى حتت تانية ....... بس انا بقالى سنين قاعد فى مكانى بربى زبونى و مش حمل انى اخسرهم ....... و ابدأ من الصفر من تانى ..........
انا نفسى بقى انى انام و اصحى الاقى مشروع ممر التنمية خلص ....... اروح جرى على الصحرا و اشترى 500 متر و اعمل اللى انا عايزه فى خيالى زى ما بشوف المحلات فى الخليج و اوروبا ....... بعيد عن الزحمة و الناس .... شغل برواقة بلا دوشة و وجع راس .......
انا بصراحة زقهت ..... ناس تقولى استنى الاسعار ح تنزل ....... و ناس تقولى خلص و اشترى اى حاجة عشان الاسعار ح تولع ....... ( هو حد اصلا عايز يبيعلى ) ......... بقيت مش فاهم و الله
على فكرة الامثلة اللى قلتها عن اصحاب المحلات دى عينة بس ........ انا اللى حصل معايا اكتر من كده بكتير ...!!!!!!!!
........... ياريت لو حد فاهم حاجة يفهمنى ...............
........... و يــــــــــــــــاريت ...........
تدعــــــــــــــــــولى انى الاقى محل و اخلص بقى
و شكرا
بـرازيــــــــلى بـــــــاشـــا
رقم العضوية : 24428
تاريخ التسجيل : 07Nov2008
المشاركات : 552
النوع : انثى
الاقامة : cairo
السيارة: ربنا يسهل
السيارة[2]: kia new cerato sx 2009
الحالة :
ربنا معاك ...ويوفقك
بس بصراحه ده اسوء وقت ممكن تفكر تشتري او تستثمر فيه.....لان مفيش ظبط وربط للسوق ...ده غير كميه التكهنات العجيبه بتاعت ...حتغلي بعدين...لا دي الاسعار حتولع ...ومحدش عارف اي حاجه
بجد ربنا معاك
رقم العضوية : 94086
تاريخ التسجيل : 10Apr2011
المشاركات : 591
النوع : ذكر
الاقامة : القــــاهرة
السيارة: NIKE
السيارة[2]: ADIDAS
الحالة :
رقم العضوية : 42527
تاريخ التسجيل : 13Jun2009
المشاركات : 1,009
النوع : ذكر
الاقامة : هرم
السيارة: يا مسهل
السيارة[2]: هوندا سيتى 2009
دراجة بخارية: لا يوجد
الحالة :
ربنا يعينك
المتر عندنا على الشارع الجديد بالمريوطية ب 10000 جنيه
يعنى محل 50 متر ب 500000 جنيه
مش عارف الناس تجيب منين
كان الصحابة يفعلون السُنة لأنها“سُــنة” ونحن نتركها لأنها ” سُــــنة ”!!
رقم العضوية : 94086
تاريخ التسجيل : 10Apr2011
المشاركات : 591
النوع : ذكر
الاقامة : القــــاهرة
السيارة: NIKE
السيارة[2]: ADIDAS
الحالة :
شوف ....... اقل حاجة عشان تفتح و تزبط شغل على مستوى معقول ....... 40 - 50 متر ....... يعنى بسلامتهم عايزين نص مليون جنيه ........ غير التوضيب و الدعاية والبضاعة ..... تخش فى كام بقى ؟؟؟؟؟؟؟؟؟
توصل لنتيجة ..... هى إيه :::::::؟؟؟؟؟؟
انا هكسب كام بالصلاة على النبى بعد ما افتح و اوضب ....... و تفتح من الصبح لاخر الليل ... و صنايعية و كهربا و ضرايب و تراخيص و هوالك ......... معظم الناس تقولك احط الفلوس فى البنك احسن ,,,,,,,,, بلا شغل بلا وجع دماغ
و شكرا لمرورك
بـرازيــــــــلى بـــــــاشـــا
رقم العضوية : 11329
تاريخ التسجيل : 23May2008
المشاركات : 582
النوع : ذكر
الاقامة : el haram , Giza
السيارة: الحمد لله
السيارة[2]: hyundai verna GLS
دراجة بخارية: مفيش
الحالة :
مصر البلد الوحيدة فى العالم اللى كل واحد بيسعر كل حاجة على كيفه !!!!
رقم العضوية : 90834
تاريخ التسجيل : 09Mar2011
المشاركات : 117
النوع : ذكر
الاقامة : cairo
السيارة: lesa showya
السيارة[2]: verna viva
الحالة :
رقم العضوية : 94086
تاريخ التسجيل : 10Apr2011
المشاركات : 591
النوع : ذكر
الاقامة : القــــاهرة
السيارة: NIKE
السيارة[2]: ADIDAS
الحالة :
بص و الله انا ح اقولك حاجة بجد حصلت ......... تخيل معايا الموقف ده
قاعد مع صاحب محل بكلمه على المحل ....... قلى مش ناوى ابيع ..... بعدين سألنى و قالى هو المتر هنا بكام دلوقتى ( قصده فى المكان اللى هو فيه ) قتله على الشارع المحل من 4 - 5 الاف للمتر
قالى فين .........؟؟؟؟؟؟؟؟؟؟
شاورتله على المحل اللى انا قصدته ....
قالى يبقى انا لما ابيع ح ابيع بعشرة
كنت ح انط فى كرشه ........ و قتلتله ....... ليه ان شاء الله ؟!!!!!!!!!!!!!!!!!!!!!!!!!!؟؟؟؟؟؟؟؟؟
قالى بكل ثقة ....... زى ما يكون عالم فيزياء كونية ..........
مادام المحل اللى شاروت عليه بـ 5 الاف للمتر .... يبقى انا بعشرة ....... عشان انا على الشارع لسه متسفلت جديد قدامى و بعدين انا زارع شجر و مزبط مكانى ........ و الناحية التانية الشمس بتبقى فيها طول النهار ....... انما انا ناحيتى ضلة ...... بس ......... سبته و مشيت
حسبى الله و نعم الوكيل فى فكر الناس دى
بـرازيــــــــلى بـــــــاشـــا
رقم العضوية : 69919
تاريخ التسجيل : 07May2010
المشاركات : 129
النوع : ذكر
الاقامة : EgYpT
السيارة: .........
السيارة[2]: Proton Waja :))
دراجة بخارية: ...........
الحالة :
خليهم كده عايشين الوهم لحد مايجيى اليوم مش لاقيين حد عاوز يشترى
ما هو العيب على الناس الى بتوافق و تشترى بسعر ده
و الواحد يجيى يقولك ماهو الاسعار حتزيد و كده
ماهو طول ما هما لاقيين ناس بتشترى بالاسعار ده يبقى ليهم حق
رقم العضوية : 11329
تاريخ التسجيل : 23May2008
المشاركات : 582
النوع : ذكر
الاقامة : el haram , Giza
السيارة: الحمد لله
السيارة[2]: hyundai verna GLS
دراجة بخارية: مفيش
الحالة :
يا جدعان لما الحديد غلى من كام سنة ووصل 9 -10 الاف للطن الناس اتهبلت وقالوا نبني دلوقت احسن الاسعار هتغلى تانى !!!
مش يبقى في ثقافة ونقلل الطلب عشان العرض يكتر والسعر يقل
مثلث تخلف الامم : الجهل - الفقر - المرض
اعاذنا الله جميعا
المفضلات