عرض للطباعة
السلام عليكم السياره تويوتا كورولا 97 هل المساعدين التالفه تؤثر علي كفاءه الفرامل (غربله جامده في طاره الدركسيون وفي بدال الفرامل لما بتهدي جامد في طريق سريع مثلا من سرعه 120 الي السكون الاحتمالات ايه علما بان الكاوتش جيد والسياره مابتغربلش علي اي سرعه 1)مساعدين امامي 2) خرط طنابير الفرامل 3)شراء طنابير جديده 4) عيب علبه الدركسيون ام اي احتمال اخر وشكرا مقدما للمشاركين
جربت انك تظبط زوايا وترصص؟
طالما الغربله مع الفرامل فقط يبقي مشكلة طنابير، لو تستحمل انها تتكشط ماشي لكن لو متأكله هتغيرها وده الأفضل
المساعدين ممكن تخلي العربيه تنكفي علي وشها في الفرامل وممكن تعوم شويه لكن متغربلش كده
طبعا شكرا للمشاركه السريعه بالنسبه للرد الاول انا فعلا مرصص وظابط زوايا بدليل ان العربيه لا تنحرف او تغربل علي السرعات اما عن الرد الثاني وهو اقرب للصواب ماعدا جزئيه العربيه لومساعدينها ضعيفه تتكفي مع الفرامل هذا فقط يحدث عندما تكون السوست ضعيفه لان شغل السوسته يكون من اعلي الي اسفل وشغل ماص الصدمات يكون من اسفل الي اعلي اي انه يقلل رد الفعل السريع للسوسته وشكرا للتواصل