اكيد صاحب الموضوع نسى
ههههههههههههههههههههههههه ه
عرض للطباعة
اكيد صاحب الموضوع نسى
ههههههههههههههههههههههههه ه
لا حول ولا قوه الا بالله
شكلها اتسرقت تاني
انا اسف يا جماعة جدا على التاخير انا بجد اسف
الى حصل يا جماعة انى لاقيت اثار تخبيط الظاهر حد كان ماسك حاجة وبيحاول يكسر الزجاج فى علامات فى باب العربية وحاول بعنف يشد الاكرة بتاع الباب
انا لما رحت للعربية لاقيتها فاصلة تماما حاولت افتحها بالريموت مفتحتش
مفتحتش غير بالمفتاح فى الباب
طبعا بعدها حاولت ادورها كتير وفشلت وزقيت وبهدلت الدنيا
وطبعا قلت اكيد البطرية حطت من كتر ما الكلاكس فطل يشتغل منطق بردة
جريت ادور على اى كهربائى فى المنطقة كنت ساعتها فى الزمالك اما نادى المهندسين
لاقيت واحد بعيد بس مش اوى
المهم جه وجاب معاه بطرية وعملنا التوصيلة وجينا ندور مش بتدور وكانت الصدمة الكبرى
طيب ايه العمل
وبعدين قالى يا باشا دا المرش طبعا كانت تانى صدمة
المهم قلتله طيب حاول يا باشا تانى
المهم هو نزل تحت العربية وعمل توصيلة من حاجة فى المرش بسلك للبطارية
وقعد يلمس كدة العربة دارت من غير ما ادور بالكونتاكت
المهم دورناها شوية وبعدين طفينا وجينا ندور فشلنا كررنا الموضوع تانى
وبعدين قلى هى كدة عايزة مرش
كنت مهموم جدا وكرهت العربية اوى جاهل بقى مكنتش اعرف ان ده خير
مشيت بالعربية وكنت يوميها بايت فى المنيت وهصحى الصبح اسافر
وكنت شايل الهم جدا جدا انى هصحى اتمرمط على كهربائى يعمل القصة دى تانى
المهم صحيت الصبح ادور العربية لاقيت العربية ذى الفل لحد النهاردة الحمد لله
خلاصة الموضوع ان الكونتاكت بيفصل الكهربة بينه وبين البطارية ودا بيقعد فترة ويرجع تانى يوصل حاجة كدة زى زرار فصل
دا استنتاجى للموضوع الله اعلم صح ولا غلط بس دى التجربة الى حصلت معايا
اسف لو كنت طولت عليكم بس حسيت ان الناس مهتمة تعرف الاخبار
ويارب متحصلش حاجة كدة مع حد فيكم انشاء الله وتفضلوا بخير كلكم
بالعكس انت عارف ان انت طمنتنا لأني كنت لسة عامل موضوع من فترة عشان نعرف اي حد سمع عن سرقة نيسان صنى لكن يظهر كان شكي في محله ان اصني مينفعش تتسرق كعربية علي بعضها يعني اقصد واحد ياخدها و يمشي
لكن هنا لازم يبقي في وقفة و نعرف السر فين بالظبط و نعرف ايه اللي بيحصل بالظبط للعربية في فترة ما بعد وصولك للعربية
و برده في نقطة تانيه عايزين نعرفها ايه اللي تحت العربية اللي خلاها تدور لأنها برده ممكن تكون نقطة ضعف
نبتدي من هنا نفكر و نسأل علي السر و انا بشكرك اوي يا جميل علي افادتك لينا و تأكد اننا كلنا بنتعلم من بعض و لازم نتكاتف عشان نوصل لأفضل الامكانيات في العربية الرائعة ديه
هحاول اجرب الموضوع ده وشوف اختها ايه
بس معنا كده انها بتقعد حوالي ازيد من 12 ساعة عشان ترجع لطبيعتها مره تاني يعني بيدي فرصة لصاحب السيارة يرجعلها تاني وكمان الجرامي مش هيستنا فتره كبيره عشان يعرف يدور السيارة
اذا سرقة السيارة لازم بيكون بمفتاح السيارة او الريموت الخاص بيها اما كسر او بطيقهة تانية اعتقد انه مش ممكن بس ياريت متكتروش الكلام في الموضع ده
بصوا يا جماعة بعد اتصالات انا عرفت حل تدوير العربية انما بصراحة انا مش هقدر اني اقوله في الموضوع لأن احنا مش عايزيين الحرامية يعرفوا الطريقة
فإيه رأيكم ؟؟؟ انا ممكن ابعت ليكم الطريقة علي الخاص افضل عشان الموضوع مينتشرش
اوكيه بس هبعت فقط لأعضاء القسم اللي دخلوا الموضوع ده اوكيه
ولا ليكم رأي تاني
مشكور يابيشو علي مجهودك الجميل ده .... بس عايزين نقلل الكلام في الموضوع ده
ونتكلم فيه في اي مقابلة ان شاء الله
علشان ممكن ناس اعمل اكونت مخصوص علشان يعرفوا ايه الحل
بجد مش عايزين نفتح عيون ولاد التيييييييت دول علي الصني
تسلم يابروووووونس
اقعد بالعافية :bye2:
خلاص يا جماعة عشان ميحصلش تسييح للموضوع فممكن نبقي نقوله في اي مقابلة من مقابلات نيسان او اللي يروح التوكيل في اي وقت .. هيقولوا الحل و بدون مشاكل لأن في اعضاء بعتوا عي الخاص و اعترضوا ان حد يعرف الموضوع ده لأن في اعضاء ممكن ميكونوش اعضاء في القسم و دخلوا الموضوع للمعرفة .. و هكذا
هو ده الصح يا بيشوى
وياريت اى عضو عرف الحل فى التوكيل وسال هناك, ميجيش يحكى ويقول على الحل لو سمحته
لان كان التوكيل كتب وحكى فى الكتالوج بتاع العربية
ولو حد حصلت عنده المشكلة دى واتصل بالتوكيل مش حيقوله الحل كمان بالتليفون
الا لو كان هناك وسال فى الموضوع ده , ورحلهم بنفسه
فياريت لمصلحة الاعضاء محدش يفتح الموضوع ده تانى ونتكلم فيه
ولما نتقابل مع بعض نبقا نحكى
واتفقت مع الادارة : ان لو اى عضو كتب حل المشكلة دى فى اى موضوع على العام , يتم التبليغ عنها وتتدخل الادارة بحذف المشاركة فورا حرصا على مصلحة الاعضاء
تحياتى للجميع
منسق قسم نيسان