عندى اجزاء بلاستك مكسورة فى الطبلوه. مين اجيب من عنده قطع غيار سواء جديد او استيراد؟
مثلا الاطار البلستك الاسود المحيط بالكسيت ووحدة التكييف مكسورة
يا ريت اسم المحلات و عناوينها. ويسلام لو الموقع بال gps او جوجل مابس.
العربية بولو ٩٦ ١٣٠٠
شكرا
عندى اجزاء بلاستك مكسورة فى الطبلوه. مين اجيب من عنده قطع غيار سواء جديد او استيراد؟
مثلا الاطار البلستك الاسود المحيط بالكسيت ووحدة التكييف مكسورة
يا ريت اسم المحلات و عناوينها. ويسلام لو الموقع بال gps او جوجل مابس.
العربية بولو ٩٦ ١٣٠٠
شكرا
اشترى التابلو كامل ارخصلك
والمكان الحرفيين اول جسر السويس من ناحيه طريق الأسماعيليه
التابلو كامل لقيته بحوالى ٧٥٠ جنيه ... معقول السعر ده؟
دور تانى وفاصل ممكن تاخده ب 600لو هتشترى الكونسوله اللى فى النص لوحدها ب 400 ج وشوف بقى كل هوايا هيقولك 50 ولا 100 جنيه هتلاقى نفسك دفعت حق التابلو مع انك مأخدتش لا العداد ولا الأجزاء التانيه يبقى انهو ارخص
انا عندى فتحات التكييف متكسرة
هل دى بتتباع لوحدها ولا لأ
انا كنت سألت على الطابلو قبل كده كان ب 500 او 550 تقريبا في الحرفيين
انا كنت في الحرفيين امبارح ولسه سأل عليه
كان ب 650 و لو فاصلت هتاخده اقل من كده
انا كمان عندي البلاستيك بتاع الكونسول اتكسر لوحده من غير ما المسه والعجيب انه اتكسر من كل حته في وقت لا يتعدي اسبوع
وبالنسبة لهوايات التكييف انا بفكها واظبطها واركبها تاني من غير ما افك التابلوه
وعلي فكرة ممكن تجيب تابلوه ب500 من غير عدادات الا لو عايو تجيب الكيلو متر والساعة الديجيتال
والله المستعان
،
،
علي فكرة هو اتكسر قبل ما افك او اركب الهوايات
بس هو ابتدي بكسر واحد
وبعد كدة لقيته سرح في كل حتة وكل الاتجاهات
انا اشك انه اتكسر لأنه بيتهز في المطبات الجامدة
ثانيا هو مش بايت صح في مكانه من الناحية الشمال بتاعة مفتاح الزجاج الحراري وكل لوحة الزراير دي عندي معلقة في الهوا ووراها فراغ كبير اوي
هل الحمها بأمير ؟؟؟؟
طب واعمل ايه في موضوع عدم بياته في مكانه وتعليقته في الهوا ؟؟؟؟
هو دا سبب تكسيره بالشكل دا عندك انو مش محكم فى مكانه صح ودا ادى لوجود مراكز ثقل عليه فى بعض الأماكن كسرته
لو الحاله الماديه ماتسمحش فكه بره والحمه من الخلف بأمير وطفيه سجائر او هات مادتين والحمه بيهم
والفك هيكون من خلال انك هتفك الهوايتين بتوع التكييف هتلاقى وراهم مسمارين وبعد كدا فك الطفايه عشان توسعلك وهتلاقى مسمارين موجودين تحت عن علبه الشرايط والسديهات اللى هى فى اخر كونسوله عصايه الفتيس كدا الجزء دا بقى حر معاك ابتدى اسحبه بالرحه للحفاظ على ما بقى منه
وعشان كمان ما تضعش الأجزاء اللى اتكسرت ويفضل تعملها بنفسك لأن مفيش صنايعي هيحافظ زى مانت هتحافظ ولزق الحتت المكسره بمادتين مع المحاول على الحفاظ على الشكل الخارجى قدر الأمكان وسيبها تنشف وبعد كدا ابداء ركب ولكن بحرص شديد عشان متتكسرش تانى اما انك تستعوض الله فيها وتجيبلك واحده جديده من الشيخ حسن فى الحرفيين(الكوثر ) ب 450 او استيراد ب 400 او 350 والله المستعان
http://www.nilemotors.net/Nile/%3Ca%...3057187821.jpg[/IMG]
http://www.niceimg.com/uploads/13057187821.jpg
دي صوره لوحه التكييف عندي
عندي فتحات التكييف سايبه يعني بتتحرك لفوق وتحت لوحدها مش بتثبت ممكن اثبتهم ازاي ؟
مع العلم ان صعب عندي اني افك الجزء ده كله من التابلوه لانه راكب لزق تقريبا
روح لمحل حدايد وبويات قلو عايز مادتين بس الشفاف مش الأسود بيعملو تقريبا 10 ج
بس استحمل ريحتهم هتحس انك فتحت بلاعه لما تفتح الأنبوبتين
بتبداء بمزج الأمبوبتين دول بكميات متساويه وتخلطهم ببعض وبعد كدا تبتدى تلحم
حاول تحط اول بأول لأنه لما بينشف ما بيفكش تانى يعنى تاخد من الأمبوبتين على قدر المكان اللى انت هتلزقه
انا فعلا لقيته ب500 جنيه عندنا في فيصل علي المريوطية من غير عدادات
ولقيت الكونسول بس ب 350 جنيه
فكرت اشتري التابلوه كامل من غير عدادات واستفاد بالدرج والدرج الي تحت الدركسيون لأنه مكسور بردو عندي وهواية التكييف الي في اقصي اليمين ولو في سماعات تبقي مصلحة
والله المستعان
،
،
علي فكرة انا عرفت ان الكونسولة بتباع عند الشركة الهندسية في شارع رمسيس محطة غمرة جديدة نوفي ب220 جنيه
لو سمحتوا حد يعرف بيتباع الدرج فى التابلوة من تحت الى تحت التكييف فبن و ممكن يكون موجود فى الحرفين
يا جماعة نصيحة غالية
اوعي حد يحاول يلزق الكونسول في التابلوه
لو حد عايز حاجة من التابلوه ممكن ينزل الحرفيين
اوعي تلزق
اشتري علي طوول
وعن تجربة
http://www.nilemotors.net/Nile/22024...post3873552601
والله المستعان
،
،
ياباشا فكيته خالص والله وطلعته بره العربية تماما وطلعت بيه البيت كمان في الدور الثالث ونزلت بيه وحطيته علي الكنبة الخلفية وروحت بيه للراجل عشان يلزقه (غلطة وندمان عليها) وياريتني كنت انا الي لزقته وفعلا حضرت الصنفرة ولسة هشتري الانبوبتين الي حضرتك قولت عليهم (ايه بوكسي) بس اخويا شار عليا (شورة طلعت اوت) اني ادي العيش لخبازه حتي لو ياكل نصه (هو فعلا اكل نص الطابلوه)
واعتقد باين اوي من الصور اني فكيته
والله المستعان
،
،
انا رديت قبل ما اشوف الصور هى كانت عيزاك انت اللى تعملها وبال رايق وعلى الهادى خالص
انا عملت الموضوع دا فى عربية جوز اختى سيفيا والنتيجه كانت حلوه
معلش ربنا يعوض عليلك فى الفلوس اللى راحت على الأرض
انا سالأت على الطابلو ب 750 الكامل بتاع الابيزا بتاع حضرتك