ماسورة المياه بتاعت الاسترا 1600 - 2003ضربت محتاج ميكانيكي محترم بمصر الجديده واشتريها منين واي الانواع أفضل لأنها مش موجوده عند الوكيل نهائيا
عرض للطباعة
ماسورة المياه بتاعت الاسترا 1600 - 2003ضربت محتاج ميكانيكي محترم بمصر الجديده واشتريها منين واي الانواع أفضل لأنها مش موجوده عند الوكيل نهائيا
باشا انت قصدك على ماسورة الماية اللى ورا الموتور على طول؟ لو هى دى اللى قصدك عليها يبقى قدامك حل من الاتنين يا اما تدور عليها وغالبا هتلاقيها فى الحرفيين او فى شارع دمشق او فى كفر طهرمس فى فيصل والحل التانى انك تشوف ميكانيكى نضيف ويعملهالك حديد بنفس المقاسات والمخارج
غالبا السبب فى انها اتكسرت ان عندك قاعدة موتور ضعيفة فمع هزة الموتور الماسورة دى بتتشرخ فلو اتعملت حديد مفيش اى حاجة هتأثر فيها بس طبعا حاول متطنش لو الموتور بتاعك محتاج قواعد
متقلقش من حكاية تغييرها وانك تعملها حديد دى لانها متجربة اكتر من مرة وبقالها مدة طويلة كمان
اه نسيت اقوك انها مش محتاجة ميكانيكى عبقرى يعنى بس انت خلى الميكانيكى ياخد باله من المقاسات كويس وطبعا هو مش هياخده بايده انت خليه يفكها ويلحمها بأمير ويوديها لبتاع ورشة حديد يعمل زيها بالظبط وكمان وهو بيركبها ميستهبلشى ويفك الموتور والكلام ده.. هو بينزل تحت العربية وبيفك المارش ويركبها ويرجع يركب المارش تانى بعدها ويقفل التصفيح اللى تحت طبعا
شكرا يا كبير على المساعده والمشوره
كلك زوق
شكلها ايه الماسوره دىياباشا
على شكلحرفl وبها مخرجين من الجنب
الرجالة الجداد دخلو ومعرفوناش بيهم
على العموم اهلا وسهلاومنورنا
caboo
اعرفك انا بالرجالة الجداد mimooo7
ده واحد زميلي في الشغل ربنا كرمه من حوالي 4 شهور و جبتلو استرا 2006 فابريكه
و بيحاول يكون كويس في العربيات و ربنا يكرمنا كلنا
سوري يا محمد بس لازم اعرف الرجالة علي الزمايل الجداد
اهلا وسهلا بيك يا استاذنا معانا فى المنتدى
وشكرا يا ابلاوى على تعريفك بالراجل الجديد ةواهلا وسهلا مرة تانية
منورين يا رجاله
الف شكر ياجماعة على السؤال وسورى انى ماعرفتش نفسى فى الاول طبعا
ذى ما قال محمد ان انا وهو زمايل فى الشغل وهو اللى اقنعنى بالاسترا بعد ما شوفتها معاه وساعدنى فى انى اشتريها كمان
على العموم اهلا وسهلا بيكم بجد وفرصة سعيدة انى اتعرف بيكم كلكم من اول مشاركة ليا
اخوكم/ محمد جابر