الموضوع: البوم صور ورشه نايل موتورز لدهان وتجديد السيارات

أول جين تو بفتحة سقف في مصر اتعملت في الورشة :

بسم الله الرحمن الرحيم

السلام عليكم جميعا

كتير من البروتوناويه عارفين إن عربيتي جين-2 موديل 2006 أوتوماتيك بدون كساحات ولا عتب ولا سبويلر ( Without Sport Package ) ... وكلكم برضه عارفين إن ما فيش جين -2 بتنزل من المصنع بفتحة سقف ........

وانا من زمااااان و أنا نفسي في عربيه بفتحة سقف ... و أول لما الجين نزلت مصر عجبتني بجنوووووون و رحت إتفرجت عليها و لقيت فيها كل الكماليات اللي أنا عايزها و بسعر منافس جدااااااااااااا بس للأسف الحلو ما يكملش لأنها مش بتنزل بفتحة سقف ......
كان فيها فئة عاديه ( مانيوال و أوتو ) و فئة فيها كساحات و عتب وسبويلر ( With Sport Package ) بزياده 6000 جنيه ......

قررت أشتريها و أضحي بشراء عربية بفتحة سقف و كمان كنت شايف إن 6000 جنيه كتير قوي على شوية بلاستيك ( الكساحات والعتب والسبويلر ) فإشتريت الفئة الأوتوماتيك العاديه ...

وفي يوم وأنا بقلب في النت لقيت إن في ماليزيا في ورشه متخصصه لعمل فتحات السقف في أي عربية و كان في عربيات بروتون كتيييير معمولها فتحة سقف ( جين-2 و واجا و ويرا وساتريا ) وكل البروتوناوية عارفين إن بروتون مش بتنتج عربيات بفتحة سقف نهائي ...

المشاركة الأصلية كتبت بواسطة Abdelrahman.H

أنا لقيت ألبوم الصور ده على Flickr وهو بتاع ورشة متخصصة لتركيب فتحة السقف في ماليزيا .........

Sunroof Garage Mr Lee (Sunroof Specialist)'s Photostream

بيركب فتحات السقف عن طريق إنه بيوفق فتحة سقف خاصة بأي سيارة اخرى و بيقص الفتحة بالقشرة الصاج اللي حواليها و يلحمها في عربيتك و يمعجن مكان اللحام و يرش السقف كله من بره ومن جوه ....












و لحظي الجميل لقيت صورة جين-2 بفتحة سقف ... شكلها رائع

وفي يوم تاني و أنا بقلب في نايل موتورز لقيت الموضوع ده وهو خاص بتركيب فتحة سقف لأي عربيه

http://www.nilemotors.net/Nile/192334-a.html

عجبني الموضوع جدا ورحت المحل علشان أركبها بس الفني قاللي مش حتنفع في الجين -2 علشان السقف مش مسطح والبومبيه بتاع السقف جامد و ده حيخلي الفتحة مش مخدمه مع الصاج اللي حواليها و لأنهم عملوها قبل كده في جين -2 و باظت و طلع شكلها وحش .....

المهم قررت إني أقص في الصاج و أركب سقف عربيه تانيه و نزلت دورت في الحرفيين و لقيت إني ممكن آخد سقف صاج بتاع دايو لانوس كوري بالفتحة بتاعته كهرباء ( اللانوس في كوريا بتنزل بفتحة سقف ) ب 1000 جنيه و التركيب بقى حيبقى محتاج شغل سمكرة ودوكو ....


================================

سقف اللانوس الإستيراد









========================================

و طالما بنتكلم في سمكره ودوكو يبقى مافيش غير مكان واحد بس أثق فيه ( ورشة كريم منير )

قابلت كريم منير و أحمد قدوره في الورشه و شرحت لكريم أنا عايز أعمل إيه في العربيه و رشحلي سمكري محترف جدااااااااااااااااااااااا اااااا ..... وبدأ التنفيذ ...........................

=====================================

مرحلة السمكره

كريم قاللي لازم فرش الصالون كله يتفك علشان ما يتبهدلش و العربيه تبقى على الصاج من جوه ....
روحت البيت طلعت العده بتاعتي و فكيت الصالون كله و تاني يوم وديت العربيه للسمكري علشان يبدأ التنفيذ ....

=====================================

في الأول بدأ السمكري في قص القشرة الصاج بتاعة اللانوس و تحريرها من القوايم والعضم




=====================================

القشره الصاج بعد فكها



=====================================

بعد كده بدأت أرفع مقاسات القشره الصاج و أرسمها على سقف عربيتي





=====================================


ثم بدأت العمليه الجراحيه

السمكري و هو بيقص السقف





السقف بعد قصه





بدأ مرحلة اللحامات للقشرة الجديده







بعد الإنتهاء من لحام قشرة اللانوس و صنفرة أماكن اللحام و إستعدال مناسيب الصاج القديم والجديد وأصبح السقف جاهز للمعجون والدوكو









=====================================

مرحلة الدوكو

بعد كده العربيه راحت للفنان أحمد قدوره لعمل مرحلة معجون ودهان السقف












. =====================================

جنب ورشة كريم بالظبط في ورشة بسام بتاع الفايبر ....

http://www.nilemotors.net/Nile/205069-a.html

عملت عنده طقم الكساحات والعتب بتوع الجين-2 Sport Package بنفس الشكل الأصلي بالظبط و بكفائه و نضافة شغل غير فكرتي تماما عن شغل الفايبر اللي كنت من أكثر الناس كرها له.....
والأسبويلر الخاص بجين-2 موديلات 2007 , 2006 , 2008 إشتريته من محل المدينة ب 330 جنيه و رحت وديته عند بسام و أخد الإسطمبه بتاعته و عمل عليه وموجود عنده دلوقتي لو حد عايز

وفوق كل ده بسام عملي رمشين للكشافات الأمامية هديه منه .....


















============================================
تم تجديد الجنوط وتغيير لونها إلى اللون الرمادي الغامق مطفي
















=================================

و بعد كده دخلت مرحلة الرش في الكابينه .... أنا طلبت إن كل الخامات تكون ماركة إسكينيز

















قدوره و هو بيرش العربيه بنفسه












=========================================

بعد كده أخدت العربيه تاني على البيت ورجعت فرش الصالون زي ما كان و ركبت فتحة السقف و قفلت فرش السقف و ركبت الإكسسوارات اللي جبتها معايا من ماليزيا ورجعت تاني على قدوره علشان يلمع العربيه و يعملها التفنيش النهائي


الصور النهائية بعد ما العربيه خلصت ( كله يقول بسم الله ماشاء الله لا قوة إلا بالله )













































===============================

فيديو لفتحة السقف أثناء الفتح والقفل

YouTube - Proton Gen 2 With Built-In Sunroof In Egypt


===============================


في النهايه أحب اوجه كل الشكر لكريم منير على إهتمامه بالعملاء بتوعه و حرصه على إتمام العمل بطريقه ترضي العميل و ترضي ضمير كريم شخصيا .... ربنا يباركلك يا كريم و تكون الورشه دي باب رزق كبير ليك ........

وأشكر الأسطى أحمد قدوره على الشغل الرائع اللي عمله في العربيه

كما أشكر الأستاذ بسام فايبر على إتقانه الشديد في شغله ....والله أحسن واحد بيعمل فايبر في مصر والوحيد اللي غير فكرتي عن الفايبر بعد ما كنت بأكرهه موووووووووووووووووت.



تقبلوا تحياتي ......

م/ عبدالرحمن


========================================