الموضوع: تحب تعيش حر ولا تحب تعيش عبد!!!

عفوا استاذ ابو سيف ردى يمكن مش لطيف فعلا ولكن هذا لة اسبابة وطبعا هذا لة اسبابة خاصا اذا كان هذا الموضوع من اساسة قد كتب من اجلى -ويمكن حضرتك مش متابع ولكن هى بعض المناوشات بينى وبين صاحب الموضوع الاستاذ حازم خضر -فهو من كام يوم كتب انى مهاجر وتركت بلدى اكيد لضيق ذات اليد ولكنة هو اهلة مش محتاجين انة يغترب وطبعا لما عرفت انة هو كمان كان مسافر اضطريت انى ارد علية وبرضة بطريقة مهذبة مثل هذة -وطبعا هو لم يسكت ونزل بالموضوع اللى حضرتك بتشترك فية الان -انا بوضح الامر بس انا لية رديت بالطريقة دية --بالنسبة للدكتور احمد العملية اللى بتقول مش عارف بتكلف كام الف استرلينى او ايورو --هنا بالنسبة لنا مجانا --لاننا من اهل البلد -وكان لى تجربة فى جراحة تكلفت 37 الف ايورو لم ادفع منها اى شىء -تجربتى يا استاذ ابو سيف لا اقدر ان اصفها بالعظمة --وانا فعلا اتمتع بذوق عالى فقط مع من يستحقة--مش معقولة واحد يغلط فيك وتقولة --ياريت تانى لو سمحت --دية مش اسمها ذوق عالى دية ليها اسم تانى عيب لما اقولة هنا-ولكنها سلبية بكل الاحوال --المهم وبرغم وجود حوالى 46 فرد من عائلتى هنا لم تكن التجربة سهلة وبرغم انى كنت كل عامين نأتى فى زيارات الى هنا لم يكن يخطر ببالى ان اقيم بشكل دائم ولكنى اثرت ان اكمل تعليمى هنا وتزوجت وحصلت على الجنسية-حتى يكون لى كل الحقوق الواجبة لاهل البلد -واشتغلت فى كل حاجة ممكن تتخيلها ولم اقرب الخمر ولا لحم الخنزير وحتى عندما كنت امتلك احد المطاعم كان كل شىء فية حلال ورزقنى الله والحمدلله واعطانى اكثر ما استحق واحمدة واشكر فضلة وانا اب لثلاث شباب مصطفى وهشام واسامة واخترت لهم اسماء اخواتى اسماء عربية ومسلمة 100% ومصطفى اسم والدى الذى شعرت فعلا انى- عبد- عندما علمت بخبر وفاتة وانا بعيد عنة وهو ليس بين احضانى -ولكنها ارادة الله-الان انا منتظم فى نزولى الى مصر مرتان فى العام وفى الصيف اصطحب ابنائى معى --علمتهم يحبوا مصر وبعلمهم القرأن والعربى وينتظرون اللحظة التى تطأ اقدامهم فيها ارض مصر --دة كدة بأختصار انا بحكيلك يمكن الدكتور احمد كان عندة حق فى كلامة--العبيد فى كل مكان -