الموضوع: تحب تعيش حر ولا تحب تعيش عبد!!!

والله انا شايف الموضوع من الصبح ومش عارف اقول ايه ، عارف لما يتطلب منك تتحرك في اوضة ضلمة ومليانة كراكيب ، مهما كان تحركك في الاتجاه الصحيح لازم هتخبط في حاجة ان مكانش حاجات وينتهي بيك الامر بخبطتين علي كام خربوش ده ان ما اتكفيتش علي وشك وضاعت من عقلك احداثيات مكانك وفقد واتلهيت في تسليك نفسك مما علق بها من كراكيب .

ده الوضع في الموضوع ده وتقريبا ده الوضع في مشاركات كتير انتهت بخناق وزعيق وفي الاخر تستقر الكلمات في ساحة المحذوفات ولا يبقي منها الا الغضب في الصدور.

وللاسف اجد نفسي مضطرا لدخول مثل هذة الغرف المظلمة لا لشي الا لمحاولة رفع الالتباس ولم شمل الاخوة ولو حد هيفهم كلامي بغير المعني ده فياريت يعتبر نفسة مقراهوش وميردش عليه

اسمحولي احلل معاكم الموضوع ده بداية من الاستفتاء الغريب اللي بداء بيه اخونا الجميل حازم خضر وللعلم حازم شاب طيب جدا ومؤدب جدا وسعدنا بالتعرف عليه في المقابلة الاخيرة واعتبرناه اخ اصغر سنا (واكبر مقاما) لينا كلنا

عشان كده انا حابب اوجة عتابي ليه اولا عن الموضوع الغريب اللي مكانش ليه اي مقدمات وفي نفس الوقت ممكن يبان كانة (اسف للفظ ) تلقيح كلام علي عضو مغترب (اللي هو جنيدي ابو مصطفي) علما بان كان لسه فيه مشادة بينك وبينة من ايام معدودة فطبيعي ان المداخلة ديه اللي استغرب منها غالبية الاعضاء واعترض عليها البعض خاصة كلمة عبد - كان طبيعي ان جنيدي ابو مصطفي يفهم ان الكلام موجة ليه -- خاصة ان جنيدي سبق واتعرض لتلقيح كلام كتير وطرق مفتكسة لا تعد لتحويل الناس عنة واظهاره بمظهر الشخص المخطي دائما الدائم الاعتزار (علما بان جنيدي راجل دمة حامي وللاسف سريع الانفعال ) مماجعلة يرد علي حازم بالاسلوب ده

باقي المداخلات يا اما استغراب يا اما استنكار لمعني العبودية يا اما تاكيد علي مبداء العبودية في الخارج او الداخل

طيب الراجل (حازم) دخل وبدون قصد فتح موضوع حساس لاي انسان مغترب وجنيدي مغترب ومن يومين كان فيه مشادة بين الاتنين وصل صداها لساحة الشكاوي والاقتراحات وجنيدي زي ما نتوا عارفين سريع الانفعال ومش هيسكت وفعلا مسكتش وهاجم حازم ضمنيا يبقي احنا نعمل ايه !!!!؟

انا مش هقولكم ايه اللي يتعمل وايه اللي ميتعملش لعلمي بمدي ثقافة ووعي وتحضر السواد الاعظم من الاعضاء بس انا برجوا كل اخوانا ياريت لما تبقي فيه سوء تفاهم زي كده الناس متجريش نكبر الامور ونلتمس لبعض العزر بل الاعزار عشان الهدف الاساسي من وجودنا التعارف والتأخي علي الخير سواء اتفقنا علي مفاهيم العبودية والحرية في مصر وخارجها او اختلفنا

ابوس دماغك يا جنيدي متزعلش من حازم والتمس ليه العزر اكيد مكانش يقصدك بالموضوع ده

وابوس دماغك يا خالد جنيدي علي قد عصبيتوا طيب واوعدك بالنيابة عنة انه مش هيتسرع ويرد وهو متدايق لان اي رد هيخرج من الواحد وهو متعصب لازم يكون فيه هجوم ولو كان ضمني

وعتاب لاخي ابو سيف " ياراجل انت شايف الدنيا حريقة قول كلمة او ....... :?:

وربنا يستر بقي عشان حاسس اني بدائت اترنح وهلبس في رجل كرسي دلوقتي حالا

الحقونييييييييييييييييييي ييييييييييييييييييييييييي ييييييييييييييييييييييييي يييييييييييييييييييييي طاااااااااااااااااااااااا ااااااااااااااااخ