الموضوع: تحب تعيش حر ولا تحب تعيش عبد!!!

تبقي عبد عند الاجانب يشغلوك في محطه بنزين ولا بياع جرايد ولا ماسح احذيه ولا في غسيل الصحون؟؟؟

مش شرط ان الواحد يسافر بره ويشتغل فى محطة بنزين أو يغسل صحون
وحتى لو الواحد اشتغل كده ده مش اسعباد ولا حاجة بدام الشغل حلال خلاص
انا ضد الهجرة أو عدم العوده
بس السفر فى الوقت ده للشباب حاجه مهمه الحياة صعبة هنا مع ان فى شغل طتير بس عايز شوية تعب

انا افضل انى اكون عايش حر فى بلدى عن ما اكون تحت رحمة الخواجة

رغم ان حلم اى شاب انو يخلص دراسته ويسافر يشتغل فى اى بلد عربى او اجنبى

ويمكن يشتغل شغل كويس ويمكن لا لذلك فأن العمل فى بلدى اى كان العمل اهون ميت مرة من الغربة

وعلى فكرة ماحدش بيحس بكده غير اما يجرب مهما قولت ونصحت

انا بس ليا سؤال واحد الا و هو
تفتكر ان احنا هنا فى بلدنا احرار ؟؟؟
ممكن الاستفتاء من وجهة نظرى كان يبقى هل تحب تعيش عبد فى بلدك و لا عبد فى بلاد الاجانب ؟؟
مع ملاحظة انه فى بعض الاحيان عبد فى بلاد الاجانب و انت بتتعامل من منطلق انك انسان و له حقوق و عليه واجبات افضل من عبد فى بلدك و ليس لك اية حقوق و لو ليك حق ماتعرفش تأخذه

سؤال هو اى واحد فى بلد اجنبى بقى عبد ؟؟ و انت طبعا شايف ان الحرية مقطعه بعضها فى مصر

مش فاهم اية علاقة المصريين و الغربة و الكلام الغرب دة :mrgreen: سبحان الله
ثانيا انت فى اى بلد حتى عربى بتاخد حقك تالت و متلت على قولتكم من اى حد هنا فى مصر اذا خبطت و احد ابن اخت صاحبة عمو بنت خاله اخو ابن اخت خالتو لواء :mrgreen: مش حتعرف حتى تاخد حقك :mrgreen: :mrgreen:

ثالثا انا مش عاوز اتكلم على مصر شخصيا عشان كدة ممكن ناس يعتبرونى من جيش الاعداء بس موضوعك 100000% غلط * غلط

لا يا تيربو انت غلطان معلش انت لو في مصر و عاوز تاخد حقك حتاخده دلوقتي الوضع ماعدش زي زمان و غير كده هل انت في البلد اللي انت فيها لو مش مواطن بتتعامل معامله اهل البلد؟؟لا طبعا و اؤؤكد ليك لازم بيبقي فيه فرق و لازم هو بيكون مميز عنك في مواصلات في مرور في خدمات صحيه في مدارس في كل حاجه احنا ليه مش نحاول ننمي بلدنا و نوصل بيها لاحسن.
انا اعتقد ان انهارده احسن من خمس سنين فاتو كمان .يا تري من تلات سنين بس كنت تقدر تطلع في مظاهره تقول رايك؟يا تري كنت بتلاقي ترشيحات لرئاسه الجمهوريه و عندك اختيار ما بين كذا واحد؟؟ممكن تكون مش مطبقه كويس بس موجوده و مسيرها حتتنظم

اقول لحضرتك انا اولا مش معايا الجنسية العمانية لانى عمانى من الام

و اجزم لك والله العظيم بنتعامل زى المواطنيين بالظبط فى كل شئ حدى لحضرتك مثال : هنا التعليم مجانى بمعنى مجانى لكل الافراد ( والله العظيم ما بتدفع جنية واحد فى المدرسة و هما كمان اللى بيجيبوا لك الكراسات و الاقلام و اذا تفوقت بيدوك فلوس كمان ) على العكس تماما فى مصر اذا واحد عربى او اجنبى جة بيقوالوا دة كنز يلا نشفطة صح ولا لا غير كدة اسعارهم خاصة ؟

اذا كنت بتقول اننا مش بنتعامل زى اهل البلد احسن بردة من مصر شوف انت اذا حصلك مشكله مع واحد من زيمبابوى قابلنى اذا اخدت حقك فا الافضل طبعا انى احىى اللى بيفضل اولاد بلدة ( مع ان دى مش حقيقة فى عمان )

و هل من 3 سنين كان صح ؟؟ هل برضة دلوقتى العيشة فل الفل .؟؟ و هل انت كان عندك شك 0.00000000001% ان حد غيرة حيكسب

انا مش ضد حضرتك ولا حاجة و انا مش حشارك فى الموضوع دة تانى لانى بجد زهقان و اذا اتكلمت حخالف مسؤليتى كمشرف و احتمال ناس من الاعزاء على قلبى يزعلوا منى

و فى الاخر اسف اذا كان حد اتضايق من كلامى