اقتباس المشاركة الأصلية كتبت بواسطة fbiahmed مشاهدة المشاركة
انا اتصلت بالميكانيكي بتاعي قالي الاتي عاوز جوان وش سلندر و جوان مانفولد و اويل سيل كرنك و جوان وش تقسيمه و كاتينه بالترسين و طقم الشنبر بس انا عندي وش السلندر اصلي و جديد جبته من سنتين من ارتوك كامل فقالي معلش نعمله روديه و جلب عشان نريح دماغنا سؤال بقى هل الشنبر ليه علاقه بضعف السحب و ان العربيه تسخن اما تجري و تبرد لما تهدي

الجوانات ديه كلها على بعضها اخرها 110 و لو لقيت طقم كامل جيبه اوفر

و جوان وش السلندر الخراط بيقول للميكانيكى يركب 2 ولا واحد دبل و لا عادى

ترسين و كاتينة انا جبت المانى ب 150 و فيه ايطالى ب 120

طقم الشانبر البرازيلى 140 و الالمانى 175 (بيقولو البرازيلى احسن من الالمانى)

الروديه و الجلب للوش من 60 ل 100 لكن لو هتعمل فريزر (مش عارف الاسم بالضبط) هيكلفك 200 جنيه شامل الروديه و الجلب

الشنبر ليه علاقة بضعف السحب جدا تحس انك راكب 124

لو احتجت اى استفسار قولى علشان انا لسةعامل عمرة