فتيس 307 استيراد يعمل كام فى مصر, و هل فى استيراد فى الامارات

**TOOLA** · 04-05-2011 08:51 PM

السلام عليكم,

دلوقتى أختى معاها بيجو 307 sw أوتو فى الامارات, و العربية زى الفل معاهم معادا موضوع الفتيس, اتغير بعد ما العربية جت ب سنة و نصف على حساب التوكيل, و عدا سنة بضبط و العربية طلعتلهم error و بعد ما راحت التوكيل قلولها حاجة اسمها تقريبا (صمام زيت الفتيس) عامل بتاع 2000 درهم و احتمال يتغير على حساب التوكيل.

المشكلة ان العربية م 2008 و حالة زيرو و ماشية ك40,000 فقط, و طبعا هى خافت من العربية لأن الفتيس جديد عامل هناك بتاع 20000 درهم, فهى بتفكر تنزل العربية مصر و تسيبها هنا (هو المالك الأول) بس محتاجين نعرف سعر الفتيس استيراد فى مصر عامل كام, و هل فى منطقة فى الامارات بتبيع استيراد.

برجاء الرد ضرورى لأن على اساسه هتقرر تسيب العربية و تنزلها مصر, و لا تبيعها هناك و تشوف حاجة تانية.

و شكرا

**RedBull_30** · 04-05-2011 10:03 PM

في الامارات او الخليج عموما بيبقى فيه حاجة اسمها سكراب .. عبارة عن مكان فيه عربيات عاملة حوادث .. تروح بقى وتنقي اللي انت عاوزه باب او رفرف او موتور او جير بوكس و زي ما انت عاوز وطبعا الاسعار لا تقارن ب مصر .. ان شاء الله هتلاقيه ارخص بكتير . حاول تسئل بس اي حد هناك و هتعرف توصل للمكان

**TOOLA** · 05-05-2011 02:28 AM

المشاركة الأصلية كتبت بواسطة redbull_30

في الامارات او الخليج عموما بيبقى فيه حاجة اسمها سكراب .. عبارة عن مكان فيه عربيات عاملة حوادث .. تروح بقى وتنقي اللي انت عاوزه باب او رفرف او موتور او جير بوكس و زي ما انت عاوز وطبعا الاسعار لا تقارن ب مصر .. ان شاء الله هتلاقيه ارخص بكتير . حاول تسئل بس اي حد هناك و هتعرف توصل للمكان

شكرا يا باشا, بس مبدئيا محتاج اعرف سعره استيراد فى مصر يعمل كام, فمنتظر رد الأخوة فى منتدى بيجو هنا

**daaark** · 05-05-2011 11:23 PM

متااابع

**maclaren722** · 12-05-2011 04:50 AM

عامة انا هاديلك رقم تاجر استيراد ف بورسعيد واتصل بيه واسالة اسمه احمد حسن ورقمه 0107070765 اساله وانا هحاول اجيبلك سعره ف اسرع وقت وابقى طمنى عملت ايه

**TOOLA** · 12-05-2011 03:49 PM

شكرا يا باشا على الرد, هوا مبدايا لما سألت أحد الأصدقاء قلى ان سعر الفتيس استيراد يعمل من 3 الاف الى 5 الاف جنيه, و ان العربية ديه متوافر منها استيراد كتير (ال 307 عموما يعنى), فأنا بلغت اختى فى الامارات على الأعرفو و سيبتلها قرار البيع هناك أو تنزيلها مصر, و اخر عيب ظهر عندها فى الفتيس اتغير خلاص على حساب التوكيل, فعلن ناس محترمة هناك

**medododo** · 12-05-2011 10:22 PM

معلش انا هديك نصيحة بشكل مختلف
راجع كده معايا سيناريو العربية دي
فتيس جديد بتاع العربية الاصلي باظ
وبعد سنة ونصف بس
وبعدين صمام زيت الفتيس
نصيحة بيعوا العربية دي وبفلوس الجمرك وفلوس العربية ممكن تجيبوا حاجة كويسة من مصر بالضمان المحلي

**MuhamedNabil** · 14-05-2011 02:39 AM

المشاركة الأصلية كتبت بواسطة TOOLA

السلام عليكم,

دلوقتى أختى معاها بيجو 307 sw أوتو فى الامارات, و العربية زى الفل معاهم معادا موضوع الفتيس, اتغير بعد ما العربية جت ب سنة و نصف على حساب التوكيل, و عدا سنة بضبط و العربية طلعتلهم error و بعد ما راحت التوكيل قلولها حاجة اسمها تقريبا (صمام زيت الفتيس) عامل بتاع 2000 درهم و احتمال يتغير على حساب التوكيل.

المشكلة ان العربية م 2008 و حالة زيرو و ماشية ك40,000 فقط, و طبعا هى خافت من العربية لأن الفتيس جديد عامل هناك بتاع 20000 درهم, فهى بتفكر تنزل العربية مصر و تسيبها هنا (هو المالك الأول) بس محتاجين نعرف سعر الفتيس استيراد فى مصر عامل كام, و هل فى منطقة فى الامارات بتبيع استيراد.

برجاء الرد ضرورى لأن على اساسه هتقرر تسيب العربية و تنزلها مصر, و لا تبيعها هناك و تشوف حاجة تانية.

و شكرا

صمامات الفتيس دى هنا جديد فى التوكيل 850 جم الاثنين و انا زمان اشترتهم من السعودية 450 ريال الاثنين الموضوع مش محتاج كل ده و سبب الرسالة البتطلع دى ان ضغط الزيت الفى الفتيس و فى جوه الفتيس نفسه رجلاش بيعلى الضغط و بيقلله
انا لما دخلت فى موضوع الجيربوكس ده كتبته هنا

http://www.nilemotors.net/Nile/16040...406-206-a.html

**TOOLA** · 14-05-2011 01:43 PM

شكرا يا جماعة على الرد, هوا بس انا أختى و جوزها من قلوقين شوية, و قطع غيار العربية ديه هناك واضح انه هبل شوية و غالبا السبب هوا عدم انتشارها هناك, و هما ميعرفوش نظامها ايه هنا, ولا انا لان انا ركبت كورى و المانى فقط, بس ده ميمنعش ان اختى صعبان عليها العربية جدا و بتعزها ومقبلتش اى مشاكل فيها غير الفتيس, و بينى و بينكم لو الفلوس متوفرة معايا كنت فكرت انزلها هنا و اشتريها منهم اساسا لأن بردو بحترم العربية ديه. عموما ربنا يوفقهم للفيه خير ليهم