بإذن الله نويت أشتري ساجا أوتوماتيك

السلام عليكم.
أنا إن شاء الله قررت أستخير ربنا و اقتربت من اتخاذ قرار مهم جدا و هو شراء ساجا الأوتوماتيك.
أنا مسافر أسبوع أو اتنين و بعد ما أرجع هحجزها بإذن الله.
أنا اتصلت بعز العرب اللي في مدينة نصر و قاللي سعرها 72900 و الاستلام بعد 15 يوم.
يا ترى بقى الناس المحترمة في المنتدى الجميل ده حد يقدر يساعدني في سعر أحسن؟؟ و ممكن حد لو يقدر كمان يساعدني عند الحجز و الاستلام؟؟؟ علشان أنا أول مرة أشتري عربية زيرو و معرفش الإجراءات و حاسس أني هضرب لخمة :oops1: .
و متشكر ليكم جدا و لكل واحد ساعدني في اتخاذ القرار لأني كنت كحتار بينها و بين الفيرنا لكن استريحت لدي أكتر.

اصل هيا الفكرة كنت ها اقول لحضرتك لو عندك استعداد خد 2010 ولكن حضرتك كاتب انك عايز اوتو وبصراحة على حد علمي انه الأوتو خلصان من عز العرب من 10\2010 فمش عارف حقيقة ايه نظام المعارض ... ولكن اعتقد انه الإخوة زي ما ساعدو الزميل محمد قبل كده في ان كل اللي ساكن وجنبه معرض فيه ساجا ها يقول لحضرتك عليه بس انا نصيحتي لحضرتك مدام ربنا كرمك واخترت والحمد لله العربية جرب بقى تلف يمين وشمال على كل المعارض وتشوف سعرها في كل حتة .. حتى عشان تكون مطمئن + مفيش فرق بين انك تشتريها من التوكيل او من معرض الفرق في السعر وميعاد الإستلام ..
والف الف الف الف الف الف الف مبروك يا فندم ومنتظريم من حضرتك المستجد ..

متشكر لرد حضرتك الذوق.
ممكن أعرف فين المعارض اللي بتبيعها؟؟؟ و ياريت فعلا لو حد من الزملاء شاف واحدة معروضة يقوللي.

أصل أنا شفت في قسم النيسان الناس فعلا بتساعد بعضها جامد. يعني بيجيبوا خصومات حلوة و عروض معقولة و هدايا و كمان بيروحوا مع الزملاء وقت الحجز و الاستلام... فكنت أتمنى يكون فيه في قسم البروتون زي قسم النيسان.

صدقني اكثر واشد بكثير كمان انتا عايز ايه اكثر من انه لما السيد الأستاذ عبد المجيد زجاج سيارته اتكسر الأعضاء عرضوا نقل الزجاج من فرع القاهرة للأسكندرية له مخصوص .. اتقل بس حضرتك وها تلاقي الناس كلها ..
وبكرة ان شاء الله ها ااجيب اللستة بالأرقام لحضرتك بالمعارض الموزعة لبروتون مصر بأرقامهم وكل حاجة ها تمشي ان شاء الله ..
واي استفسار تاني انا موجود يا فندم ..

اقتباس:

---

السلام عليكم

---

وعليك السلام ورحمة الله وبركاته

اقتباس:

---

أنا إن شاء الله قررت أستخير ربنا و اقتربت من اتخاذ قرار مهم جدا و هو شراء ساجا الأوتوماتيك.
أنا مسافر أسبوع أو اتنين و بعد ما أرجع هحجزها بإذن الله.

---

الف مبروك مقدما ....وترجع بالسلامة ان شاء الله

اقتباس:

---

أنا اتصلت بعز العرب اللي في مدينة نصر و قاللي سعرها 72900 و الاستلام بعد 15 يوم.
يا ترى بقى الناس المحترمة في المنتدى الجميل ده حد يقدر يساعدني في سعر أحسن؟؟

---

اللي اقدر افيدك فيه وممكن تعمله انك تكلم ا/ مروان في مبيعات بروتون في مدينة نصر وده رقمه 0163136555 وتقوله الناس في نايل موتورز بيسلمو عليك كتير جدا وبيبعتونا عليك في الفرع علشان عارفين معاملتك الجميلة ولو تقدر تجيبلنا خصم حلو كده
زيك وشوية كلام حلو وتشوف ايه النظام ..... طبعا انا بتكلم على مروان ليه ....علشان هوا اللي اتعاملت معاه وانا بجيب العربية وبصراحة شاب اخلاق وممتاز في التعامل

اقتباس:

---

و ممكن حد لو يقدر كمان يساعدني عند الحجز و الاستلام؟؟؟ علشان أنا أول مرة أشتري عربية زيرو و معرفش الإجراءات و حاسس أني هضرب لخمة .

---

ماتقلش خالص من القصتين دول بالنسبة للحجز انتا بتدفع 1000 وتاخد بيهم ايصال حجز طبعا بيتخصمو من سعر العربية
بالنسبة للا ستلام برضه ماتقلقش في عندنا هنا مواضيع عن ازاي تستلم عربيتك ولو عايز حد معاك انا ماعنديش مانع بس نبقى نظبط مع بعض علشان لو كان ورايا حاجة ولا كده
انا برضه يوم ماكنت بستلم جه معايا محمد عماد عضو جميل معانا هنا في القسم ربنا يباركله ويجازيه كل خير
يعني مش عايزك تقلق احنا هنا زي ما بيقولو بتوع بعضينا

اقتباس:

---

و متشكر ليكم جدا و لكل واحد ساعدني في اتخاذ القرار لأني كنت كحتار بينها و بين الفيرنا لكن استريحت لدي أكتر.

---

العفو يا احمد ده واجبنا هنا تجاه بعض ...وربنا يوفقك للي فيه الخير

ألف شكر على ردك و اهتمامك

اقتباس:

---

المشاركة الأصلية كتبت بواسطة mixd99999

وعليك السلام ورحمة الله وبركاته


الف مبروك مقدما ....وترجع بالسلامة ان شاء الله
الله يبارك فيك و يباركلك في عربيتك

اللي اقدر افيدك فيه وممكن تعمله انك تكلم ا/ مروان في مبيعات بروتون في مدينة نصر وده رقمه 0163136555 وتقوله الناس في نايل موتورز بيسلمو عليك كتير جدا وبيبعتونا عليك في الفرع علشان عارفين معاملتك الجميلة ولو تقدر تجيبلنا خصم حلو كده
زيك وشوية كلام حلو وتشوف ايه النظام ..... طبعا انا بتكلم على مروان ليه ....علشان هوا اللي اتعاملت معاه وانا بجيب العربية وبصراحة شاب اخلاق وممتاز في التعامل
شكرا على النصيحة. هعمل كده إن شاء الله لما أرجع

ماتقلش خالص من القصتين دول بالنسبة للحجز انتا بتدفع 1000 وتاخد بيهم ايصال حجز طبعا بيتخصمو من سعر العربية
بالنسبة للا ستلام برضه ماتقلقش في عندنا هنا مواضيع عن ازاي تستلم عربيتك ولو عايز حد معاك انا ماعنديش مانع بس نبقى نظبط مع بعض علشان لو كان ورايا حاجة ولا كده
انا برضه يوم ماكنت بستلم جه معايا محمد عماد عضو جميل معانا هنا في القسم ربنا يباركله ويجازيه كل خير
يعني مش عايزك تقلق احنا هنا زي ما بيقولو بتوع بعضينا
متشكر. أنا بس محتاج حد يكون مشي بالعربية و عارف هيبص عل إيه و بإذن الله هكلمك لما أروح أستلم بس ياريت مكونش هتعبك معايا

العفو يا احمد ده واجبنا هنا تجاه بعض ...وربنا يوفقك للي فيه الخير

---

ربنا يكتبلنا الخير كلنا

اقتباس:

---

متشكر. أنا بس محتاج حد يكون مشي بالعربية و عارف هيبص عل إيه و بإذن الله هكلمك لما أروح أستلم بس ياريت مكونش هتعبك معايا

---

العفو..... ابقى ابعتلي رسالة على الخاص وربنا يوفق للي فيه الخير

سبحان الله. انا امبارح حصللي موقف مش مصدقه. ترتيب الأحداث غريب إلى أقصى حد. سبحان الله. لما يحب يرزق، يرزق من مكان انت مش واخد بالك منه خالص.
أنا أول امبارح بالليل صليت استخارة علشان كنت لسة متردد أجيب الساجا ولا لأ.
امبارح كنت راجع من الشغل فجأة عداد السرعة فصل و بقت بتقطع و لمبة التشك نورت و العربية اتجننت. المهم رحت لواحد كهربائي نسيبي في مدينة نصر قريب من الشغل قاللي أن العربية عاوزة واحد بتاع عدادات و تتحط كمان على السكانر و هو معندوش.
رحت كلمت محمد السيد الكهربائي قاللي هتهالي في الدقي.
المهم فضلت أحايل في العربية علشان كانت مش مظبوطة و زعلانة (تقريبا حست أني بفكر أبيعها و أجيب الساجا) من مدينة نصر للدقي الساعة 6:30 طبعا في عز الزحمة.


......موسيقى تشويق و إثارة ........


أول ما ركنت العربية عند محمد السيد ضربت بطرف عيني لقيت ........ ساجا حمراء في معرض جنبه علطول ( أنا كنت عاوز اللون الأحمر)
قربت منها و لقيتها كمان أوتوماتيك. هيييييييييييييه
اتفرجت على العربية و أول ما قعدت على كرسي السواق حسيت أني حبيت العربية جدا. قلت بس يبقى دي من نصيبي.
دخلت كلمت صاحب المعرض بس للأسف قاللي أنها متباعة و انها خلصت على 72000. قلت الحمد لله و قدر الله و ما شاء فعل. و اتفقنا أنه ممكن الأسبوع الجاي لما أرجع القاهرة أكلمه و نظبط.

لسة الحكاية مخلصتش............

محمد السيد صلح التقطيعة (كان سلك مقطوع) و الصراحة أنا أشهد له بأ نه محترم و شاطر. و قاللي أن بتاع العدادات هياخد وقت فأروحله يوم تاني و العربية مفيهاش مشكلة. جربت العربية و الحمد لله رجعت كويسة.
و بعدين في نفس ذات الوقت جالي بيعة للعربية كان عاوز ياخدها على 22000 أو أقل. بس أنا قلت أسأل الأول على سعرها علشان مظلمش حد ولا أتظلم.

يعني باختصار صليت استخارة فتاني يوم العربية عطلت علشان أروح الدقي (آخر الدنيا بالنسبة لي) علشان أشوف الساجا و ألاقي بيعة للعربية في نفس الوقت. يالعظمة الله. مين في الدنيا ممكن يرتب الأحداث بالسلاسة دي؟؟؟؟

يا جماعة حبيت أشارككم القصة دي علشان نعرف أن لما نستخير ربنا و نتوكل عليه الأمور بتمشي.

بالمناسبة: المعرض إسمه منسي كار و صاحبه إسمه أحمد منسي ة هو عنوانه 10 شارع الدقي و تليفونه: 0180887747
لو حد هيتصل أو هيروح يقوله إن هو جاي من طرف أحمد عامر اللي هيحجز العربية بعد ما يرجع من أسيوط الأسبوع الجاي. علشان يعرف أهمية الدعاية فيخفض لنا كلنا لما يعرف إننا هنجيبله زباين

اقتباس:

---

يا جماعة حبيت أشارككم القصة دي علشان نعرف أن لما نستخير ربنا و نتوكل عليه الأمور بتمشي.

---

طبعا ......ومن يتوكل على الله....... فهو حسبه

وزي ماقال رسولنا العظيم (ًص) {لو أنكم تتوكلون على الله حق توكله لرزقكم كما ترزق الطير تغدو خماصا وتروح بطانا }

اقتباس:

---

المشاركة الأصلية كتبت بواسطة amazingahmed

سبحان الله. انا امبارح حصللي موقف مش مصدقه. ترتيب الأحداث غريب إلى أقصى حد. سبحان الله. لما يحب يرزق، يرزق من مكان انت مش واخد بالك منه خالص.
أنا أول امبارح بالليل صليت استخارة علشان كنت لسة متردد أجيب الساجا ولا لأ.
امبارح كنت راجع من الشغل فجأة عداد السرعة فصل و بقت بتقطع و لمبة التشك نورت و العربية اتجننت. المهم رحت لواحد كهربائي نسيبي في مدينة نصر قريب من الشغل قاللي أن العربية عاوزة واحد بتاع عدادات و تتحط كمان على السكانر و هو معندوش.
رحت كلمت محمد السيد الكهربائي قاللي هتهالي في الدقي.
المهم فضلت أحايل في العربية علشان كانت مش مظبوطة و زعلانة (تقريبا حست أني بفكر أبيعها و أجيب الساجا) من مدينة نصر للدقي الساعة 6:30 طبعا في عز الزحمة.


......موسيقى تشويق و إثارة ........


أول ما ركنت العربية عند محمد السيد ضربت بطرف عيني لقيت ........ ساجا حمراء في معرض جنبه علطول ( أنا كنت عاوز اللون الأحمر)
قربت منها و لقيتها كمان أوتوماتيك. هيييييييييييييه
اتفرجت على العربية و أول ما قعدت على كرسي السواق حسيت أني حبيت العربية جدا. قلت بس يبقى دي من نصيبي.
دخلت كلمت صاحب المعرض بس للأسف قاللي أنها متباعة و انها خلصت على 72000. قلت الحمد لله و قدر الله و ما شاء فعل. و اتفقنا أنه ممكن الأسبوع الجاي لما أرجع القاهرة أكلمه و نظبط.

لسة الحكاية مخلصتش............

محمد السيد صلح التقطيعة (كان سلك مقطوع) و الصراحة أنا أشهد له بأ نه محترم و شاطر. و قاللي أن بتاع العدادات هياخد وقت فأروحله يوم تاني و العربية مفيهاش مشكلة. جربت العربية و الحمد لله رجعت كويسة.
و بعدين في نفس ذات الوقت جالي بيعة للعربية كان عاوز ياخدها على 22000 أو أقل. بس أنا قلت أسأل الأول على سعرها علشان مظلمش حد ولا أتظلم.

يعني باختصار صليت استخارة فتاني يوم العربية عطلت علشان أروح الدقي (آخر الدنيا بالنسبة لي) علشان أشوف الساجا و ألاقي بيعة للعربية في نفس الوقت. يالعظمة الله. مين في الدنيا ممكن يرتب الأحداث بالسلاسة دي؟؟؟؟

يا جماعة حبيت أشارككم القصة دي علشان نعرف أن لما نستخير ربنا و نتوكل عليه الأمور بتمشي.

بالمناسبة: المعرض إسمه منسي كار و صاحبه إسمه أحمد منسي ة هو عنوانه 10 شارع الدقي و تليفونه: 0180887747
لو حد هيتصل أو هيروح يقوله إن هو جاي من طرف أحمد عامر اللي هيحجز العربية بعد ما يرجع من أسيوط الأسبوع الجاي. علشان يعرف أهمية الدعاية فيخفض لنا كلنا لما يعرف إننا هنجيبله زباين

---

like :S_thum1[1]:

ربنا يوفقك ويباركلك

ممكن تخلص من التوكيل بسهولة جدا علة 72000 هما بينزلو ال 900 فى التوكيل بشوية فصال خفيف