./ أوبل كورسا 2004 -ولا- بيجو 206 مو2001 -ولا- ستروين c3 مو 2003

لو واحد عايز يشترى عربية مستعملة فى حدود 50الف جنيه الى 55 الف جنيه .. ايهما أفضل ؟!!؟
( المهم تكون العربية حتستحمل سفر وتكييف كويس وأهم حاجة أسعار قطع غيار رخيصة وصيانة سهلة )
-
1- بيجو 206 .. ودى موديل 2001 فيها اللى بتكون رشة خوارج بتعمل حوالى 55000 جنيه ج.كماليات
اكتر عربية ميال ليها وفيها كل المميزات اللى الواحد عايزها . لكن اسمع ان اسعار قطع الغيار فى التوكيل
غالية

2- ستروين c3 .. مو 2003 ودى لما بتكون رشة خوارج بتعمل من 50000 الى 55000 جنيه ج.كماليات
- خايف من أسعار قطع الغيار والصيانة ومش اى حد يفهم فيها .. لكن كعربية أعتقد لا غبار عليها

3- أوبل كورسا سيدان 2004 ودى بتعمل فى حدود 55000 جنيه وممكن تزيد عن كده كمان
العربية ج . كماليات وفى السعر ده حتكون رشة خوارج ..
برضه خايف من اسعار الصيانة وقطع الغيار
-

لو واحد عايز يشترى عربية مستعملة فى حدود 50الف جنيه الى 55 الف جنيه .. ايهما أفضل ؟!!؟
( المهم تكون العربية حتستحمل سفر وتكييف كويس وأهم حاجة أسعار قطع غيار رخيصة وصيانة سهلة )
-
1- بيجو 206 .. ودى موديل 2001 فيها اللى بتكون رشة خوارج بتعمل حوالى 55000 جنيه ج.كماليات
اكتر عربية ميال ليها وفيها كل المميزات اللى الواحد عايزها . لكن اسمع ان اسعار قطع الغيار فى التوكيل
غالية

2- ستروين c3 .. مو 2003 ودى لما بتكون رشة خوارج بتعمل من 50000 الى 55000 جنيه ج.كماليات
- خايف من أسعار قطع الغيار والصيانة ومش اى حد يفهم فيها .. لكن كعربية أعتقد لا غبار عليها

3- أوبل كورسا سيدان 2004 ودى بتعمل فى حدود 55000 جنيه وممكن تزيد عن كده كمان
العربية ج . كماليات وفى السعر ده حتكون رشة خوارج ..
برضه خايف من اسعار الصيانة وقطع الغيار
-

هو الموضوع محير جدا
انت بتقارن مابين 3 عربيات فى تقال اوى فى البيع
انا شخصيا ارشح الاوبل
فى رأى هى الافضل فى السفر
بس طبعا صيانة وقطع غيار غالية
بس على الاقل متوفرة مش زى الفرنساوى

( المهم تكون العربية حتستحمل سفر وتكييف كويس وأهم حاجة أسعار قطع غيار رخيصة وصيانة سهلة )

ولا واحدة للآسف

انا أرشحلك البيجو 206 .. مش عشان انا أمتلك واحدة بس هقولك الأسباب الفنية:

العربية دى عاملة معانا بسم الله ما شاء الله حوالى 125 الف كيلو و هى موديل 2001 معظم العداد ده على طرق سفر يعنى تقريبآ 100 الف كيلو من العداد ده فى السفر.. والدى لف بيها تقريبآ نص الجمهورية من السلوم غربآ إلى سانت كاترين شارقآ و فى فترة من الفترات كان بيروح بيها بنى سويف رايح جاى مرة فى الأسبوع يعنى حوالى 700 كيلو إسبوعيآ... من الآخر العربية دى فى السفر دوس و ماتخفش

انا لسه كنت بيها فى سانت كاترين من حوالى شهر و نص عايز تعرف عملت كيلو أد إيه؟؟
1700 كيلو من الخميس و الجمعة رحنا الخميس و رجعنا الجمعة و بصراحة انت عارف الشباب انا كنت بجرى معظم الوقت فوق 130 كيلو/س و الحمد لله مفيش اى مشاكل مطلقآ و الكلام ده بعد 6 سنين من إستعمالها
و كنت ماشى مع عربيات كلها 1600 سى سى

بالنسبة للتكييف فتكييفها يعتبر جيد يعنى مش فى قوة اليابانى لكنه تكييف كويس جدآ

بالنسبة لأسعار قطع الغيار.... كل العربيات اللى حضرتك مختارها أسعارها غالية سواء البيجو او السيتروين ( اللى هى نفس أسعار البيجو تقريبآ ) او حتى الأوبل

خلاصة الكلام ...
سعة المحرك لو صغيرة فده مش معناه ان العربية غلبانة و متقدرش تسافر .. سعة المحرك لو صغيرة ممكن يبقى أقصى سرعة للسيارة بتبقى قليلة ( البيجو أقصى سرعة ليها 160 ) إنما طبعآ العربية مش هتسخن منك و لا الكلام الفاضى ده

الحاجة التانية العربية فى الآخر( ماركة برضه )يعنى حسب انت بتشترى إيه؟؟ لو عربية صينى موتورها 1100 سى سى هقولك دى مش بتاعة سفر إنما لو عربية فرنساوى او ألمانى حتى لو 1000 سى سى هقولك سافر بيها و ملكش دعوة
------------------------------

معلش انا طولت عليك بس حبيت أنقلك تجربة مع العربية دى
و انا تحت أمرك فى اى حاجة

معلش حاجة كمان بالنسبة للسعراللى مكتوب بتاع ال 206
العربية لو سعرها 55 الف جنيه دى تبقى فابريقة بره و جوة وكمان مش ماشية كتير يعنى حوالى 70 الف كيلو

و لو رشة خوارج تبقى فى حدود 49 الف جنيه

فكر في اللانسر كريستاله موديل 2000

I don't know but if I were you I will not buy any of this brands resale price is not good also spare parts are not easy to find

الستروين عموما معرفش عنها حاجة, و ان كان كذا حد معاه ستروين مبيشكرش فى التوكيل

معرفش اذا كان لها قطع غيار بسهولة بره التوكيل و لا لأ

ال 206 جميلة, بس واحد صاحبى اوى كان معاه العربية, و كان فيها مشاكل فى الكهرباء, قعدت 3 شهور ف التوكيل معرفوش يعملوا فيها حاجة

فعلا صاحبى معاه 206 1100 سىسى .. وفيها مشاكل فى الكهرباء

اقتباس:

---

المشاركة الأصلية كتبت بواسطة hazem_khidr

فكر في اللانسر كريستاله موديل 2000

---

-
فعلا انا بأعشق العربية دى وشايف انها من احسن اشكال اللانسر .. لكن المشكلة ان العربية اللى ان شاء الله
حنشتريها أختى حتسوقها .. وأخويا حيسافر بيها :) وانا برضه حفضل أمشى ..:) علشان كده عايزينها هاتش باك
وتستحمل سفر ....

طب ما الكورسا ال 2004 سيدان مش هاتش بالك
و بعدين اللانسر شكلها مناسب جدا لولد او لبنت

هو في فرق..
البيجو مشاكلها اقل شوية عن الاوبل..
بس 1100 او 1200 مش فاكر..
انما الكورسا 1600 و جامدة قوي في الجري..
شوف انت بقي احتياجاتك..

أنا كان معايا كورسا ١٫٦، العربية دي مشاء الله كويسة جداً، بس المهم اللي تشتري منو العربية مايكونش هينها جامد.

الكورسا أبعادها صغيرة .. وانا فكرت فيها فى الاخر على أساس انها عربية حديثة لسه واسمها أوبل برضه ..
-
لكن أعتقد ان الاختيار ممكن يكون 206 ان شاء الله ...