الموضوع: الناس بتقول شكل للبيع

السلام عليكم
حصلى الموقف التالى وانا رايح الكلية انهارده الصبح وياريت اعرف رأى حضراتكم واتصرف ازاى مع الناس دى فى الوقت دا

رايح كليتى الصبح معدى على ميدان الحدايق والميدان زحمة كالعادة فواقف وشادد الهاند لقيت عربية النترا الشكل القديم بيحاول يحشر نفسه ورايا وعاوز يدخل بينى وبين عربية تانية وهوب راح حاكك فى الرفرف ورا يمين عندى فروحت رافع إيدى وشوحت شوية وقولت خلاص عديها يمكن رجله ريحت ولا حاجة ومش لازم خناق على الصبح
اول ما الإشارة فتحت لقيته راح جاى جنبى وبيخبطلى جامد على العربية وبيقولى انت كسرت عليا ومش عارف إيه وقعد يشتم يا عم انا برضو اللى كسرت عليك وانا شادد الهاند وما اتحركتش من مكانى

كقعد يشتم ويبرطم كنت بصراحة عاوز اركن وانزل اتخانق بقا يعنى غلطان وجاى كمان تتخانق دا إيه البجاحة دى ... الإشارة وقفت فأضطريت اقف وملحقتش اعدى بسببه وهو راح كاسر الإشارة ومعدى !!

يا ترا لو قابلتو شخص زى دا على الصبح هتتصرفوا معاه ازاى مع العلم البوليس كان واقف وعمل فيها هندى

المشاركة الأصلية كتبت بواسطة Mahmoudyoussif

انا بفكر اجيب هليكوبتر ... بس يارب

مالاقيش و حده طالعه تقولي قطعت حبل الغسيل بتاعي

الشوارع بقت تقرف فعلا ... ميني باص يقف ويحمل في وسط الشارع

النهارده ماسوره مكسوره في جسر السويس و مفيش فتحه

غير من مغرز كله رمل و يا تعدي يا تغرز ... طبعا و الميه مقطوعه

المفروض انك تروح الشغل فرش و مبتسم والحياه رز بلبلن

وبلاعه يا تجيبلك اكس يا تلبس في اللي جنبك و انت و حظك

خد عندك سواقين التاكسي ... و الستات اللي المكالمات المهم ما بتجيش غير و هما سايقين

و يحشرو الموبايل في التحجيبه ... و الموتسيكلات ووووو حاجات كتير

انا بفكر جديا ابيع عربيتي و اجيب حته فولكس خنفسه و اللي يفوت يموت

والله يا باشا انت قولت كل اللى نفسى اقوله السواقة فى كل دول العالم متعة معادا فى مصر خناقة وبلطجة ولو فكرت تجيب هيليكوبتر هتلاقى واحد ساب السما كلها وجه حكلك الديل

المشاركة الأصلية كتبت بواسطة sayed911

ارفع شباكك المتين علي كاسيتك ومتشغلش بالك بالأشكال الضالة دي ..

سيد باشا انا كنت عامل كدا فعلا لكن لازم واحد يجى يعكر صفو حياتك ويحرق دمك على الصبح

فين الحلقة الجديدة يا عمونا ينفع كدا يعنى :D

المشاركة الأصلية كتبت بواسطة Mzeid

ولا حاجة
زي ما انت قلت مش ناقصة خناقة على الصبح ولا حتى على بالليل

نظرية انا ماشي بيها

مفيش حاجة تستاهل حرقة دمي في البلد دي

مهى المشكلة انى ماشى محترم وفى حالى وبدى إشارات وبتخطى قانونى وفى الأخر واقف فى حالى الاقى اللى جاى يعمل بنظام اتغدوا بيهم قبل ما يتعشوا بيكو لنا الله :(

المشاركة الأصلية كتبت بواسطة horas3000

محدش يعرف اسم الجهاز اللي طلع في فلم Fast and Furious اللي بنضرب في العربيات يحرق نظام الكهربا اسمه ايه و ممكن يتجاب و لا لا هو ده اللي محتاجينو في مصر اللي يستفزك تعرض ادامه تديله الطلقه التمام و قبل ما يفوق ما الصدمه تكون انت اختفيت

يا سلام دا لو نزل الواحد هيروح كل يوم مرتاح البال بس للأسف هيبقا فيه ميزانية محترمة للذخيرة بتاعته بقا لأنى هضرب كل اللى ماشى مخالف واللى يبلطج على خلق الله :)

المشاركة الأصلية كتبت بواسطة shooter123

زي ما قالك سيد بالظبط كاستك وازازك ونفض لام البشرية دي خاااااااااااااالص
انا وصلت لمرحلة اني بحوش المشاوير اللي ورايا عشان اعملها دفعه واحدة ومحركش العربية الا للضرورة القصوي
فعلا بقت حاجة تقرف والواحد بجد مش عارف يمشي خالص في البلد دي

طب تصدق انا ساعات بركب مواصلات عشان اريح دماغى من هم العربية وحرقة الدم اللى الواحد بياخدها على ما يروح مشواره :)