سيارات الصين مقلدة!

**modo88** · 18-05-2011 11:02 PM

فعلا الصين في مراحلها الاولي لسه واحتمال كبير تنجح

**A7MED_PHARMA** · 19-05-2011 03:05 AM

المشاركة الأصلية كتبت بواسطة ahmedzizo131

بسم الله الرحمن الرحيم
شغل كله "" هاى كوبي ""

ياريتها حتى هاي كوبي
دي
زفت كوبي

**titooooasg** · 22-05-2011 06:44 PM

امته هنشوف ولو عربيات متواضعه زي دي بس مصرى مش الشاهين اللى مطلعيين عنينا بيها
ايه حكمتهم فالشكل اللى من ايام الفراعنه ده

**عصام غنايم** · 22-05-2011 07:20 PM

بالنسبة لحوار التقليد, كل الناس كانت بتعمل كده في الاول, مش بالظبط زي الصين يعني بس بشكل أو بـاخر, يعني اليابان كانت بتقلد الموديلات الامريكي زمان, باينة قوي في العربيات الداتسون والmazda القدام قوي, وبعدين بقى ليهم تصميماتهم التكنولوجي بتاعتهم ودلوقتي مبهدلين الأمريكي في امريكا!

وبرده كوريا كانت تقريبا ماشية عالتكنولوجي الياباني في الاول وكانت معظم تصميماتهم زي اليابان, شوف دلوقتي رايحين على فين.

استنى الصيني بالكتير 10 سنين وهتلاقي حاجات عظيمة, هم دلوقتي لسة بيتعلموا.

كلامك سليم وعقبالنا

**Ralliart** · 24-05-2011 12:51 PM

المشاركة الأصلية كتبت بواسطة Scuderia.M

+11111
دي عربيه حربيه من IVECO

بالنسبة لحوار التقليد, كل الناس كانت بتعمل كده في الاول, مش بالظبط زي الصين يعني بس بشكل أو بـاخر, يعني اليابان كانت بتقلد الموديلات الامريكي زمان, باينة قوي في العربيات الداتسون والmazda القدام قوي, وبعدين بقى ليهم تصميماتهم التكنولوجي بتاعتهم ودلوقتي مبهدلين الأمريكي في امريكا!

وبرده كوريا كانت تقريبا ماشية عالتكنولوجي الياباني في الاول وكانت معظم تصميماتهم زي اليابان, شوف دلوقتي رايحين على فين.

استنى الصيني بالكتير 10 سنين وهتلاقي حاجات عظيمة, هم دلوقتي لسة بيتعلموا.

اليابان اصحاب صنعة وليها شركات كتير اتأسست قبل شركات امريكية واوروبية وعمرهم ما كانو بيقلدو حد وتقاليدهم بتنهاهم عن تقليد حد
بالنسبة للشكل كان زمان ده الـoutline بتاع اي تصميم وكان كل العربيات شبه بعضها لكن تصميماتهم 100% من اليابان واي تصميم متشابه بالظبط بيكون انتاج مشترك مش تقليد زي كرايزلر وميتسوبيشي وسوزوكي وبونتياك وغيرهم
بالنسبة للميكانيكا فاليابان كان ليها طابعها وملامحها الخاصة في مواتيرهم وعمرهم ما قلدو حد ولما الشركات الامريكية كانت بتحتاج مواتير 4 سلندر كانت بتاخد من اليابان لانهم ملوك الـ4 سلندر في العالم
دا غير المقولة الشهيرة في اوروبا بتاعت ان العربيات اليابانية نزلت اوروبا علشان تعرفهم ان في عربيات مبتعطلش

انما الصين زي كوريا مدرسة مختلفة بتبدأ بالتقليد وبعد كدة بتبدع بس الصين بتقلد بقلة أدب مش زي كوريا وماليزيا كانو بيعملو انتاج مشترك مع الشركات اليابانية

**al_manara** · 24-05-2011 06:09 PM

المشاركة الأصلية كتبت بواسطة yasserelsayad

الصين دلوقتى فى مرحلة التدريب
يعنى بتقلد الشركات والبلاد التانية عشان تدرب الناس عندها
ويكتسبوا خبرة فى بناء السيارات ومعرفة التكنولوجيا المطلوبة
للتنفيذ بأتقان وفى نفس الوقت انهم بيستهدفوا شريحة من المستهلكين حتى لو
كانت بسيطة لكن ليها اثر كبير فى زيادة تنمية القوة الاقتصادية عندهم
لكن بعد كدا هيبتدوا يعملوا حاجتهم هما وشغلهم ويتقنوا صناعة السيارات
دا طبعا هياخد وقت بس مش كتير عشان دلوقتى الفروقات التكنولوجيا مبقتش كبيرة
والصين ما شاء الله عندها من الواحد 10000 يعنى العمالة موجودة
ورخيصة والتكنولوجيا عندهم عالية ..

وكمان بيشتروا دلوقتى الشركات اللى بتعلن افلاسها او اللى محتاجة دعم اقتصادى
وبكدا يبقوا امتلكوا حقوق استخدم التكنولوجيا اللى موجودة فى الشركة دى
زى فولفو كدا .. ولما الصين تبدأ تعمل شغلها اسمها هيكون معروف فى السوق
والناس هتبدء تجرب وشريحة المستهلكين تكبر ودخل للبلد اعلى

يعنى الناس دى بتحسبها كويس اوى مش شغالين كدا فى البطيخ وخلاص

**al_manara** · 24-05-2011 06:16 PM

المشاركة الأصلية كتبت بواسطة ralliart

انما الصين زي كوريا مدرسة مختلفة بتبدأ بالتقليد وبعد كدة بتبدع بس الصين بتقلد بقلة أدب مش زي كوريا وماليزيا كانو بيعملو انتاج مشترك مع الشركات اليابانية

وكمان بخصوص التقليد . الصين ماعندهاش حقوق ملكية فكرية

**Elawany13** · 27-05-2011 11:41 AM

المشاركة الأصلية كتبت بواسطة mohamed_refaat

نستنى الصين بعد 10 سنين
اية الدليل طيب يعنى هما اتطوروا فى اية ؟؟؟؟؟؟
اية المنتج اللى بدأوا فية من فترة وحاليا هما متميزين فية ؟؟؟؟؟؟؟؟؟؟
كل منتجاتهم زفت ومحدش يقولى الكلمة الشهيرة المستورد عندنا عايز اقل حاجة هناك ....

99.9% من مكونات الكمبيوتر اللى انت قاعد عليه صينى
المازر بورد على أعلى مستوى من الاتقان وعمرها الإفتراضى مبيخلصش
الموتوسيكلات الصينى ممتازة
عندى موتوسيكل بقاله حوالى 7 سنين الماتور متحطش فيه مسمار ولا قال ياليل ولا ياعين
بس فيه بعض المكونات غير المؤثرة رديئة وبتستهلك بسرعه
وفعلا الكلمة الشهيرة المستورد اللى عندنا بيجيب أزبل بضاعه هناك ويجى يبعها هنا بأضعاف تمنها ديه حقيقة
كل منتج صينى هتلاقى منه 5 أو 6 درجات على الأقل بيتشابهوا فى الشكل وبيختلفوا فى الخامه والجودة
وده كلام سمعته من اكتر من واحد راحوا الصينى واستوردوا بضاعه من هناك