ايه اللي بيحصل ده

**mrwho1982** · 04-05-2011 11:02 PM

ممكن حد ياكد الاخبار دي

رصد | عاجل | هدوء الاوضاع فى الموسكى الان وانتشار للجيش فى شارعى عبدالعزيز ومحمد على

رصد | الجزيرة: أنباء عن إطلاق نار و قنابل مسيلة للدموع فى محيط سجن طرة

رصد | عاجل | مؤيدين مبارك يحاولون قطع طريق الكورنيش ولكن أهالى حى بولاق أبو العلا تصدوا لهم واستطاعوا أن يفتحوا الطريق مرة أخرى

رصد | عاجل | أشتباكات بين مؤيدى مبارك الذين يحتفلون بعيد ميلاد الرئيس المخلوع والمعارضين امام ماسبيرو وانباء عن وقوع اصابات وسيارات الاسعاف بمكان الحادث

ممكن حد ياكد الكلام ده

**mahmoud_afifi** · 04-05-2011 11:44 PM

بالنسبه لشارع عبدالعزيز, انا كنت في العتبه وسمعت ان في ضرب نار ومولوتوف وكانوا بيضربوا في الشرطه. والجيش جه.
وعربيات الاسعاف كانت كتييير والدنيا زحمه.
ماشفتش ضرب نار بعيني

**FunnyMickey** · 05-05-2011 12:38 AM

انا كنت مروح ونازل النفق والدنيا كانت زحمه وواحد قاعد يقول للعربيات اللي طالعه الكوبري خليكو في النفق اسهل
بس مشوفتش حاجه
بس واحنا ماشيين من الشغل حذرونا

**abogogo** · 05-05-2011 12:59 AM

للمعلومية قسم الموسكي اللى في اول شارع عبد العزيز بجوار المعركة دي من الاقسام التي لم يتم حرقها والسبب ان القسم استعان بالباعة الجائلين اللى في العتبة وتجار الملابس الي من اسيوط من بلد اسمها الطوابية اللي مسيطرين على سوق الملابس في العتبة لحماية القسم وفي المقابل القسم ترك ليهم الحبل على الاخر وكان زمان اي مواطن يتعرض للنصب من الباعة الجائلين دول يروح للقسم ممكن يجيب حقه انما الان القسم مبيعملش اي حاجة

**mr_vampire** · 05-05-2011 12:59 AM

المشاركة الأصلية كتبت بواسطة mrwho1982

يافندم تسلم ايدك

احب اقول لرئيس الوزراء لو الشرطة ماشافتش شغلها في ناس تعمل احسن من اللي بتعملو وبنص الثمن كمان

واحب اضيف كمان. ان شباب مصر رجالة ويشيلو وقت الجد وببلاش كمان. وخلي اللي مش عايز ينزل او خايف ينزل في بيته وميقلقش هو في حماية شباب مصر.

**mrwho1982** · 05-05-2011 01:04 AM

المشاركة الأصلية كتبت بواسطة mr_vampire

واحب اضيف كمان. ان شباب مصر رجالة ويشيلو وقت الجد وببلاش كمان. وخلي اللي مش عايز ينزل او خايف ينزل في بيته وميقلقش هو في حماية شباب مصر.

الله ينور عليك

**ainshouka** · 05-05-2011 01:05 AM

فيه حاجات كتير بتحصل ملهاش تفسير واضح وتحس ان البلد بقت فيه ناس بتوجهها للمشاكل عشان الناس تفضل مشغولة باستمرار دا ايام الثورة مكنش فيه القلق دا كله والناس طبعها مش عدواني
وبنلاحظ دلوقتي كل يوم فيه جديد و الناس تتلهي أكتر
هل فعلا الإعلام بيقوله صحيح أم انه مازال يتبع اسلوبه القذر في نشر القلق و الفتنة