الموضوع: تفتكروا ممكن يلغوا السياحه

المفروض يقننوها بضوابط اخلاقية حتى عشان البركة

لو فيه فكرة لتشغيل حوالى 20 مليون مصرى بيشتغلوا فى السياحة ودخلهم مباشر وغير مباشر مرتبط بالسياحة.يبقوا يلغوا اللى عاوزيين يلغوه منها.

مين اللى قال ان السياح بييجوا يلبسوا عريان ويشربوا خمرة بس فى مصر.

انا بشتغل فى السياحة من 97 وكتير بييجوا هنا بيحترموا التقاليد والعادات وملابس واسعة وبيغطوا راسهم فى الجوامع وقبل ما يصوروا اى حاجة ممكن تأذى مشاعر اى حد بيسالوا الاول ممكن ولا لا.

اللى بعيد عن المجال بيبصوا للمجال انه سكر وعربدة واجانب بقى وشعر اصفر ودلع.والسياحة والفلوس المرتاحة.طيب ما تشتغلوا فى المجال ولو لشهر واعرفوا السياحة عن قرب او سافروا وشوفوا الاجانب بيجوا ليه.

ولكن كام واحد مصرى راح الاقصر واسوان ولو حتى تبع الجامعة او نقابة وشاف معالم بلده؟

وكام واحد شاف اجنبية لابسة عريان وماشية بتسكر فى الشارع او طالعة مع مصرى غرفة؟

وزى ما قال صبحى نصلح حالنا وبعدين نصلح غيرنا.

وفنادق تلغى تداول الخمور جواها :ممكن يحصل لان الاجنبى مش غاوى يشرب خمرة هنا وعنده فى بلده بتعتبر ببلاش ولكن لما الفندق العالمى وسلاسل كبيرة تلغى الخمور بيقل تصنيفها عالميا وده اللى حاولوا يعملوه مع جراند حياة واتصنف 4 نجوم بعد ما كان 5 لما كان ملك مستثمر سعودى وبعد كده رجع تانى كما كان.يا جماعة ده استثمار كامل مش فندق وخمور يتلغى وخلاص.

كفاية انهم بيمشوا شبه عرايا في الشارع ولا ده مبيحصلش ؟

محدش قال هيلغي السياحة !! مين طلع الاشاعة دية !!!


اما بنسبة للسياحة نفسها . . فطبعا حلال السعودية من اكبر مصادر الدخل عندها السياحة . .
ودولة جزيرة ناسي اسمها جميلة جدا جدا جدا قائمة بلكامل علي السياحة وهناك بيطبقوا ان اساسا ممنوع الاحتفال بعيد الميلاد مسلمين بيطبقوا الاسلام 100% ومن اكتر الجزر نجاحا في السياحة الغربية


فا السياحة نفسها مش حرام . . ابدا واستحالة . . الفكرة في الضوابط

اكيد فيه منهم بيلبسوا غير اللى معظم المصريين متعودين عليه .زى لما بنشوف مصرى او مصرية لابس بنطلون ساقط او بدى غريب الشكل او بنت لابسة ضييييييييييق وفاضح وبنستغرب.

حضرتك تقصد جزيرة بالى ؟