عرض للطباعة
السلام عليكم
كنت بستفسر لو عايز اروح المانيا الصيف اللي جاي ان شاء الله ايه اللي محتاجه بالظبط (اوراق وبتطلع ازاي) ؟ ؟
والسعر اللي ممكن هادفعه في تذاكر الطيران هايختلف لو هاقعد هناك اسبوع او اسبوعين ؟؟
وكنت عايز اسأل علي اسعار الرحلات اذا كانت مصر للطيران او لو في حاجه تانيه ..؟؟
بالنسبه للسفر في الصيف عامه هايبقي اغلي ولا ارخص؟؟
وياريت لو حد عنده اي حاجه يحب يقولها بخصوص السفر الخارجي
مستني ردودكم
السلام عليكم و رحمة الله و بركاته
بالنسبة للسفر الى ألمانيا, فده طبعا حاجة جميلة جدا و ممتازة, بس محتاج تأشيرة, اذا ربنا أكرمك و أخدتها عالباسبور, يبقى -ان شاء الله- اعتبر نفسك سافرت, لأن هى العقبة الوحيدة فى كوووووووووووووووول الموضوع.
اللى أنا أتذكره لما كنت سافرت سويسرا مرتين و أنا طبيب امتياز, كانت الأولى فى 4-2001 و ساعتها كنت و أنا رايح مجهز معايا الباسبور و الصور و خطاب من العمل بيقول أنى طبيب امتياز و خطاب من البنك, كان بحوالى 60000 جنيه و المرة التانية كانت فى 1-2002, و ساعتها أخدت نفس الورق كوووووووووووووله, بس خطاب البنك كان أحدث و كان بحوالى 110000جنيه, و الحمد لله, أخدت الـتأشيرة من أول مرة.
طبعا بالنسبة للسفر فى الصيف بيبقى أغلى فى سعر التذكرة و أسعار الفنادق فى أوروبا عموما بنسبة 30% تقريبا عن السفر فى الشتا, يعنى السفر فى شهرى 6 و لا 7 , بيبقى أغلى من السفر فى شهر 3 و لا 4 , بس زى ماقلتلك, التأشيرة هى الأهم, خدها الأول و ابقى اسأل على الباقى براحتك.
و ربنا ييسرلك الأمور ان شاء الله و ابقى طمنا عملت ايه.
هو أنت متخرج و لا لسه طالب و ليك جيش و لا لأ؟؟؟
بالتوفيق.
السلام عليكم
ياريت تشوف الموقع ده وهتجد فيه كل شيء ان شاء الله
بوابة السفر إلى المانيا Germany
وانا كنت في ايطاليا نوفمبر الماضي ولكن الشركة اللي احنا وكيل لها هي اللي كانت متكفلة لكل شيء
المهم ان اهم شيء في الموضوع زي ما قال الأخ السابق هو استخراج الفيزا وده بيتطلب منك تتصل بالسفارة الألمانية عشان يحددولك ميعاد للمقابلة ووقتها هيقلولك ايه الأوراق المطلوبة بالضبط
ومن ضمن هذه الأوراق واهم شيء فيها هو حساب بنكي لأخر ست شهور لحسابك البنكي بالاضافة الي دعوة من أحد معروف في ألمانيا والباقي سهل
انا تقريبا فاكر ان تكلفة استخراج التأشيرة كانت تقريبا في حدود 1000 جنيه أو أقل وتذكرة السفر طيران علي الخطوط الايطالية ذهاب وعوده ب 5500 ولكن مصر للطيران أغلي من كده وده كان لفترة 11 يوم
تكلفة الفندق اللي كنت فيه هناك تقريبا ممكن تقول 100 يورو في اليوم شامل أكلك كمان لكن عشان كل ده مكنش ليا يد فيه وكانت الشركة هيا اللي بتدفع وهيا اللي حاجزة كل شيء فكبرت دماغي ولكن ممكن التكاليف تقل عن كده كتير و أعتقد الموقع اللي وضعتهولك هيبينلك كل حاجه ان شاء الله
ونسيت أقلك كمان ان التأشيرة الي هتطلعلك دي تأشيرة اتحاد اوروبي(شنجن) يعني عادي جدا تتنقل في كل دول الأتحاد دون ادني مشكلة ودي تقريبا كل دول اوروبا ما عدا بريطانيا و السويد تقريبا مش فاكر دور شوف وممكن تعمل جولة في اوروبا كلها
وربنا يوفقك للخير ولما يحبه ويرضاه
السلام عليكم و رحمة الله و بركاته
فعلا كلام الأخ الفاضل Ehab_Mansour بخصوص التأشيرة الSchengen سليم تماما .
و هنا ممكن تاخد فكره عن أسعار تذاكر مصر للطيران EGYPTAIR - Welcome to EGYPTAIR website
السلام عليكم ..
Maserati
انتا سافرت دراسة المانيا قبل كدا .. !
انا ناوي ان شاء الله للماستر وربنا يكرمنا :)
انا سافرت المانيا مرتين من غير ماعرف السفارة الالمانية موجوده فين ولا شوفتها !!!!
بس ده بسبب اني شغال في شركة المانية الاصل
التذكرة سعرها كان 3500 جنيه الكلام ده في 2009 ذهاب و عودة , طبعا دلوقتي اكيد الاسعار زادت
هناك بقى عليك و على المطاعم التركي , هاتلاقى عندهم اكل قريب قوي من اكلنا و اهم حاجه حلال
وعلى فكرة أسعار الاكل هناك رخيصة جدا , والسوبر ماركت هاتعيش حياتك بأرخص بكتير من اللي بتدفعه هنا
هاتشوف نضافة و نظام و خضرة و جمال عمرك ماشوفتهم في حياتك ,
ده طبعا هايسببلك حالة من الصدمة عند رجوعك مصر هاتفضل معاك فترة لحين التعود مرة أخرى على الطبيعة المصرية الاصيلة
بالتوفيق ان شاء الله
اقتباس:
المشاركة الأصلية كتبت بواسطة Nistelrooy
السلام عليكم و رحمة الله و بركاته
أنا ماسافرتش ألمانيا قبل كده, أنا كنت سافرت سويسرا مرتين و أنا طبيب امتياز, فى 2001 و 2002, بس ماكانشى بغرض الدراسة, كنت كل مرة بقعد بتاع أسبوعين تقريبا, هيييييييييييييييييييييييي يه, كانت أيام, كانت سفارة سويسرا مابتاخدش فلوس التأشيرة, الا لما يوافقوا الأول :16::16:, بعد الinterview و بعد ما يتوافق عليا :16::16:, كانوا بياخدو فلوس التأشيرة, كانت أول مرة فى 4-2001 و كانت 100 جنيه بس :Ka_che1[1]: و المرة التانية كانت فى 1-2002 و كانت فلوس التأشيرة غالية أويييييييييييييى, كانت 120 جنيه :Ka_che1[1]::Ka_che1[1]:, دلوقتى, أعتقد بياخدوا حوالى 500جنيه تقريبا :oops1: :oops1: و كمااااااااااااااااااااان Nonrefundable !!!!!!!!!!!!! :untitled 1: يعنى لو -لا قدر الله- ماقبلتش, بيروحوا عليك, معاملة صعبة فعلا !!!!!!!!!!! :glasses12::glasses12:
عشان كده, قبل ماتروح, لازم تكون واخد كووووووووووووووووول الأوراق اللى ممكن يطلبوها و اللى مش هيطلبوها, أنا من ضمن ماكنت بآخد, كنت باخد شهادة الميلاد بتاعتى اللى كانت طالعة من هناك اللى كانت بالألمانى :B4_611::B4_611:, يعنى, أى حاجة ممكن الراجل بتاع السفارة يحلم بيها, كان بيلاقيها معايا, يعنى لو كان طلب ساندوتش طعمية, كان هيلاقيه معايا فى الشنطة:monkey1:, الحاجة الوحيدة اللى ماكنتش باخدها, هى تذاكر الطيران !!!!!!!!:grin54::grin54:
1- اقناع السفارة ان هناك ما يربطك في مصر وانك ذاهب لامنيا لشئ قوي ومحدد
2-اثبات انك تمتلك عمل بيجيب اجر متوسط لكبير
3-كاش مني في البنك في حساب جاري وليست حاسبات ودائع او غيرة
وربنا يقويك . . . لو عايز معلومات انا ممكن اقول علي قد علمي
انا فى سويسرا واسكندرانى لو جاى سويسرا ممكن اظبطك
واى خدمة
شكرا يا باشا للافادة .. طالبيين 8 الاف يورو مجمديين في الحساب :) اول سنة .. وتاني سنة زيهم
اولا الف شكر لرد حضرتك ,, وانا مهندس كهرباء وواخد اعفاء من الجيش وان شاء الله ناوي اسافر اخر اخر 6 واول 7 واحتمال اقعد 10 ايام -اسبوعين ان شاء اللهاقتباس:
المشاركة الأصلية كتبت بواسطة maserati
بس بالنسبه للتأشيره دي ايه اجراءتها بالظبط؟؟؟
اقتباس:
المشاركة الأصلية كتبت بواسطة ehab_mansour
شكرا لرد حضرتك و بس الحساب البنكي ده يشترط انه يكون في مبلغ معين في البنك ولا مثلا الحساب اللي بيتحول عليه المرتب بتاعي ؟ وبالنسبه للدعوه دي ممكن تتبعتلي ازاي انا فعلا اعرف ناس هناك
اقتباس:
المشاركة الأصلية كتبت بواسطة ahmedsamir5edr
شكرا لردك,,, هوه اللي شفته تقريبا هايبقي سعر الطيران ذهاب وعوده حوالي 3500 4000 ج
اقتباس:
المشاركة الأصلية كتبت بواسطة a_h_m_a_d
لأ يا باشا شفتهم والله قبل كده :16: انا اصلا عشت في المانيا 4 سنوات بس كان عندي 10 سنوات فاكر كل حاجه
وفاكر طبعا اني جاتلي صدمه اول مانزلت من علي الطياره بس للاسف طبعا مش فاكر الاجراءات خالص علشان تقريبا عدت 16 سنه لحد دلوقتي وماسفرتش من ساعتها ,, بالنسبه لسعر الطيران انا دخلت علي مصر للطيران ولقيته حوالي 3500-4000ج اعتقد مازدشي اوي برده ولا ايه؟
بس السبب ده ممكن يكون اني هاقضي اجازه وراجع؟؟؟اقتباس:
المشاركة الأصلية كتبت بواسطة ahmedbatoos
وبالنيبه للحساب اللي في البنك ده ممكن الحساب اللي بيحول عليه المرتب ولا لازم يكون فيه رقم معين ؟؟
وشكرا لرد حضرتك
ربنا يخليك يا باشا بس دي السفريه اللي جايه بي ان شاء اللهاقتباس:
المشاركة الأصلية كتبت بواسطة vinosse
1- لا مش شرط يكون الي بتحول علية الحساب . .اقتباس:
بس السبب ده ممكن يكون اني هاقضي اجازه وراجع؟؟؟
وبالنيبه للحساب اللي في البنك ده ممكن الحساب اللي بيحول عليه المرتب ولا لازم يكون فيه رقم معين ؟؟
وشكرا لرد حضرتك
2- هتقدي اجازة في اوربا الفيزا بيقلك قد اية مثلا قلت اسبوعين يبقي مش اقل من 60 الف كل لما المدة تذيد لازم فلوسك في البنك تذيد وبلمناسبة الفيزا بتاخدها علي قد المدة غير امريكا وانجلترا مثلا