يا سلام على الشرطه لما تتعاون مع الجيش

**الطنطاوي** · 05-05-2011 09:03 AM

مش عارف
هو طبعًا كويس ان يكون الامن فارض سيطرته صح .... بس مش بالطريقة دي

مبدئيا التنظيم فاشل كأنهم رايحين خناقة

ثانيا طريقة القبض ليس فيها أي انسانية لأن ممكن اللي بيقبض عليه يكون بريء

كلنا شوفنا الافلام الامريكية أعتقد انها نموذج محترم في موضوع القبض على المتهمين

**shaddadfalcon1** · 05-05-2011 09:51 AM

المفروض اي عملية قبض علي مجرمين تبقي متوثقه في فيديو زي ده وتتزاع كمان زي البرنامج الامريكي اللي بيصورو فيه معظم حوادث القبض والمطارادت وبتبقي بالهليكوبتر كمان

دي هتعمل حاجتين.:
هتذود ثقتنا في الشرطه وتحسسنا بالأمان والرعب للبلطجيه
محدش هيقدر يفتري علي مجرم لو كان بريء او يقول لاقينا كذا وهو ملاقاش حاجه

اتمني بجد ان يبقي في برنامج علي التلفيزيون المصري ويكون اسمه شيق كدا عشان نشوف رجالتنا اللي بيحمونا ويبقي زي بره برده لما بيبجي رئيس الشرطه ويحكي تفاصيل العمليله وكانو بيخططولها ازاي

**M.Mostafa80** · 05-05-2011 12:16 PM

بصو ياجماعه قصه ان البلطجيه مش هيشوفو الفديوهات دى عشان على الفيس او تويتر مش مظبوطه ليه بقى عشان الفديوهات دى بتنزل على الموبايل وبتنتشر بسرعه الصاروخ
كون انهم بينزلو فى اخر الخناقه دا ليه هدف ولو انها طريقه مش صح بس بالنسبالهم نتيجه حلوه ليه
لأن على ما يروح فى الأخر هيكون وقع منهم اثنيتن ولا ثلاثه وقصادهم اثنين ثلاثه هيتحبسو يبقو خلصو من سته والباقى هيكون فرهد فايقدرو يسيطرو عليهم دا تصورى للموضوع ده

**elrasy** · 05-05-2011 02:45 PM

انا بأيد موضوع التصوير علشان توصل للناس فكرة الردع وفعلا هى كمان بتنتشر على الموبيلات مش مسائلة فيس بوك بس

**AboELsoud** · 05-05-2011 03:38 PM

المشاركة الأصلية كتبت بواسطة shaddadfalcon1

المفروض اي عملية قبض علي مجرمين تبقي متوثقه في فيديو زي ده وتتزاع كمان زي البرنامج الامريكي اللي بيصورو فيه معظم حوادث القبض والمطارادت وبتبقي بالهليكوبتر كمان

دي هتعمل حاجتين.:
هتذود ثقتنا في الشرطه وتحسسنا بالأمان والرعب للبلطجيه
محدش هيقدر يفتري علي مجرم لو كان بريء او يقول لاقينا كذا وهو ملاقاش حاجه

اتمني بجد ان يبقي في برنامج علي التلفيزيون المصري ويكون اسمه شيق كدا عشان نشوف رجالتنا اللي بيحمونا ويبقي زي بره برده لما بيبجي رئيس الشرطه ويحكي تفاصيل العمليله وكانو بيخططولها ازاي

ايوه و نعمل برنامج زي cops كده
و الله هتبقى جامده جدااااا بس للاسف اظن الفكره دي بعيده تماما عنهم و في الوقت الحرج ده
بس هي الصراحه فكره جامده

**shaddadfalcon1** · 05-05-2011 04:25 PM

المشاركة الأصلية كتبت بواسطة aboelsoud

ايوه و نعمل برنامج زي cops كده
و الله هتبقى جامده جدااااا بس للاسف اظن الفكره دي بعيده تماما عنهم و في الوقت الحرج ده
بس هي الصراحه فكره جامده

البتاع ده بجد لو يتعمل هياخد اكبرن نسبة مشاهده

زمان اول مابرنامج خلف الأسوار ابتدي كانت الناس عندنا في البلد بتستناه كل اسبوع

بيتهيالي ده احسن وقت ليهم يعملو حاجه زي ده

**Mzeid** · 05-05-2011 04:31 PM

الشرطة انا شايف لو هتنزل بقوة يبقى تنزل بالرتب الصغيرة

ليا واحد صاحبي شغال في البيئة في اسكندرية
كانوا بينزلوا يعملوا حملات على المناطق اللي فيها الزبالين اللي بيلموا الالحاجات من الزبالة
بيقولي علشان المناطق دي بتبقى لبش فبينزل معاهم ضباط من القسم و أمن مركزي
بيقولي لما يبقى ضابط برتبتة كبيرة شوية زي عقيد كدة ولا حاجة بيقولي بيخافوا و يقولوا له خش تعامل
و لكن لما بيكون معاه نقباء بيقولي الواحد فيهم بيجي معاه بقلب جامد علشان يخلص شغله و مبيسيبهوش علشان محدش يتعرض له

و بعدين أيام اللجان الشعبية و البلطجية لما مكنش فيه شرطة كان عندنا في طنطا عربيتين واحدة تويوتا هايلوكس 4*4 بوكس تقريبا تبع المديرية و فيها قوة من عساكر وضابط و كانت رتبته صغيرة و كان شاب كان بيلف يطمئن على الاحوال
و التانية كانت ايفيكو تبع الأمن المركزي و كان فيها ضابط اعتقد رائد و معاه العساكر و كانوا برضه بيلفوا و مشغلين السارينة علشان يطمنوا الناس

و لو لاحظتوا في الفيديو الاول و التاني أساس الموضوع رتب ضابط الجيش و الشرطة كانت ملازم

**AboELsoud** · 05-05-2011 11:23 PM

المشاركة الأصلية كتبت بواسطة mzeid

الشرطة انا شايف لو هتنزل بقوة يبقى تنزل بالرتب الصغيرة

ليا واحد صاحبي شغال في البيئة في اسكندرية
كانوا بينزلوا يعملوا حملات على المناطق اللي فيها الزبالين اللي بيلموا الالحاجات من الزبالة
بيقولي علشان المناطق دي بتبقى لبش فبينزل معاهم ضباط من القسم و أمن مركزي
بيقولي لما يبقى ضابط برتبتة كبيرة شوية زي عقيد كدة ولا حاجة بيقولي بيخافوا و يقولوا له خش تعامل
و لكن لما بيكون معاه نقباء بيقولي الواحد فيهم بيجي معاه بقلب جامد علشان يخلص شغله و مبيسيبهوش علشان محدش يتعرض له

و بعدين أيام اللجان الشعبية و البلطجية لما مكنش فيه شرطة كان عندنا في طنطا عربيتين واحدة تويوتا هايلوكس 4*4 بوكس تقريبا تبع المديرية و فيها قوة من عساكر وضابط و كانت رتبته صغيرة و كان شاب كان بيلف يطمئن على الاحوال
و التانية كانت ايفيكو تبع الأمن المركزي و كان فيها ضابط اعتقد رائد و معاه العساكر و كانوا برضه بيلفوا و مشغلين السارينة علشان يطمنوا الناس

و لو لاحظتوا في الفيديو الاول و التاني أساس الموضوع رتب ضابط الجيش و الشرطة كانت ملازم

يا باشا الرتب الصغيره هي اساس الشرطه
الناس الكبيره دول القيادات فقط اما الشغل كله على الملازم اول و النقيب
واكتر ناس بتطحن في الشغل هما الرتب الصغيره
و اكتر ناس مكروهه من الشعب هما الرتب الصغيره
دول بيقعدوا حوالي سنتين في ملازم اول و حوالي 7 سنين في نقيب يعني تقريبا اهم و اكبر شغل ليه في الفتره دي