بيكانتو زيرو بعد الفيرنا 1500 ألى مطلعا عينى ؟؟!

كنت عايز أعرف رأيكو هل أغير عربيتى الفيرنا ال1500 موديل 2005 وطبعا" فى ناس كتير عرفين ألى حصل فى العربية وألى أتغير فيها
فمأتش واثق فيها خالص بعد موضوع الموتور
ببيكانتو الشكل الجديد كملة ؟؟!

ممم
طبعا اختيار موفق
افضل من الفيرنا ومن غير زعل طبعا

أزيك يا كريم باشا وأة أخر أخبارك
دا أنا كنت محتاج رأيك
مش عارف هل أغير ولا أة خصوصا" أن توكيل كيا رجع تانى وأكيد حيكون كويس
بس مش عارف أركب بيكانتو بعد عربية سيدان
هو دة ألى مخلينى متردد وخصوصا" ان خلاص الواحد فضلو شهرين ويشتغل

انت اصلا هتستمتع جدا بسواقة الهاتش باك بعد السيدان..
هتحس بفرق كبير..
و هتجري و تاخد غرز براحتك اسهل بكتير من الاول..
مش شرط تاخد الغرز علي سرعات عالية.. انا باقصد الغرز العادية يعني..
مش الغرز القاتلة او ضيقة قوي..
وبعدين ممكن البيكانتو من جووة تكون اوسع من الفيرنا اصلا..
كل اللي هيفرق الشنطة..

اقتباس:

---

المشاركة الأصلية كتبت بواسطة karim_monir

ممم
ومن غير زعل طبعا

---

ولا زعل ولا حاجه
بس انا رايي طالما قلبك قفل من ناحيتها يبقي هتتلككلها
فغيرها
لكن لسيدان
مش عارف حاسس ان التغيير لهاشباك صغير ( ميني يعني هي خطوه للخلف
نما لو هاتشباك كبير زي الماتركس و السيريون و كده يبقي توكل علي الله
لان فرق المتور هتحس بيه من 1500 الي الف
فرق الشنطه مهم

اصلي كنت بعربيه تعتبر هاتش باك 127 :> وحولت لسيدان فحسيت بالفرق العملاق ده
و بعدين بصراحه البيكانتو رائعه بس انتو مش شايفين انها غاليه اوي
الكامله ب 66 اظن ان الباليو هتكون افضل و اوسع وموتور احسن و هاتشباك لو في الفئه السعريه دي


و اخيرا احسن حد يقولي متحامل علي البيكانتو " بقيت اقلق من كلامي :) " هي عربيه ممتاااااااااازه بس مش بعد عربيه سيدان

صحيح او ابيزا كامله موديل 2001
و اوعي وشك الماني و هاتشباك و دلع و حالتها هتكون ممتازه بالسعر ده

طبعا إختيار موفق و على الأقل تبعد عن توكيل هيونداى السئ الملئ بالمشاكل
و كفاية إن محمد نصير مشهور بمعاملته الكويسة فى توكيلاته و عربيات كيا ما سمعناش فيها عن مشاكل زى هيونادى فى مصر

أبعد عن غبور و خليك مع نصير أفضل

العربية عامل كبير منها نفسى ..فابدام قفلت منها حتى لو احسن عربية فى الدنيا غيرها و متكملش فيها ...دة بيبقى غلط حتى فى سواقتها مش هاتبقى مركز او مبسوط من اداءها

اختيار موفق طبعا و هتحس بفرق كبير في جودة التقفيل و الخامات و الشكل....ده غير نظافة التوكيل و جديته...و كمان لسة فاضي مش زحمة

بس الكلام ده لو عندك استعداد تتنازل عن الشنطة و الموتور الاكبر

طبعا يا نادر بك..
مين يشهد للعروسة..:) ربنا يباركلك فيها و يكفيك شرها..
اه بالمناسبة.. احب اهنيك ع المحهود التحفة في التصوير..
يا جماعه ما شاء الله اخراج عالي و شغل محترفين.
انت شغال في الدعاية و الاعلان ولا ايه..؟؟ :)

أنا سامع أن الشكل الجديد 1000 بس
وأة نظام السحب والتكيييف

1100سيسي....65 حصان....زي ما هو ماتغيرش.

السحب بتاعها رائع بالنسبة لكونها 1100....و فيه تأثير للتكيف علي السحب....بس مش بيموتها...بتحتاج تنقل علي Rpm أعلي شوية بس

اقتباس:

---

طبعا يا نادر بك..
مين يشهد للعروسة..:) ربنا يباركلك فيها و يكفيك شرها..
اه بالمناسبة.. احب اهنيك ع المحهود التحفة في التصوير..
يا جماعه ما شاء الله اخراج عالي و شغل محترفين.
انت شغال في الدعاية و الاعلان ولا ايه..؟؟ :)

---

مش عروسة ولا حاجة يا أحمد:)...أنا بس مجرب الاتنين كويس و شايف الفروق بعيني...ده كفاية مسكة الدركسيون:)

و ربنا يخليك علي ذوقك...مستهالش الكلام ده كله...ولا دعاية و اعلان ولا حاجة...دي هواية عندي من زمان بس:)

أنا ركبت الفيرنا والبيكانتو ولكن البيكانتو تتميز بتقفيل يفوق الهيونداي بمراحل وأيضاً الفرش روعة وتناسق ألوان الفرش مع الدواخل والطابلوة رائع والتكييف ممتاز فعلاً وأعتقد أن تكنولوجيا الموتور أكثر تطوراً من مثيلاتها، أما الفيرنا يمتاز بالحجم الكبير والموتور الكبير نوعاً ما.
:confused:وفي الأول والأخر السيارة راحة نفسية بنسبة 50% في رأي

اقتباس:

---

المشاركة الأصلية كتبت بواسطة medohai510

أنا ركبت الفيرنا والبيكانتو ولكن البيكانتو تتميز بتقفيل يفوق الهيونداي بمراحل وأيضاً الفرش روعة وتناسق ألوان الفرش مع الدواخل والطابلوة رائع والتكييف ممتاز فعلاً وأعتقد أن تكنولوجيا الموتور أكثر تطوراً من مثيلاتها، أما الفيرنا يمتاز بالحجم الكبير والموتور الكبير نوعاً ما.
:confused:وفي الأول والأخر السيارة راحة نفسية بنسبة 50% في رأي

---

تصحيح : البيكانتو تستخدم إحدي محركات هيونداي وهو المحرك المستخدم في الأتوس و الـ I10

شكراً يا خالد باشا علي تصحيح المعلومة أنا أول مرة أعرف أنه موتور البيكانتو هو هو موتور الأتوس، صحيح أن الأثنين كوري لكن دة شركة ودة شركة ثانية.
أنا لما شوفت البيكانتو كانت مع واحد معرفه فلاما فتح الكبوت فحبيت أفحص الموتور فوجدت شبيه بالمواتير الياباني مع فارق الحجم والقوة.
ولكن أنا أعرف علي حد معلوماتي أن الأتوس عربية كويسة ومفيش شكوي منها، والمقارنة كانت بين البيكانتو والفيرنا.
وشكراً...

اقتباس:

---

المشاركة الأصلية كتبت بواسطة medohai510

شكراً يا خالد باشا علي تصحيح المعلومة أنا أول مرة أعرف أنه موتور البيكانتو هو هو موتور الأتوس، صحيح أن الأثنين كوري لكن دة شركة ودة شركة ثانية.
أنا لما شوفت البيكانتو كانت مع واحد معرفه فلاما فتح الكبوت فحبيت أفحص الموتور فوجدت شبيه بالمواتير الياباني مع فارق الحجم والقوة.
ولكن أنا أعرف علي حد معلوماتي أن الأتوس عربية كويسة ومفيش شكوي منها، والمقارنة كانت بين البيكانتو والفيرنا.
وشكراً...

---

انا معنديش مشكله في كلامك كما اني قلت انه ماتور الأتوس الي هو موتور الـ I10 كمان وده معروف عالمياً مش كلامي انا

البيكانتو تستخدم إحدي محركات هيونداي وهو المحرك المستخدم في الأتوس

أنا نفسى أتسدت وغيرت رأى مع كامل أحترامى للأتوس وملاكها ولاكنى بقى عندى حالة كرة بكل ما هوا يتعق بهيونداى نظرا" لللى حصل معايا فى عربيتى الفيرنا وكدة حيكون فى فرق بتاع 8 أو 9 تلاف وحكون بقل بس البيكانتو فعلا" عربية تحفة وألف شكر لكل لمن شارك

اقتباس:

---

المشاركة الأصلية كتبت بواسطة Ibrahim Reda

البيكانتو تستخدم إحدي محركات هيونداي وهو المحرك المستخدم في الأتوس

أنا نفسى أتسدت وغيرت رأى مع كامل أحترامى للأتوس وملاكها ولاكنى بقى عندى حالة كرة بكل ما هوا يتعق بهيونداى نظرا" لللى حصل معايا فى عربيتى الفيرنا وكدة حيكون فى فرق بتاع 8 أو 9 تلاف وحكون بقل بس البيكانتو فعلا" عربية تحفة وألف شكر لكل لمن شارك

---

تمام الكلام بس انا ملاحظ في البروفيل بتاعك انك عندك ماتركس كمان .......ياتري ايه اخبارها معاك ؟؟؟

أختى وخطبتى معاهم ماتريكس أتوماتك موديل 2007 والأثنين نفس اللون كمان
هى عربية ممتازة جدا" ولحد الأن مفيش مشاكل والحمد لله هما تجميع كورى مش تركى
بس ملاحظاتى ان سحبها مش قوى ولاكن معقول واستهلاكها كبير مقارنة بالفيرنا ال1500
ولاكن ناس كتير بتقول انه عادى فى ال1600 الأتوماتك

اقتباس:

---

المشاركة الأصلية كتبت بواسطة Ibrahim Reda

أختى وخطبتى معاهم ماتريكس أتوماتك موديل 2007 والأثنين نفس اللون كمان
هى عربية ممتازة جدا" ولحد الأن مفيش مشاكل والحمد لله هما تجميع كورى مش تركى
بس ملاحظاتى ان سحبها مش قوى ولاكن معقول واستهلاكها كبير مقارنة بالفيرنا ال1500
ولاكن ناس كتير بتقول انه عادى فى ال1600 الأتوماتك

---

اديك انت قلتها اهوه...مع انها هيونداي ......لو بتفكر في عربيه تانيه هيونداي فعندك حاجات كتير بس ابعد عن تجميع غبور...شوف النيو اكسنت و الألنترا

كنت بفكر فى الألنترا لأنى سقتها وكانت تحفا بس غبور بيخرب أى تحفة وكان فى نقاش قبل كدة والناس اجمعت ان اهمال غبور وخصوصا" فى الصيانة هو ألى بيقصف عمر العربية

بس أجلت الموضوع علشان كنت حجبها قسط ولاكن مينفعش فى الوقت الحالى

شوف يا ابراهيم
هيونداي وكيا شركة واحدة وهيونداي شركة محترمة قوي بس اللي بيفرق التوكيل
يعني اللي عايز يركب النترا بقولوة هات سيراتو
واللي عايز يركب نيو اكسنت بقولوة هات ريو
والاتوس وال i10 هيا بيكانتو
بيستخدمو نفس الشاسية والموتور مع اختلاف الدواخل تابلوة وشكل وحركات واسم وشوية تكنلوجي صغير بتفرق
يعني نيو اكسنت بارو كهرباء الريو باور هيدروليك وهكذا

لو هاتكيش هاتلك حتة استمعمال نضيفة زي الريو اللي كانت معايا عربية تحفة فعلا
او السبكترا اللي كانت بتتباع عندنا في البيع وتلشرا وبتتكلم في 55 عربية تحفة وهيا هيا السيراتو
او شوفلك حتى لانسر مكواة 2001 2003
وكدة
لو قسط بقي وكدة خليك في البيكانتو عشان عربية حلوة فعلا وتوكيل هايشيلك فوق راسة
وضمان 5 سنين او 100 الف كم
ولا ضمان جاكوار

بفكر أستحملها شوية (الفيرنا) وانسا ألى حصل فيها وفكرت فى المستعمل وقلت ألى أعرفة أحسن من ألى معرفوش
ولاكن لما أنوى وأجيب أجيب جديد وتكون حاجة يبانى وأكون ضاغط على نفسى واجيبها أوتوماتك وفيها كل الكمليات ويمكن كمان الجنوط زى اليارس الهاى لين ألى ب110
علشان مركبش فيها مسمار وكلة يكون بتعها واريح دماغى من كل الحوارات دى

هو دة ألى وصلتلو بعد تفكير كتير

غير يا باشا ولا يهمك البيكانتو مش هتحسسك باى فرق ..انا معرفش حد ركبها واشتكى منها فى حاجه

..mokhtar..

بيكانتو وأنت مغمض
ده لو الشنطه مش فارقه معاك