نظرة سريعة على الأكسنت أر بى
السلام عليكم
من يومين واحد صاحبى كان عايز يتفرج على الأكسنت أر بى الجديدة
روحت معاه المعرض و دى كانت إنطباعاتى
انا أولا قضيت فيها 5 دقايق
أولا الشكل الخارجى جميل جدا بس عيبه إنه نفس شكل الi1o بردوا و الراجل الى فى المعرض قالى كل الهيونداى الجديد شكله كدا
بس مش مشكلة
الصالون
بسيط و هادى زى كل الهيونداى
العدادات شكلها كويس
الكاسيت و دا تقريبا الحاجة الوحيدة الى فى الطابلوه شكله هادى و لذيذ
الى شوفتها كان فى فتحة usb و كمان aux
الإزاز كهربا و المرايات كمان
انا أعتبر طويل شوية فا لما رجعت الكرسى زى ما متعود أسوق الفكترا للأسف الكنبة ورايا ضاعت تقريبا
القعدة فى كرسى السواق مريحة مساحة الفراغ للرأس معقولة بس طبعا الى جمبك لازق فيك
ورا مساحة الرأس كانت قليلة عشان السقف الى نازل سنة أعتقد إن الفيرنا أوسع و أكيد الإلنترا
الشنطة بقى دى حكاية فا كبيرة جدا جدا جدا رغم شكلها الى يبان صغير بس كبيرة جدا
اه نسيت أقول إن الى شوفتها كانت إستيب ترونيك
تقيمى النهائى للشكل
فا هى أعتقد هتبقى جميلة جدا لأسرة صغيرة بتحب تاخد شنط كتير
أو مندوب بيحتاج حاجات كتير فى الشنطة معاه
مش هتعجب الناس الطوال الى زى فى الركوب ورا و كمان السواقة مع ناس قاعدين ورا
السعر بقى
فكان 101000 تقريبا مش متذكر
بس الراجل قالى أعلى فئة هتعمل 106000
فى نظرى عيب قاتل جدا
عشان الإلنترا بكدا تقريبا
السيراتو بردوا و فى واحد قالى الهوندا سيتى كمان هتعمل كدا