يا تري بتصلي الفجري
عرض للطباعة
يا تري بتصلي الفجري
بفضل الله
انا ومجموعه اصدقاء اللى بيصحى الاول بيرن على الباقي يصحيهم واللى يصحى يكنسل وربنا يثبتنا على الايمان ويجعلنا من المصلين ويرزقنا صلاه الفجر كل يوم فى جماعه
الحمد لله رب العالمين
:16:
:16: الحمد لله رب العالمين هذا فضل الله يؤتيه من يشاء .................. أللهم أدمها نعمة و أحفظها من الزوال يا رب العالمين .............. أللهم لا تحرم مسلما أبدا على وجه الأرض من لذة صلاة الفجر ........ أأأأأأمييييييين
سبحان الله
انا الحمد لله نويت انتظم في صلاة الفجر والنهاردة كان أول يوم اسمع فيه الاقامة واصحى اصلي مع اني نايم متأخر
برجاء الدعاء لي بالثبات
ساعات في المسجد وساعات في البيت وببقي مبسوط قوي لما اصلي في المسجد وبانتظام بس الذنوب بتثقل الواحد
الحمد لله متلزمة بها فى الشتاء ولكن فى الصيف تفوتنى بعض الأيام ... ربنا يعينى ومفوتهاش
الحمد لله
الحمد لله أنا بحاول على قد ما أقدر التزم فى الصلاة ..أهم حاجة لما تلاقى نفسك قصرت متسيبش نفسك .. أنا عارف المفتاح بتاعى .. لما بلاقى نفسى قصرت على طول أجيب درس أسمعه عن صلاة الفجر .. كفاية لما يقول لك الحديث "بشر المشائين فى الظلم الى المساجد بالنور التام يوم القيامة" أو ان الله عز و جل يسأل عنك الملائكة و يقولوا له قام ليصلى الفجر .. أنا عن نفسى بتأثر جدا و بتفرق معايا الحمد لله.
فى نوع تانى من الناس يكون عنده مشكلة معينة .. تقول له اسمع الدرس ده .. يقول لك لا يا عم أنا مش عاوز حاجة تأنب لى ضميرى .. سبحان الله يعنى هتسيب نفسك كده .. استعن بالله و انوى انك تتغير و خذ بالأسباب و اضبط المنبه و احرص على الصحبة الصالحة .. و اتأكد انك هتقوم تصلى و انت مبسوط .. هتقوم و انت فرحان انك رايح تصلى .. على عكس ما تتوقع مش هتقوم و انت عاوز تنام.
i do
MMamdouh
الحمد لله. اللهم أدمها علي نعمة. اليوم اللي بتروح عليا فيه نومة ببقى مش مبسوط طول اليوم.
[QUOTE=A.Lotfy;3873471307]سبحان الله
انا الحمد لله نويت انتظم في صلاة الفجر والنهاردة كان أول يوم اسمع فيه الاقامة واصحى اصلي مع اني نايم متأخر
برجاء الدعاء لي بالثبات
اللهم ثبته
ما شاء الله ولا قوة إلا بالله.
أسأل الله العلي القدير العون والثبات وأن يطل في أعمارنا حتى نرى المساجد في صلاة الفجر تضج بالمصلين كما نراها في صلاة الجمعة وصلاة التراويح.
بارك الله في أيامكم وأعماركم...
ويا من حرمت نفسك من هذا الفضل العظيم جاهد نفسك ولا تحرمها فوالله إن لصلاة الفجر سحر خاص ومتعة لا يعلمها إلا من ذاقها...أحد أوجه هذه المتعة واللذة هو شعورك بالنشوة أنك إنتصرت على نفسك و شعورك أن لك خصوصية عند ربك وأنك من أهل الصفوة يهنئون بعضهم بعضا في المساجد بقيامهم بالليل والناس نيام...ثم تجد البركة في يومك ولو واجهت فيه من الأزمات ماواجهت كن واثقا أن إستقبالك لها سيكون مختلفا فأنت في ذمة الله ومن كان في ذمة الله ما شقى أبدا...
من ذاقها هذه المتعة إعلم يقينا أنه لن يتركها...ومن تركها عاتبته نفسه قبل عتاب ربه.
والله المستعان.
تخيلوا انا كنت متخيل ان المشاركات ممكن تعدي ال100 في يوم
الحمد لله
الحمدلله صيف شتا
نادرا لما تفوتنى
فى الجامع مش كل يوم يعنى انهاردة فاتتنى
لكن بصليها فى البيت لما تفوتنى الحمد الله
أنا نفسي أصليها والله بس الكسل........ ربنا يوفقني ويوفق كل المسلمين للإنتظام في الصلوات وصلاة الفجر حاضر
نسأل الله الثبات
الحمد لله بصلي الفجر في الصيف دائما لاني بأسهر لحد الفجر اصلي و انام
اما الشتاء فبتبقى صعبه شويه و الحاج دايما يحاول يصحيني بس بيفشل :))
ادعولي اواظب عليها صيف و شتا
المفروض العكس ليه ؟؟!! جايز حضرتك زى الأخ
لكن أنا بقى بنام بعد العشاء بساعتين مثلا أو 10 ، 11بالليل و بأقوم من النوم بدرى صيف شتا ...الساعة 5.5 أو 6 الصبح
وبما إن الليل طويل فى الشتاء والفجر بيأدن متأخر والشمس بتطلع متأخر بألحق أصليه حاضر بسهولة
لكن فى الصيف الليل قصير والفجر بيأدن بدرى قوى والشمس بتطلع بدرى قوى .. وساعات بتفوتنى الصلاة حاضر لو سهرت من الحر :angry06:
بس النهاردة صحيت من الساعة 4 صليت الفجر حاضر وصاحية من ساعتها أهه :16: