العفو يا باشا
عرض للطباعة
العفو يا باشا
بص ياباشا ......سهل اوى تلاقي الموتور ده في بورسعيد انا فاكر حضرتك كان معاك موتور 1400 سي سي
بص ياباشا انا مريت بتجربه عكسك ....... سقطت من 1600 كامه واحده لأخوه 1400 سي سي
مطلوب منك الأتي ياباشا
ممكن تغير فتيس معاه وممكن لأ
ديسك وأسطوانه .....لو عندك كويسين مش هيتغيرو هيركبو علي طول
كونترول يونيت ......انا مركب كونترول 1600 علي موتور 1400 ..(مغيرتش الكونترول )
دينامو ونظام فرامل .....ماتغيرش حاجه برده
بإختصار الموتور 1600 & 1400 اخوات
مش هتحتاج تغير حاجات كتير ......وممكن تاخد من موتورك القديم وتعدل عالجديد
حوار التكييف ده اختياري .....يعني انت بتركبه علي موتورك الجديد
مش عارف ليه تهت منك يا ضيف
فهمنى بالراحه
طيب ما تفهمنى انت كمان يا فادى
انت قصدكم على الأيكو تك
صح
لا يا طنون ..الايكوتك ال1400 ده بييجي مع التيجرا والكورسا اوبك ..انا قصدي علي الموتور الاسود اللي زي اللي راكب عندي.. في اخوه بالضبط بس 1400 مايفرقش عنه لا في الشكل ولا في الحجم ..ضيف يقصد ان كل حاجتهم الخارجيه بيركبوا مكان بعض بما فيهم الكونترول يونت..
الله ينور يا فادي بيك .....بالظبط انت جبت الخلاصه
وياطناني عايز اقولك ان الموتور 1400 بيجري زي 1600 تقريبا لو ركب نفس الكونترول يونيت ......محستش بفرق غير في إحساسك بفرق العزم .....عزم 1600 شديد شويه .....بس ماتحسش بفرق في الجري اوى
بيفرق كمان سحب العربيه لما تركب 5 اشخاص في الحالتين
افدتم المحكمه
بارك الله فيكم
اى حدمة يا زملة الحصير
ههههههههههههههههه
طيب ال1400 تلاقيه فى بورسعيد متوفر ولا لا وسعره كام وهل وش السلندر زى ال1600 ولا متغير وسعره كام لو زر ال1600