عايز حد بتاع تكييف شاطر

**marco14** · 05-05-2011 04:05 AM

انا انهاردة رحت لحد بتاع تكييف عشان الفتحتين اللي في النص مكانوش بيطلعوا اي هوا خالص الاقي الباشا صلحهم و قفلي زرار ال mode بتاع التكييف اللي ممكن اختار منه المكان اللي الهوا يخرج منه لأ و ايه قفلي برضو الزرار اللي اقدر اخلي الهوا يتاخد من جوا العربية او من برا

طبعا انا اتنرفزت و كل ما اقولوا ليه يقولي كدة احسن و دماعه راكبة شمال

و انا مردتش اعمل مشكلة و اتخانق لأن مش حتة صنايعي هيمشيني بدماغه فقلتله قفل كدة و قولت اجي اسأل هنا على حد نضيف

ارجوكم ساعدوني لأن طبعا عارفين معنى التكييف في صيف مصر

**Gelgel2004** · 05-05-2011 11:11 AM

السلام عليكم و صباح الخير marco 14

بخصوص مشكلتك بسيطة ان شاء الله ارجو انك تتوجه الى مركز كول اير بالعنوان 1 شارع البوصيرى خلف سوق القنال الدولى - اخر جسر السويس و المركز تليفونه 26202455 و اسم مدير المركز ا/ هيثم .
و ان شاء الله المشكله تتحل بس لازم تتصل الاول و تاخذ ميعاد علشان الصيف و ده موسم شغل و زحمه .
و باذن الله تقابل مدير المركز المهندس ايمن عبد الجواد و بلغه انك من طرفى ( محمد عبد الجليل ) و ان شاء الله هيعمل الواجب . و انا فى الخدمة
دمت بود

**omarhelalyehia** · 05-05-2011 11:28 AM

0000

**marco14** · 06-05-2011 06:30 PM

ا محمد الف شكر لأهتمامك و ردك

بس مفيش مكان اقرب من كدة

اصل انا ساكن في شبرا مصر

**al_manara** · 07-05-2011 10:58 AM

الصنايعية بتعمل كدة عشان بيقولولك بلاش تدخل هوا من برة عشان الفلتر بتاع التكيف مايتبهدلش من التراب . وكمان الثلاجة
هي حلها بسيط هو في الغالب بيكون حط مسمار او حاجة بيوقف بيها الباب الي بيفتح ويقفل
دماغ بقي

**Gelgel2004** · 07-05-2011 06:43 PM

ماركو 14
مساء الخير
الحقيقه معرفش حد اقدر اثق فيه غير اير كول اللى قلت لك عليه - معظم و ليس كل المراكز تهتم بالشحن و خلاص انما التفاصيل الفنيه دى اخر حاجه يفكروا فيها - عموما تعالى فى اى يوم جمعه او سبت بدرى و ان شاء الله اكون معاك و نعمل معاك واجب الضيافه لاحسن ناس من شبرا
و انا فى الخدمة
دمت بود

**Gelgel2004** · 07-05-2011 06:45 PM

مساء الخير
الاثنين ينفعوا بس الاحسن حد بتاع تكييف يبقى احسن علشان يراجع على كل حاجه
دمت بود

**Gelgel2004** · 07-05-2011 06:49 PM

ا المناره
مساء الخير
حقيقى ده بيحصل بس خلينا نعرف البوابه اللى بتدخل هواء من بره فايدتها ايه و ايه اهميتها : -
1 الهوايه دى بنفتحها مع طرق السفر علشان تجدد هواء الكابينه ( مقصوره القياده ) بسسب خروج غاز ثانى اكسيد الكربون اثناء عمليه الزفير و الغاز ده اذا نسبته زادت يخليك تشعر بالنعاس و الاحساس ده ممكن يخلى اللى بيسوق مده طويله و قافل الشبابيك ومشغل مكيف الهواء اء يفقد السيطره.
2 اذا كنت من المدخنين فيستحسن تفتح الهوايه كل فتره علشان تجدد الهواء و متمسكش ريحه الدخان فى كويل التكييف.
3 فى كلا الحالتين افتح البوابه لمده دقائق فقط موش تسبها مفتوحه على طول
دمت بود