عايز سيراتو بس خايف من السرقة

سلامو عليكم....

اليومين دول انشالله ناوي اجيب عربية .... و بفكر جديا في السيراتو ... طبعا انا مش جي اسال حلوة و لا لأ لأني قتلت الموضوع بحثا .....

المهم دلوقتي .... انا شايف ان السرقة فيها ماشالله منتشرة اوي و انا خايف جدا من الحكاية ديه .... لانها تحويشة العمر لو حصل حاجة لا قدر الله ممكن يجرالي حاجة.... و طبعا كله في الاخر قضاء ربنا و لازم ارضي بيه.....

انا الفئة اللي هاجبها ان شالله sx فيها سمارت كي و من غير فتحة سقف و جنط 17 ..... هل ده يمنع انها تتسرق و مينفعش يدورها( و طبعا انا قصدي سرقة بمعني انها تتاخد كلها مش يكسر الازاز عشان يسرق شنطة من جوه )

و هل السمات كي ده زي الايموبلايزر و هي فيها ايموبلايزر اصلا و لا لأ؟

هل برضه فيها انذار؟

اخر حاجة هي جنط 17و الراجل قاللي حط نيتروجين و مش هتحس بحاجة ..... ده بجد و لا اشتغالة ؟؟

و شكرا مقدما .....

Smart Key فيها Immobilizer

مفيهاش انذار بس ركبه عندهم و انت بتستلم العربية..

حط نيتروجين.. انا حاطط و حسيت بفرق.. و ربنا يرزقك بيها ان شاء الله..

المهم انت اركنها في مكان واضح وسط زحمة عربيات و قدام عين تحرسها.. و في الاخر دي حاجة بتاعة ربنا.. احنا بنجتهد بس

مبروك مقدما انشاء الله, وكل شئ بقضاء الله وامره وبخصوص نيتروجين انا معايا كيا كارينز ولما حطيط نيتروجين حسيت بفرق بسيط

انا معايا جنط 17 بس لسه محطيتش نيتروجين
ان شاء الله احطه قريب واقولك علي الاخبار

اقتباس:

---

المشاركة الأصلية كتبت بواسطة hi_nmr

انا معايا جنط 17 بس لسه محطيتش نيتروجين
ان شاء الله احطه قريب واقولك علي الاخبار

---

ايوة ياعم بالله ابقى قولنا تجربتك بعد النتيروجين دة .. اصل انا اتخنقت من كتر ما دورت ناس تقول مفيش فرق وناس تقول فرق

مع انى حساس جدا بالنسبة للعربية يعنى لو بيعمل فرق نص فى المية هحس بيه وهقول الحمد لله

جرب كده وابقى قولي

طب ايه نظام جنط ال 17 معاك؟

اقتباس:

---

المشاركة الأصلية كتبت بواسطة msco

ايوة ياعم بالله ابقى قولنا تجربتك بعد النتيروجين دة .. اصل انا اتخنقت من كتر ما دورت ناس تقول مفيش فرق وناس تقول فرق

مع انى حساس جدا بالنسبة للعربية يعنى لو بيعمل فرق نص فى المية هحس بيه وهقول الحمد لله

جرب كده وابقى قولي

---

حاضر من عنيا بس صحابي جربوه وبيقولولي في فرق كبييير

اقتباس:

---

المشاركة الأصلية كتبت بواسطة pirlo2000

طب ايه نظام جنط ال 17 معاك؟

---

زي الفل يا باشا العربيه جميله وتمام ماشاء الله
اينعم هي ناشفه شويه بس مش زي ما الناس متخيله انا قبل ما اشتريها كنت فاكر اني هبقي راكب طوبه لكن ده مش حقيقي خالص العربيه ناعمه وكويسه
مش معني كلامي انها في نعوميه الفورد وكمان مش زي ما انت متخيل ناشفه زي الطوبه لا العربيه كويسه والجنط ممتاز

اتمني فعلا ان الجنط ال 17 ميبقاش بهدلة

اقتباس:

---

المشاركة الأصلية كتبت بواسطة hi_nmr

زي الفل يا باشا العربيه جميله وتمام ماشاء الله
اينعم هي ناشفه شويه بس مش زي ما الناس متخيله انا قبل ما اشتريها كنت فاكر اني هبقي راكب طوبه لكن ده مش حقيقي خالص العربيه ناعمه وكويسه
مش معني كلامي انها في نعوميه الفورد وكمان مش زي ما انت متخيل ناشفه زي الطوبه لا العربيه كويسه والجنط ممتاز

---

+++++++1



.

انا معايا كيا سول والجنط 18 وحطيت نيتروجين بس بصراحه مفرقتش كتير
هى ناعمه فى الطرق الكويسه وناشفه فى الطرق المكسرة والمطبات

ميروك مقدما يا باشا
انا مش هتكلم فى موضوع السرقة دة جى حاجة بتاعة ربنا وربنا يحفظنا كلنا
انا عايز اقولك ان فررق النيتروجين هتحس بية او مش هتحس دى مش قصى الجنطال17
المشكلة فى ال17 البلالالالالالالالالالالا لالين فى الشوارع الزفت الى احنا ماشيين فيها دى عندك استعداد انك بمعدل كل شهر او شهرين تجيب فردة ب500 600 جنية؟؟؟؟؟؟؟؟
انا كنت فى نفس حيرتك وكمان عشان شكل ال17 الجامد بس انا فكرت انى مش هقدر اتحمل تكلفة البللين بتاعة ال17

معاك حق فعلا البلالين ديه انا سامع عنها كل خير !

و بعدين اشوأ حاجة في مصر ان مفيش تست درايف .... بتجيب عربية عمياني !

و حاجة تحير ... ناس تقوللي الجنط 17و 16 ده عذاب و تكفير ذنوب !

و الناس تقوللي ده قشطة و مش هتحس بيه اوي ..... حاجة تحير ....

ياعم توكل على الله كله بيبوظ وبيتغير .. انا طلعلى بالونة بعد اسبوعين من شراء العربية .. وغيرت الكاوتش والحمد لله

ال 17 حلو بس عيبة انه معرض للبلالين اكتر وبتحس بالطريق جامد جدا

فنصيحتى لو تقدر تجيب 16 هات والشكل مش فارق كتير

الف مبروك وربنا يبعدلك عنها الحرامية ويولع فيهم

عندي 16 والحمد لله

لكن لو هاتجيب لازم تنام فيها اليومين دول

الحمد لله انا بقالي اسبوع معايا الجنط الـ 17 ده والحمد لله ماشي بيه كويس
اكيد هو معرض اكثر من غيره في البلالين وعشان كده انا بحاول علي قد ما اقدر منزلش في حفر مرة واحده
في حاجه كل الناس عماله تقول البلالين ومحدش قال ان لـ 17 ده بيديك ثبات في المنحنيات منقطع النظير وبيديلك استبلتي علي الطريق مفيش بعد كده وكل ده غير شكله الجميل
يبقي الجنط الـ 17 ليه مميزان (كل الناس نسياها)
وليه عيب واحد (كل الناس فاكراه)

التهاردة واحدة قريبتي قالتلي انها باعتها بعد 3 شهور من فظاعة العفشة !!

مش عارف اعمل ايه !!

اقتباس:

---

المشاركة الأصلية كتبت بواسطة pirlo2000

التهاردة واحدة قريبتي قالتلي انها باعتها بعد 3 شهور من فظاعة العفشة !!

مش عارف اعمل ايه !!

---

يالهوي لالالا مش اوي كده
العربيه معايا والحمد لله زي الفل

يمكن يكون اللي بتنزل مصر مواصفاتها وحشه ؟؟
محتاجين حد بقي يكون جرب الخليجي والمصري ويقولنا في فرق ولا ايه

اقتباس:

---

المشاركة الأصلية كتبت بواسطة pirlo2000

التهاردة واحدة قريبتي قالتلي انها باعتها بعد 3 شهور من فظاعة العفشة !!

مش عارف اعمل ايه !!

---

طيب جابت ايه بعد السيراتو؟؟

اقتباس:

---

المشاركة الأصلية كتبت بواسطة mido

طيب جابت ايه بعد السيراتو؟؟

---

لسة ماجابتش.... مستنية الالنترا الجديدة

مادام فيها ايموبلايزر"نظام المنع من السرقة" يبئه ان شاء الله آمان
السيارة جميلة وخدت شعبية وانتشار في مصر
قطع غيارها منتشرة

رابط المشاركة
http://www.nilemotors.net/Nile/Arabi...t-top-left.gif اقتباس http://www.nilemotors.net/Nile/Arabi...-top-right.gif
http://www.nilemotors.net/Nile/Arabi...ot-by-left.gif المشاركة الأصلية كتبت بواسطة ashouhdy http://www.nilemotors.net/Nile/Arabi...t-by-right.gif
http://www.nilemotors.net/Nile/Arabi...p-right-10.gif



لا بس فعلا التوكيل بيكون عندة كود الشفرة مسجلة ببيانات العربية عشان لو المفتاح ضاع يعرف يطلع علية
http://www.nilemotors.net/Nile/Arabi...t-bot-left.gif
http://www.nilemotors.net/Nile/Arabi...-bot-right.gif
مش جاهزة بالبساطة دي
عموما أنا هاقولكم على ألي أسهل من الكلام ده كله
لو عايز تسرق عربية فيها شفرة مع أني ماكنتش عايز أقول بس بما أن موضوع السرقة منتشر كده أهو تحذير للناس ألي معاها عربيات مكودة علشان يأمنو نفسهم بوسيلة تانية
بيجيبو كمبيوتر ماستر ملغية منه الشفرة نهائي وبيفك ألي في العربية مشفر ويركب الماستر مكانه ويشغل بسلكتين

اقتباس:

---

المشاركة الأصلية كتبت بواسطة otefa

لو عايز تسرق عربية فيها شفرة مع أني ماكنتش عايز أقول بس بما أن موضوع السرقة منتشر كده أهو تحذير للناس ألي معاها عربيات مكودة علشان يأمنو نفسهم بوسيلة تانية
بيجيبو كمبيوتر ماستر ملغية منه الشفرة نهائي وبيفك ألي في العربية مشفر ويركب الماستر مكانه ويشغل بسلكتين

---

المفتاح بيكون عليه شفرة والايموبلايزر والكنترول يونت ( الكمبيوتر )

لاازم التلاتة يكون عليهم نفس الكود .....ده شرح الايموبلايز

http://img23.imageshack.us/img23/6206/1250151592.jpg


وعلشان اعمل كده لاازم اخد الاكواد من الكمبيوتر القديم وانزلها على الجديد ولو مش معايا الكود

يبقى لاازم اغير طقم الدورة بالكامل
كلامى عن تجربة فعليا لما كان عندى مشكلة فى العربية خاصة بالكنترول يونت

أنا عارف السيستم كويس وكان في الألفاروميو عندي وحصلت عندي مشكلتك
بعت جيبت كمبيوتر من غير شفرة من هولندا(واحد متخصص في فك الشفرات من على الكمبيوتر)
بقه كمبيوتر ماستر لو ركيبته على أي عربية ألفا نفس الموديل ومش هاياخد أكثر من 5 دقائق تشغلها بمفتاحها عادي جدا بدون أي حاجة للشفرة

نفس الجواب يا أبو ليلى هههههه

أبقى حاول تجيب العربيه بكاوتش نيكسن

اقتباس:

---

المشاركة الأصلية كتبت بواسطة otefa

أنا عارف السيستم كويس وكان في الألفاروميو عندي وحصلت عندي مشكلتك
بعت جيبت كمبيوتر من غير شفرة من هولندا(واحد متخصص في فك الشفرات من على الكمبيوتر)
بقه كمبيوتر ماستر لو ركيبته على أي عربية ألفا نفس الموديل ومش هاياخد أكثر من 5 دقائق تشغلها بمفتاحها عادي جدا بدون أي حاجة للشفرة

نفس الجواب يا أبو ليلى هههههه

---

اصل انا عشت فى الموضوع ده 6 شهور والاكواد تقع ونرجع نبرمج من تانى ونجيب كنترول
ونحط عليها الاكواد اللى كانت عندى

شغلانة كبيرة

انما موضوع الكنترول الماستر ده بصراحة اول مرة اسمع عنه

بس برضه انا مصمم انه مش بالسهولة دى لاازم الكود

اقتباس:

---

المشاركة الأصلية كتبت بواسطة abouleila

اصل انا عشت فى الموضوع ده 6 شهور والاكواد تقع ونرجع نبرمج من تانى ونجيب كنترول
ونحط عليها الاكواد اللى كانت عندى

شغلانة كبيرة

انما موضوع الكنترول الماستر ده بصراحة اول مرة اسمع عنه

بس برضه انا مصمم انه مش بالسهولة دى لاازم الكود

---

فعلا موضوع متعب
وعلشان كده ريحت دماغي وجيبت الكمبيوتر مفكوك الشفرة(بدون)
أنا شايف الشفرة دي مكسبها في جيب التوكيل وبتوع المفاتيح أنما موضوع السرقة فالحرامية مابيغلبوش ونش وبيسحبوها
مش لازم أكواد لو الكمبيوتر مفكوك منه الشفرة خدها مني ثقة
وفي الأغلب هما بيسرقوها بكمبيوتر ماستر
وربنا يكفينا شر الحرامية

لو في حد شاف المصري اليوم امس سرقه 13000 عربيه عن طريق فك الشفره
هما طبعا ماقالوش نوع العربيه بس في الغالب هي السيراتو
وكمان عن طريق رفع العربيه علي ونش

اقتباس:

---

المشاركة الأصلية كتبت بواسطة otefa

فعلا موضوع متعب
وعلشان كده ريحت دماغي وجيبت الكمبيوتر مفكوك الشفرة(بدون)
أنا شايف الشفرة دي مكسبها في جيب التوكيل وبتوع المفاتيح أنما موضوع السرقة فالحرامية مابيغلبوش ونش وبيسحبوها
مش لازم أكواد لو الكمبيوتر مفكوك منه الشفرة خدها مني ثقة
وفي الأغلب هما بيسرقوها بكمبيوتر ماستر
وربنا يكفينا شر الحرامية

---

امين يارب وفعلا الحرامى مش هيغلب طيب تعرف خالى لسه مسروق عربيته مرسيدس 180

من تحت البيت فى المقطم والاغرب بقى ان مراته كانت واقفه فى البلكونة دخلت دقيقتين رجعت ملقتش

العربية ودى بقى مجهزة بكل حاجه ...طبعا لا حياء لمن تنادى بالنسبة للشرطة

سيبك انت منورنا فى قسم كيا

ربنا يعوض عليه
وبنورك والله
تحياتي