انا عن نفسي على الدائري بمشي في حدود 85 كسرعة
بخلي المؤشر ما بين ال 80 وال 90 وبريح دماغي !
عرض للطباعة
انا عن نفسي على الدائري بمشي في حدود 85 كسرعة
بخلي المؤشر ما بين ال 80 وال 90 وبريح دماغي !
بمشي علي 90 وعلي 80 كمان ع الدائري .. اقصي اليمين واحيانا اقصي الشمال :)
الاستاذ اللى بيقول الرادارات مبقتش شغالة
في فعلا رادارات مش شغالة لكن بعيني شفت رادار وهو بيصور من حوالي اسبوعين على الدائري
وشكرا
فعلا السرعة من أخطر الحجات اللي محدش بيعرف خطورتها غير اللي جرب كوارثها
اعرف الرادار ازاى واعرف انه صور ولا لا ازاى
هو من اول طلعه الزراعى ..لحد نفق السلام فى رادارات ؟
لو فى يبقى انا عليا مخالفات مش اقل من 150 الف جنيه هههههههه
يا جماعة السرعة الزيادة عن اللزوم مالهاش اي لازمة
انت لو ماشي علي 90 مسافة 50 كم هتقطعها في حوالي 33 دقيقة
ولو مشيت نفس المسافة علي سرعة 100 هتقطعها في حوالي 30 دقيقة
ولو مشيت نفس المسافة علي سرعة 120 هتقطعها في حوالي 25 دقيقة
وهكذا ، تقدر حضرتك تحسبها عن طريق قسمة المسافة علي السرعة واضرب الناتج في 60
وتخيل المبلغ الي هتدفعه مقابل هذه الدقائق القليلة او الارواح التي هتزهق لا قدر الله مقابل هذه الدقائق الثمينة الي هتوفرها
انا حصلت معايا قبل كدة كذا مرة ولكن اذكر منهم مرة حرقت دمي اوي
كنت مروح من الشغل ومفيش ورايا اي حاجة بعد الشغل، وكان راكب جمبي واحد زميلي وبنتكلم سوا
يبدو ان رجلي تقلت شوية علي البنزين من غير لما اخد بالي
اتفاجأت بلجنة وبيقولي الرخص واركن علي جمب
طلع المخالفة علي سرعة 110 وانا عارف انهم مش بهذه الدقة لكن ماشي
ضيعت يوم في المرور و 105 جنيه
يعني دفعت 105 جنيه مقابل كام دقيقة واساسا ضاعوا في الوقفة علي مايكتبلي الوصل وضاع اضاعفهم في المرور والطابور علي ما اخدت الرخصة
و90 علي فكرة مش قليل اساسا وهتحسها لو مشيت فترة علي 60 مثلا وليكن وصلة صفط اللبن الي عند كوبري ثروت امام جامعة القاهرة (ملحوظة : السرعة القانونية علي هذه الوصلة 60 كم / ساعة) وبغض النظر عن القانون كمان السلامة والأمان تخليك ماتمشيش اسرع من 60 والمطبات الجميلة الي عاملينها عليه يا سلام وهي بتفكك العربية، المهم بعد لما تخلص الوصلة و تمشي علي الدائري تلاقي 90 سرعة عالية جدا وانا شخصيا بمشي 80
اسف علي الاطالة
والله المستعان
انا اتصورت مرتين بعد الصورة والفلاش نور بتاع الردار