لجميع ملاك اسكودا فيليشيا

**amir** · 19-04-2008 05:59 PM

الرجاء اظهار التعاون بخصوص صيانه العربيه, الكل يشارك بالمشاكل اللي قابلته و حلها ازاي و عند مين و بكام و هكذا
يا جماعه اسلوب الطناش ده مستفز, جميع الاقسام الاخري نشيطه و متفاعله الا هنا, كله نايم علي الفليشيا و مش هامه, طيب انتو مستنيين ايه !!!
بجد حاجه تزعل خصوصا اني شاركت كذا مره و محدش ساهم في الموضوعات بتاعت العربيه ديه

**Chicco** · 19-04-2008 08:35 PM

هدي أعصابك يا باشا ...متهيألي الأعضاء اللي معاهم فيلشيا دلوقتي قليلين عشان كده مفيش مشاركة عالية....و لو دورت في الصفحات القديمة حتلاقي عدة مشاركات عن مشاكل و صيانة الفليشيا ....أنا كان معايا واحدة موديل ٩٥ بس بعتها من كذا سنة و لو عايز أي سؤال قول و إن شاء الله نقدر نفيدك

**XPLod** · 20-04-2008 04:13 PM

انا معاك وان شاء الله اكون من الاعضاء المتعاونين ودى اول معلومه عندى :

أنا مش برتاح لقطع الغيار اللى فى السوق ومش عارف هى ملتها ايه , انا بشترى الجديد فى حدود قليله جدا وبرتاح فى قطع الغيار الأستيراد مضمونه وأصلى وبختار الحاجه اللى حالتها حلوه وده رقم اللى بتعامل معاه فى الوكالة أسمه حماده 0104040774 بصراحه حاجته نظيفه جدا وأمين وبيبيع الحاجه الصح انا لسه شارى منه فتيس لعربيتى فيليشيا 97 ركبته والله كأنه زيرو ناعم زى الحرير الحمد لله وكمان اشتريت عفشه قنطره اماميه بالمقصات بالميزان بتعهم ( انا مكنش عندى الميزان ده ولا كنت اعرف حاجه عنه هو قالى انه بيعمل استابليتى اكتر للعربيه ) دول كلهم كانوا حته واحده راكبين مع بعض فى القنطرة ببرشام المصنع والله والله كانوا فابريقه بالتيكت ومدموغ عليهم المانيا .. ركبتهم زى ماهمه حته واحده بعد ما ركبتهم فى العربيه حسيت انى راكب زيرو والله.
الموضوع ده كلفنى 1200 جنيه ( الفتيس بالعفشه ) مش عارف غالى ولا رخيص مش مهم المهم انى شارى اصلى والعربيه بقت تحفه والحمد لله.

أنا مشكلتى نفسى الاقى ميكانيكى متخصص لانى مليش ميكانيكى معين .
ولو فى اى سؤال انا حاضر ..

**heshamhasib** · 28-04-2008 01:22 AM

انا كان عندي فيليشيا 95 ولو عندك اي سؤال اطرحه واحاول ارد عليه
كنت بتعامل مع ميكانيكي اسمه جمال خلف فندق النبيله جامعه الدول العربيه بس راجل ممتاز جدا

**mikology** · 06-05-2008 05:14 PM

وانا معايا فيفوريت و بردو مش لاقى ميكانيكى محترم و فاهم
بس لاقيت واحد مره بس عاملى من الحبه قبه
يعنى قالى العيب صغير بعد كده لاقيته بيفتح - مش عارف كان بيحلل ده ولا ايه
المهم انا نعاكو يا رجاله واى حاجة انا جاهز للخدمه و المساعده
اخوكم مايكل ماهر
0104311107

**mero4316** · 07-05-2008 10:37 AM

انا عندى اسكودا فليشيا 95 وبتعامل مع ميكانيكى محترم اسمة الأسطى فتحى فى شارع نصر الدين فى الهرم ..... بس عندى طلب عاوز اغير الفرش ومش عارف اجيب حاجة كويسة ومضمونة منين واركبه عند مين .

**XPLod** · 07-05-2008 01:53 PM

عليك وعلى سبير كار امام وزارة الداخليه دا افضل واحد تجيب منه وتركب عنده فرش .

**amir** · 10-05-2008 06:54 PM

شكرا للتفاعل و الاهتمام و بمناسبه الميكانيكي ففي واحد شاطر جدا في الاسكودا( و معظم الماركات الاخري) و بيصلح اوكتافيا كمان ( يعني مبيغلبش في الاسكودا) و ظبطلي مشكله السخونه (العداد مبيعديش السبعين باتنين مااي اطلاقا) و معظم المشاكل اللي في السياره و امين في شغله انا كاتب عنه في المواضيع هنا دورو هتلاقو الموضوع
و بالنسبه لمشكله تقل الدريكسيون باكرر للمره المليون روح عند عفشجي نضيف خليه يظبط علبه الدريكسيون و بعدها ادعيلي)
( بس نصيحه سيبو الراجل يشتغل بمزاجه و بلاش فصال كتير معاه )