ما الفرق بين المياة الخضرة و الحمراء للريداتير ؟
و التركيز للمياة من 5 الي 50 % اية الفرق ؟
عرض للطباعة
ما الفرق بين المياة الخضرة و الحمراء للريداتير ؟
و التركيز للمياة من 5 الي 50 % اية الفرق ؟
وانا كمان عايز تعرف الفرق وايه المناسب للماروتي
صباح الخير
ارجو انك تدخل على موضوعى بالمنتدى صيانه الرادياتير و موضوع تانى مياه الرادياتير و ان شاء الله تلاقى كل الاجابه
دمت بود
هو ليه محدش عايز يرد
انا الى اعرفه ان الحمرا لونها احمر والخضرا لونها اخضر انا قولت ارد طالما مافيش حد عاوز يرد
بالنسبه لاختلاف اللون فمعرفش ايه الفرق
اما التركيز
فكلما كانت البلد حرارتها وجحوها بارد يتطلب الموضوع تركيز اعلى
واتكلم هنا عن البروده اللي تحت الصفر
يعني مثلا
في البلاد اللي بتوصل حرارتها ل -15 دي تحتاج تركيز لا يقل بأي حال من الاحوال عن 30 % والافضل 50 %
كما ان الماده اللي موجوده في المحلول بترفع درجة غليان الماء
عند تركيز من 10 الى 20 % بتكون درجة الغليان 102
عند تركيز 30 % بتكون درجة الغليان 104
وهكذا
عند تركيز 90 % بتكون درجة الغليان 140
طبعا في ناس هتقول البتاع ده ممتاز
هقوله ممتاز بحدود
التركيز العالي صحيح بيخلي درجة الغليان بعيده جدا لكن للاسف ده بيخلي قدرة السائل على فقد الحراره بطيئه وبالتالي تبريد اسوأ...
لذلك ينصح اتباع تعليمات الكتالوج لكل سياره بما يتناسب مع السياره
الماروتي في حالتنا كتالوجها بيفضل زي موضحت مسبقا تركيز من 30 الى 50 % في درجة حرارة -15 وده احنا مش عندنا ولا هنحتاجه
وعشان نحصل على افضل تبريد فسائل (بغض النظر عن لونه) تركيزه من 5 الى 20 % كافي جدا لاداء مهمته وتبريد المحرك....
تحياتي