السلام عليكم
انا كنت مقرر اجيب سيراتو 2009 اوتو و دي تقريبا بحوالي 80 الف
و لكن عرفت اني ممكن اجيب لينيا 2010 مانيوال بالمبلغ ده
لو حد معاه الينيا ياريت يقولي رايه فيها
شكرا
عرض للطباعة
السلام عليكم
انا كنت مقرر اجيب سيراتو 2009 اوتو و دي تقريبا بحوالي 80 الف
و لكن عرفت اني ممكن اجيب لينيا 2010 مانيوال بالمبلغ ده
لو حد معاه الينيا ياريت يقولي رايه فيها
شكرا
بس لو هاتجيبها هات الtjet ال120 حصان , مش العادية ال77 حصان
الا لو مش فارق معاك السحب
معايا بولونيز 88.... اتفضلها والله ههههههههه
بص ريح نفسك وخليك في السيراتو لسبب واحد... أعرف الاف الناس راكبين فيات... العربية الفيات عربية اليطة... يعني كمان كام سنة هتقول ابيعها.. مابتتباعش... اظبطها... مالهاش قطع غيار رفع أداء
وبالتدريج.. هتكره المانوال وتكره التوكيل وتكره فيات
بص انا مقتنع تماماً بالمقولة بتاعة انه السيراتو هي صوت العقل في مصر دلوقتي.. مع العلم اني ممشتش ورا العقل برضه ههههههه
الاستخارة يا باشا وربنا معاك
بس يا باشا مستعمل السيراتو برده مش اوي يعني ... بس توكيلها افضل اكيد من اوماترا :)
و انا سوقت اللينيا و سوقت السيراتو ... و الصراحه اللينيا لقيتها افضل كعفشه انعم و ثبات و طبها جربت ال t-jet فموتور افضل " مليش دعوه بعربيتاك يا ياسر :grin54: " ... بس كشكل داخلي السيراتو شكلها مميز من جوه و الاتنين في نظري حلوين !
و اؤيدك بشده في الاستخاره :)
ما اظنش في لينيا 2010 هي اخرها 2009 الا اذا كان صاحب العربية اشتراها 2010 زي حلاتي,
العربية ما شاء الله تمام كثبات و موتور(انا معايا التربو) و امان و تكييف محترم و انا بأيد كلام ياسر في حتة انها مش منتشرة و ما شاء الله مميزة.
عربية عالية عن الارض و عفشتها بتستحمل بس ناشفة شوية لو هاتجيب التربو فيها كماليات كتير و في كذا موضوع عنها هنا بص عليهم.
عيب الفيات عموما التوكيل انت و قدرك يعني في ناس كتيرة اوي بتشتكي منه بس بصراحة انا واحد من الناس التوكيل بالنسبة لي جيد (عامل لحد دلوقتي تقريبا 30 الف). و ابتدي يبقي ليها قطع غيار استيراد!!!
سعر قطع غيارها عالية شوية بس بتتغير علي فترات اطول
و زيها زي اي عربية هاتعتني بيها مش هاتقل معاك , اعتماديته.
سعر اعادة البيع بالنسبة للينيا التربو ما شاء الله ماسك نفسه لانها الي حد ما عربية محبوبة و مطلوبه.
بالنسبة للتربو بردو لو انت دماغك في الجري الموتور ممكن يتعدل بسهولة, ممكن تجيب chip بتزود الtorque و horse power
ممكن تجيب تربو اكبر يعني قابلة للتعديل علي مستوي الموتور بيفرق في الاداء فرق ملحوظ.
و طبعا صلاة استخارة في الاول و في الاخر و ربنا يوفقك للافضل.
لو عاوز تسال في حاجة معينة احنا تحت امرك.
تحياتي.
اوماترا فعلا توكيل سمعته سابقاه و مش عارف ليه ما نزلش العربية 2010 و 2011 مع اني شايف انها منافسه جدا في فئتها
بس انا مش من هواه زيارة الوكيل الا في الظروف الطارئة جدا ...هل في صنايعيه بيتعاملوا معاها و قطع غيارها متوفرة برا الوكيل؟؟؟؟
و شكرا علي ردك طبعا
لا دى ولا دى
اللينيا اكيد
موتور جبار
عفشة و ثبات وهمي !! مريحة و في نفس الوقت ماسكة نفسها كويس اوي عالسرعات العالية
خامات ممتازة كعادة فيات
امكانيات كتيرة جدا
و الأمان فيها عالي جدااااااا سواء كان من ناحية الأير باجز "6 اير باج" و فرامل مالهاش مقارنة و صاج العربية متين
و فعلا التوكيل مش اد كده لكنه ارحم من غبور و منصور و من كلام ناس معانا في منتدي الفيات
و انا ضد حكاية ان الكوري عين العقل في مصر و الكلام ده لأن الواحد بيركب العربية اللي تريحو مش اللي غصب عنه يركبها تحت ضغط السوق
و بعدين ماهو لو كل واحد عجبته اللينيا و جابها او كل اللي عايز يركب عربية ممتازة جابها و معملش حساب للسوق هتلاقيا بعد فتر هي اللي اكلت السوق !
لو قرارك كان لينيا ابقى قولى علشان انا ابن خالى فى قطر و لو العرابية جابتله تمن حلو هيبعها
http://www.nilemotors.net/Nile/215785-a.html
الفكرة كلها هو التوكيل نزل لينيا تانى ولا حضرتك هتجيب مستعمل
مفيش لينيا جديد
بامانه انا اول امبارح ولاد التيييت بتوع البلديه شالوا غطا بلاعه كبيرة (متر فى نص متر تقريبا وعمقه حوالى متر) وكانوا حاطين حواليه حوالى 5 حجارات من بتوع الرصيف.. وانا لبست فيه وانا معايا بولو 2009.. بامانه والله انا قلت العربيه اتفحتت و هالاقى المساعد على الاقل باظ او المقص اتتنى خاصه انى لما خدت البلاعه بطوبها دى الجنط اتتنى جامد ومابقاش نافع تانى..
الحمد لله العربيه ماحصلهاش اى حاجه نهائى فعلا كل الموضوع ان الجنط خد الخبطه كلها والحمد لله وماحصلش اى حاجه فى العربيه وظبطط زوايا العربيه زى الفل.. حتى رحت ظبطت زوايا عشان اتاكد كل حاجه زى الفل والحمد لله
وكان معيا قبلها فيات سيينا 2001 ووالدى عمل بيها حادثه جامدة والعربيه شيست والحمد لله الصالون من جوا ماحصلوش اى حاجه تماما مع العلم انى كلفتها حوالى 10000 جنيه
القصد من كدة انى متاكد انى لو كنت راكب كورى ماكانتش هاتستر معايا اطلاقاا فعلا بالذات فى سيينا لانها كانت حادثه جامدة فعلا..
ربنا يستر طريقنا جميعا بس الامان حاجه لازم تهتم بيها فعلا وانا بصراحه مش عاوز اقوللك انا احترمت عربيتى ازاى بعد البلاعه دى حسيت انها فعلا عفيه..
وبالنسبه للسحب وخلافه انت كدة كدة لو ركبت اونو هاتحس بفرق مرعب.. بس الافضل انك تجيب اللينيا ال تى جيت لانها فعلا سحبها مبالغ فيه العربيه حلوة جدا ماشاء الله فى كل حاجه
بعد ستر ربنا طبعا واللي امرنا باخذ الاسباب
انا بأيد كلام محمد 100% وهو ده اللي دايما بتكلم فيه والناس بتفهمني غلط
ياجماعه ركوبه الكوري والياباني غير الاوروبي خااالص واللي اتعود على ده وجربه في مواقف حيحس بكلامي وكلام العضو العزيز محمد