| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
النتائج 1 إلى 9 من 9

  1. #1

    الصورة الرمزية PAYOO

    رقم العضوية : 50

    تاريخ التسجيل : 18Apr2007

    المشاركات : 1,532

    الاقامة : CAIRO

    الحالة : PAYOO غير متواجد حالياً

    افتراضي تحقيقاتNile Motorsصوت وصوره(الحكومه تدفع الناس إلى الأنتحار) - Facebook Twitter whatsapp انشر الموضوع فى :

    hasad">

    [align=justify:cb9af0e235]من المعروف والبديهي أن الطرق السريعه الصحراويه لا يوجد فيها أماكن لعبور المشاه لذلك يتم بناء كباري أو أنفاق للمشاه لكي يتم العبور إلى الجهة الأخرى من خلال هذه الكباري أو الأنفاق المخصصه للمشاه

    ومن البديهي أيضا أن هذه الكباري أو الأنفاق تكون في مكان محوري يتردد عليه الناس مثل موقف ميكروباصات ومحطات الأوتوبيسات وخلافه وأيضا تكون عند مدخل بلد أو مدينه أو عند مدخل مكان هام زواره بالألاف مثل سوق العبور أو منطقة التجنيد مثلا

    وعندما ترى الوضع على طريق مصر الأسماعيليه الصحراوي وبالتحديد منطقة التجنيد (الهايكستب) وبوابات سوق العبور ستجد نفسك مندهش أيما أندهاش لأنك سوف تجد الكوبري المخصص لنقل المشاه للجهة الأخرى من الطريق يبعد اكثر من كيلو ونصف 1500متر عن مدخل سوق العبور وبوابة الهايكستب (التجنيد) وطبعا إن ذهبت إلى الكوبري ومشيت مسافة الكيلو ونصف سوف ترجع مثلهم مرة اخرى أي أنك سوف تسير مسافة 3 كيلو متر وستجد نفسك مضطر إلى أن تغامر بنفسك وبأولادك وأن تعبر هذا الطريق الصحراوي في محاوله انتحاريه منك

    وعندما تعرف أن عدد القتلى في هذه المنطقه والمسجل رسميا هو 250 شخص خلال عام 2006 فقط ستجد نفسك تتوجه إلى الله أن يجد لنا ملاذ ومفر إليه ولكن بعيدا عن مفرمة الأسفلت التي تنتظرك تحت عجلات السيارات


    هذا التصوير الساعه السادسه صباحا أي أن الطريق شبه خالي

    [youtube]http://www.youtube.com/watch?v=wyqe3_BWUX8[/youtube]
    منطقة التجنيد وسوق العبور

    بوابة التجنيد التي يدخل ويخرج منها الألف يوميا

    موقف الميكروباصات

    الناس تقدم على الاتنتحار يوميا

    محطة أتوبيس بينها وبين الكوبري أكثر من كيلو ونصف

    الكوبري الحزين


    الغريب في الأمر ان الكوبري تم بنائه في مكان عجيب المطلع والمنزل لا يؤدون إلى أي شيء سوى الصحراء فقط وهذا يدل على أن مصمم ومـُنشأ الكوبري كان نزيل مستشفى الأمراض العقليه وبالتحديد عنبر الخطرين

    وأعتقد أنه ظهر في فيلم أسماعيل ياسين مع مجموعة الكومبارس المتكلم الذين كانوا يغنون أغنية


    عنتر عنتر أوعى يجيلك عنتر
    هو المجدع هو السنتر عنتر عنتر
    فتح با بني فتح شوف مين بيكلمك
    أنا عنتر المفتح وصباعي يخرشمك
    أنت تهزني ؟ .... فشر
    أنت تهمني ؟ .... فشر
    طبعا فشر وألف فشر
    وأدي عبليتي محبوبتي
    فكري سولي فكري قمر


    نيرون نيرون شرف نيرون
    دا واد جد وسيتري فوووون

    واحاوي يا واحاوي أياحا
    ياأخي قول واحاوي أياحا
    قول بالنحوي أياحا
    أخلصو ناولوني الولاعه عاوز اولع روما بحالها
    أنا مستعجل عندي أذاعه خطبه عظيمه لازم اقولها
    هاتقول أيه يا نيرون سمعنا
    متعنا بخطبك متعنا
    هاصرخ زي الغول
    وأجعر وأقول
    تعاليلي يا بطه وأنا مالي هه
    وشيليلي الشنطه وانا مالي هه
    بزياده أونطه وانا مالي هه
    ونروحو على طنطا وأنا مالي هه
    هه هه وأنا مالي هه ... هه هه


    نابليون
    فيك مين يكتم سر
    وي مسيو في بير
    شوفت الأرنب ويا القطه راكبين تاكسي وبيقول هاو
    هيه تقوله حاطه يا بطه وهوه يقول لها بسبس نو
    واعدي يا واعدي على الأسرار
    أسفاه على عقلي الذي طار



    [/align:cb9af0e235]


    [marq=up:cb9af0e235]لنا الله[/marq:cb9af0e235]


  2. #2

    الصورة الرمزية memo_hefnawy

    رقم العضوية : 1

    تاريخ التسجيل : 15Apr2007

    المشاركات : 3,507

    النوع : ذكر

    الاقامة : Nasr City

    السيارة: ----

    السيارة[2]: ---

    دراجة بخارية: ....*

    الحالة : memo_hefnawy غير متواجد حالياً

    افتراضي -

    هــــــــانى إيه الكلام إللى بتقوله ده ؟؟ و إيه يا عم إن الراجل إللى صمم الكوبرى كان مختل و مجنون ؟؟؟؟؟؟

    عيـــــب يا هانى ده هى دى قمة الذكاء الوطنى للحكومة الوطنية من الحزن الوطنى :) إللى أنا سمعت إن إنت عضو فيه :) هههههههههه


    يابنى لما كل طريق يحصـــدله فى السنه بتاع 500 مواطن ده تقصيـــــــــر لأن لو عملت حسبة صغيره هاتلاقى إن كده فى السنة عدد الأرواح المحصودة لا تزيد على مليون مواطن !!!

    فى الوقت نفسه إحنا بنتكاثر بمعدل أسرع من ده بكثير إذن الحكومة فاشله لأنها مش قادرة تقضى على الســـرطان إللى إسمه المواطن المصرى لحد دلوقت!!!!!!!!!!!!!!!!!!!!!!!

    المواطن غلينا عليه الأسعار

    المواطن حطيناله سرطانات فى الخضار

    عذبناه فى المواصلات

    عذبناه فى الإجراآت

    الماء و لوثناه و الهواء و عفناه

    حتى رغيف العيش ...القمح جبناه مسرطن و إقلب يا عم الحاج

    الأدوية و مغشوشة و غاليه

    و الطرق ذى ما إنت شايف

    الضرائب على كل حاجة زودناها و حطيناله دمغات و جمارك و الشئ لزوم الشئ

    الإعلام و هاشتكناه

    الصحافه و سممناها

    فاضل إيه ؟؟

    يا أخى ده فعلا طاعون المواطن المصرى ده مافيش حاجة بتأثر فيه

    ممكن نديله شعار :

    ضد المايه ضد النار ...ضد الكبت و لو شايلته فوق طاقة الحمار

    http://www.nilemotors.com/images/Nile_Audi_Memo_2.gif


    Dont Exhaust UrSelf in Thinking...Just Do what U have 2 Do...God Will Never Forget & Never Neglect


  3. #3

    الصورة الرمزية Karim_Monir

    رقم العضوية : 32

    تاريخ التسجيل : 17Apr2007

    المشاركات : 26,316

    النوع : ذكر

    الاقامة : جسر السويس-القاهرة

    السيارة: BMW E90

    السيارة[2]: Jeep KK 2009

    دراجة بخارية: لا يوجد

    الحالة : Karim_Monir غير متواجد حالياً

    افتراضي -

    انا شخصيا وانا ريح العاشر كل يوم كنت كل يوم والتاني اشوف شخص متغطي بجرايد في المكان ده
    يعني مات عشان كدة غطوة بجرايد
    اكتر مكان بيحصل فيه حوادث
    بيفكرني بمطلع كوبري اكتوبر من غمرة من شارع لطفي السيد المتجة من العباسية لرمسيس
    كان في سلم حديد بيودي علي اعلي كوبري غمرة وكان قبل مطلع الكوبري ب 100 متر
    كانت الميكروباصات بتقف تنزل الناس
    هوب الحكومة اتنبهت-قاموا قافلين الباب بحديد واسياخ وقالت الناس ما تتطلعش من هنا
    بقت الميكروباصات تنزل الناس في الجزيرة اللي في الوسط علي شمال مطلع الكوبري
    والناس بتعدي في مطلع كوبري يوميا وتطلع من فتحة في السيخ الحديد صنعتة الارادة الشعبية
    يعني جرب تطلع كدة المطلع ده وكل العربيات جاية بسرعتها عشان تطلع براحتها :roll: :roll:
    تلاقي ناس بتعدي قدامك وكام حادثة كل يوم
    ولا عزاء للمواطن المصري


    جروب ورشة نايل موتورز علي الفيس بوك


    صفحة ورشة نايل موتورز على الفيس بوك


  4. #4

    الصورة الرمزية PAYOO

    رقم العضوية : 50

    تاريخ التسجيل : 18Apr2007

    المشاركات : 1,532

    الاقامة : CAIRO

    الحالة : PAYOO غير متواجد حالياً

    افتراضي -

    والله يا جماعه دي مأساه كبيره جدا والناس مش حاسه بيها

    أنا شايف إن دورنا أننا نلقي الضوء على الأماكن المظلمه في حياتنا وحياة الحكومه (انا باستخدم لفظ الحكومه بدلا من "أجهزة الدوله المعنيه"بسخن الموضوع يعني) لكن والله من غير تسخين ولا عفريت فعلا احنا مظلومين في البلد دي


  5. #5

    الصورة الرمزية samirpop2

    رقم العضوية : 215

    تاريخ التسجيل : 25Apr2007

    المشاركات : 306

    النوع : ذكر

    الاقامة : القاهره

    السيارة: 00

    السيارة[2]: اسبرانزا

    دراجة بخارية: فسبا

    الحالة : samirpop2 غير متواجد حالياً

    افتراضي -

    ليه يا جماعه منحولش نساعد في حاجه زي كده بمعني
    لو حد شايف سلبيات في مكان ويكون في حل ليها نحاول نوصل الكلام ده للمسئولين او حتي للصحافه اعتقد
    كده نكون عملنا عمل مفيد مش مجرد عرض للسلبيات لو حلناها هيكون افضل

    سمير


  6. #6

    الصورة الرمزية mbluethunder

    رقم العضوية : 172

    تاريخ التسجيل : 25Apr2007

    المشاركات : 511

    النوع : ذكر

    الاقامة : Nasr City - Cairo

    السيارة: 127

    السيارة[2]: KIA Picanto 2006

    دراجة بخارية: لا

    الحالة : mbluethunder غير متواجد حالياً

    افتراضي -


    ده اللي أتكلمت عليه في موضوع الكاميرا الخفيه وللأسف مافيش حد شجع الموضوع غير قليل جدا جدا جدا :( :( ( يمكن علشان سميته الكاميرا الخفيه ) مع أن ده هو المسمى الصح ليها مش اللي بنتفرج عليه في رمضان :(

    م/محمد علاء


  7. #7

    الصورة الرمزية اسامة عبد العزيز جابر

    رقم العضوية : 36

    تاريخ التسجيل : 17Apr2007

    المشاركات : 113

    الاقامة : جدة (حاليا)

    الحالة : اسامة عبد العزيز جابر غير متواجد حالياً

    افتراضي -

    والله الكلام اللى بيقولة المهندس هانى والمهندس محمد بالنسبة للكاميرا الخفية مهم جدا , الأخطاء كتيرة فى كل مكان والهدف هو محاربتها وليس التشهير بها ولا أعتقد ان أحد من المسئولين حيتصرف لأنهم ودن من طين والتانية من عجين طب الحل أية ؟ هل يتم نشر هذة الأخطاء فى المنتدى هنا؟ فكرة كويسة لكن بعد شوية حنلاقى أن المنتدى يتقال علية دة تبع المدونيين هبببببب ألحق أعكشهم فلازم نفكر فى اسلوب عملى بجد لأن للأسف الأمور ذادت عن الحد فى البلد واصبحنا لا قيمة لنا والمشكلة أن الحكومة اللى بنتكلم عنها دية هيا مين؟ هى احنا هى كل واحد فى مكان عملة لة سلطة ولو بسيطة فى أتخاذ القرار وانا أقصد أى قرار. ياريت نعاهد نفسنا كلنا وانا اولكم ان احنا مانعملش غير الصح فقط ونرفض الغلط مهما كان التمن المدفوع كلام ممكن يكون سطحى ولكن هو دة اساس المشكلة. الحجاج ابن يوسف الثقفى قال عندما ولى امر العراق( ان كنت قد وليت عليكم وانا من خياركم فبئس قوم كنت انا من خيارهم وان كنت قد وليت عليكم وانا من شراركم فبئس قوم انتم تولون اموركم شراركم)
    ا :roll:


  8. #8

    الصورة الرمزية sokasoon

    رقم العضوية : 303

    تاريخ التسجيل : 28Apr2007

    المشاركات : 2,812

    النوع : ذكر

    الاقامة : Cairo

    السيارة: لا يوجد

    السيارة[2]: Deawoo Lanos

    الحالة : sokasoon غير متواجد حالياً

    افتراضي -

    موضوع هاااااااااااام جداااا

    ومهم جداااااااااااااااا وخطيررررررر

    لازم نحاول اننا نوصل الموضوع للمسؤلين علشان يتصرفو فى الموضوع ده


    Omar

    [img2]http://www8.0zz0.com/thumbs/2009/10/06/18/187809311.jpg[/img2]


  9. #9

    الصورة الرمزية ahmed1981

    رقم العضوية : 778

    تاريخ التسجيل : 24May2007

    المشاركات : 6,693

    النوع : ذكر

    الاقامة : العالم الإسلامي

    السيارة: C

    السيارة[2]: G

    الحالة : ahmed1981 غير متواجد حالياً

    افتراضي -

    hasad">

    الأخ اللي بيقول

    ليه يا جماعه منحولش نساعد في حاجه زي كده بمعني
    لو حد شايف سلبيات في مكان ويكون في حل ليها نحاول نوصل الكلام ده للمسئولين او حتي للصحافه اعتقد
    كده نكون عملنا عمل مفيد مش مجرد عرض للسلبيات لو حلناها هيكون افضل
    أنا واحد من الناس حاولت أبعت للحكومة والصحافة كلام عن السلبيات والملاحظات لعل يكون فيه نتيجة
    بالنسبة للبعت للمسؤلين مفيش حد بيعبر وأنا مجرب
    بالنسبة للبعت للجرايد والصحافة اللي على مزاجهم ومع الموجة بينشروه ولكن ممكن تبعت أمر مهم جداً زي تحذير من كبري معدني فيه عمود معووج وبعدين تتابع الجرايد تلاقيهم ناشرين في مقالاتهم نكته بعتها فلان الفلاني أو أي شيء تافه
    مرة واحد باعت لبريد الأهرام بيقول اللغة العربية صعبة على الطلاب وملهاش لزمة يا ريت تتلخص بحيث الطلبة يدوب يعرفوا يقروا عربي وعجبييييي ويتم نشر رسالته بالكامل بطولها

    لكن الصراحة أنا مزهقتش وهفضل أبعت عملا بالنصيحة اللي النبي عليه الصلاة والسلام أمرنا بيها
    م/أحمد :D

    مهندس أحمد. facebook.com/AHMED1981
    facebook.com/AHMED1981MECHANICAL



 

المواضيع المتشابهه

  1. تعاون بين الحكومه المصريه و الحكومه الكوريه في مجال صيانه السيارات الكوريه
    بواسطة mero100 في المنتدى المنتــــــدى الاجتمــاعى
    مشاركات: 0
    آخر مشاركة: 21-04-2012, 02:59 PM
  2. فحوصات السيارات صوت وصوره الجزء الاولجج
    بواسطة alarabiya11 في المنتدى بــروتـــون
    مشاركات: 5
    آخر مشاركة: 06-01-2011, 04:01 AM
  3. لماذا الصيني والماليزي (ليه تدفع اكتر لما ممكن تدفع اقل)
    بواسطة habibbeloved في المنتدى سبـــيرانزا
    مشاركات: 29
    آخر مشاركة: 24-03-2010, 03:32 PM
  4. 4 تحقيقاتNile Motors بالصوت والصوره(نموذج حي لتخزين السياره)
    بواسطة PAYOO في المنتدى المنتــــــدى العـــــــــــام للسيــارات
    مشاركات: 8
    آخر مشاركة: 24-05-2007, 05:26 AM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2