الموضوع: حد يقولى رأية فى الخبر دة !؟ أزاى ناس هتمنع دخول المصريين وفى نفس الوقت بتدعمهم !؟

المشاركة الأصلية كتبت بواسطة samehafez

دول الخليج ليها وضع خاص ... و مصر بالنسية ليهم هي فزاعة ( مصطلح عاجبني ) لايران ... طبعا امريكا هي اللي بتحمي دول الخليج و لكن تحالف مصر مع دول الخليج بيدلهم شرعية اكتر .... و كلنا فاكرين التصريحات الايرانية ضد البحرين ... و بعدها مبارك راح البحرين و ايران تراجعت عن تصريحاتها ....
لكن العلاقات في الفترة اللي فاتت كانت علاقات شخصية و ليست علاقات دولية .... بمعني علاقات بين مبارك و حكام تلك الدول ...... طبعا كلنا عارفين النظام اللي كان ماشي يعني مفيش ايدولوجية ثابتة علي اساسها بتتبني استراتيجيات العلاقات الدولية ... كله حسب المزاج
فطبيعي بعد رحيل مبارك ان الدول دي تقلق و خصوصا الامارات اللي ليها جزر محتله من ايران ( و علي الرغم من كدة فالتبادل الاقتصادي موجود مع ايران و بشكل واسع ) الموضوع كله زي ما الشباب قالوا سياسة شد و ترخية و كروت بتتلعب
بصراحة انا شايف الموضوع هيبقي افضل في المستقبل
يعني مثلا لازم العلاقة بدول الخليج يبقي فيها تعويض لمصر عن عدم استفادة مصر من السوق الايراني
مثال
شركتي pms و ماريدايف ( شركات خدمات بترول بحرية مصرية ) لازم تاخد شغل اكتر من دول الخليج مقابل انها حتي هذة الحظة مبتشتغلش مع ايران و معظم شغل ioec ( iranian ofshore engineering and construction co ) رايح لشركات اماراتية
شركات الحفر في ايران برده من دول الخليج و خصوصا الامارات ..... ليه سابسكو متخشش
فلازم يبقي فيه تعويض لعدم تدخل مصر في السوق الايراني ده من ناحية الشركات
برضه من ناحية العمالة
اي حد كان بيشتغل في ايران كان بيطلع عينه من امن الدولة ..... و بالتالي لازم سوق العمل في الخليج يتفتح اكتر للمصريين

انا شايف ده اللي بمشيئة الله هيحصل الفترة الجاية .... الموضوع مش عند يعني ايران مش كخة للمصريين و حلال للامارات
المصلحة هي اللي هتحكم

كلامك صح مائة في المائة

و انا كنت شغال في سابسكو و لما سافرت ايران سافرنا مقاول باطن لشركة اماراتية


و شباب ماريدايف اتبهدلوا في المطار

و كل شغل البترول في ايران متحكم فيه الاماراتيين

و من هنا و رايح اللي يحكم سياستنا المصلحة بتاعة مصر

عايزني اخاصم ايران و اقول عليها كخة

ادفع يا خفيف

المشاركة الأصلية كتبت بواسطة Everlasting

الخبر غير صحيح:


المصدر:
البديل

ألف شكر على الخبر و البحث عنه
و على فكرة أنا برادعاوى

المشاركة الأصلية كتبت بواسطة Nistelrooy

صعب يحصل مصالحهم هناك واقفة علي مصريين كتير :)

مصالحنا كلنا متوقفة على بعض "و أعتصموا بحبل الله جميعا"
لو نعمل سوق مشتركة و ننسى أمريكا و إسرائيل شوية هنبقى حاجة

المشاركة الأصلية كتبت بواسطة الريس

اللعبة شد وجذب
مصر برضو ردت بالتقارب - الشكلي مع ايران
و ردت برضو بنزع ملكية بعض اراضي لشركات و افراد اماراتيين
و اللي يقول اي الاول

و هو ده اللعب بالكروت المتاحة

موضوع إنك تنزع أراضى من أفراد حراميه من دول تانيه دا ميأثرش نهائى على علاقة دولة كبيرة زى مصر
انت لو تفتكر أيام ماكان مفيش للمصرى كرامه جرب تعمل مشكلة مع ناس فى أى بلد عربيه و روح للسفارة
أول كلمة هتتقالك أنا هعمل مشكلة مابين البلدين بسببك ولا أية !؟ دلوقتى بعد مامصر بقيت ليها كرامه أوى الناس التانيه هتقول كدة و مش هتقدر تستغنى عن مصر

المشاركة الأصلية كتبت بواسطة Ralliart

العكس مصر قالت تصريح عن ايران وبعدها حصلت المشكلة الوهمية اللي عملها كام واحد عايزين يشتغلو هناك واترفضو

للأسف معرفش الموضوع بتاع إيران دة لأن أنتوا عارفين الأخبار كتير أوى و منشغل شوية بالدول العربيه إلى فعلا حسيت أن كل حكامهم مينفعوش ريس مركبه

المشاركة الأصلية كتبت بواسطة AshTurbo

سيبك كدة من كل الدول دي وخلينا نفكر في نفسنا ومستقبلنا من غير الناس دي ..... أنا متخيل في المستقبل خبر يقول أن مصر تمنع تأشيرات العمالة الخليجية مش العكس أو أن مصر تمنح مساعدات لدول الخليج مش العكس أصل الناس دول كل أعتمادهم على البترول فقط بينما أحنا نقدر نبقى قوة عظمى بتعداد السكان الضخم وبعقول المصريين وأحنا اللي نساعدهم أقتصادياً وعسكرياً بعد مالبترول بتاعهم يخلص ......... الأهم بقى من كل ده نخلص من القرف اللي عايشين في دلوقتي بتاع مسلمين ومسيحيين وسلفيين وشيعيين والكلام اللي لا هيودي ولا هيجيب ونخلص كمان من الفاسدين وعديمي الضمير اللي كانوا ماسكين البلد .

زى ماقولت دى وجهة نظرى يا باشمهندس مفيش بلد بتقدر تعيش فى الدنيا دى لوحدها
و بدل مانتحد مع أمريكا و إسرائيل و البلاد دى مانتحد مع العرب و لو حتى لو العرب فيه نقص معين ماهو فيه اليابان و كوريا و الصين
و بالنسبه للعقل البشرى فعلا مصر بدون منازع أقوى عقول فى العالم و دا فخر للعرب قبل مايكون فخر للمصريين
و فعلا لازم نتخلص من كل بقايا النظام السابق و عقليته المخربه بتاعة فرق تسد أصل حبايبهم كانوا الكلاب إلى جمبنا

المشاركة الأصلية كتبت بواسطة samehafez

دول الخليج ليها وضع خاص ... و مصر بالنسية ليهم هي فزاعة ( مصطلح عاجبني ) لايران ... طبعا امريكا هي اللي بتحمي دول الخليج و لكن تحالف مصر مع دول الخليج بيدلهم شرعية اكتر .... و كلنا فاكرين التصريحات الايرانية ضد البحرين ... و بعدها مبارك راح البحرين و ايران تراجعت عن تصريحاتها ....
لكن العلاقات في الفترة اللي فاتت كانت علاقات شخصية و ليست علاقات دولية .... بمعني علاقات بين مبارك و حكام تلك الدول ...... طبعا كلنا عارفين النظام اللي كان ماشي يعني مفيش ايدولوجية ثابتة علي اساسها بتتبني استراتيجيات العلاقات الدولية ... كله حسب المزاج
فطبيعي بعد رحيل مبارك ان الدول دي تقلق و خصوصا الامارات اللي ليها جزر محتله من ايران ( و علي الرغم من كدة فالتبادل الاقتصادي موجود مع ايران و بشكل واسع ) الموضوع كله زي ما الشباب قالوا سياسة شد و ترخية و كروت بتتلعب
بصراحة انا شايف الموضوع هيبقي افضل في المستقبل
يعني مثلا لازم العلاقة بدول الخليج يبقي فيها تعويض لمصر عن عدم استفادة مصر من السوق الايراني
مثال
شركتي PMS و ماريدايف ( شركات خدمات بترول بحرية مصرية ) لازم تاخد شغل اكتر من دول الخليج مقابل انها حتي هذة الحظة مبتشتغلش مع ايران و معظم شغل IOEC ( Iranian ofshore engineering and construction CO ) رايح لشركات اماراتية
شركات الحفر في ايران برده من دول الخليج و خصوصا الامارات ..... ليه سابسكو متخشش
فلازم يبقي فيه تعويض لعدم تدخل مصر في السوق الايراني ده من ناحية الشركات
برضه من ناحية العمالة
اي حد كان بيشتغل في ايران كان بيطلع عينه من امن الدولة ..... و بالتالي لازم سوق العمل في الخليج يتفتح اكتر للمصريين

انا شايف ده اللي بمشيئة الله هيحصل الفترة الجاية .... الموضوع مش عند يعني ايران مش كخة للمصريين و حلال للامارات
المصلحة هي اللي هتحكم

رد مقنع جدا بس يا رب حال العرب يتعدل بس مش على حساب دول إسلامية تانيه
وعلى فكرة مهما الناس تعمل و مهما الناس تفكر الوحيد إلى هيحل كل دة من عنده ربنا إن شاء الله
ويا رب أسترها على العرب كلهم و قرب نهاية أعداءنا إلى من جمب مصر و إلى من بره مصر و إلى من جواها يا رب

المشاركة الأصلية كتبت بواسطة الريس

يا باشا انت نسيت مين اللي بدأ الاول بدعم مبارك و محاولة الضغط باستقباله و حمايته
و التهديد برفع يد الدعم عن مصر

بعدها حصل موضوع ايران

بعدها حصل موضوع التأشيرات

بعدها حصل موضوع ارض الفطيم

مجرد لعبة شد وجذب

منور بس أنت ازاى مسجل بأسم العضويه دى مش كانت محظورة هههههههههههههههههههه

المشاركة الأصلية كتبت بواسطة الريس

كلامك صح مائة في المائة

و انا كنت شغال في سابسكو و لما سافرت ايران سافرنا مقاول باطن لشركة اماراتية


و شباب ماريدايف اتبهدلوا في المطار

و كل شغل البترول في ايران متحكم فيه الاماراتيين

و من هنا و رايح اللي يحكم سياستنا المصلحة بتاعة مصر

عايزني اخاصم ايران و اقول عليها كخة

ادفع يا خفيف

فعلا رده كان مقنع جدا و أنا أستفدت بعقليته لأنى مكنتش عارف علاقة الأمارات بإيران
و إن شاء الله كله يدفع بس بالحق و بمقابل يرضى عنه الطرفين و يتوزع بالحق و يروح فى المكان الصح