الموضوع: الحمد لله لسه مستلم سوبر صالون حالاًَ

أخي العزيز wardet .. ألف ألف ألف مبرووووووووووووك وربنا يكفيك شر العربية وشر الطريق ويديك خيرها ويبارك ليك فيها . آمين يارب

بوص أخي الحبيب أنا هقولك على المختصر المفيد عشان متتعبش نفسك ودوخ نفسك . أولاً : أفضل مركز صيانة هو مركز صيانة السبع يعني أنتا تشوف أقرب مركز صيانة ليك أيه من فروع السبع وروح ليه لأن دول ناس محترمة جداً وانا بكتب ليك الرد ده وانا لسه عامل النهارده صيانة 1000 كيلو عندهم في فرع زهراء المعادي ومش قادر أوصف ليك قد ايه هما محترمين وشغلهم نضيف .

ثانياً : أتعود أنك متقلقش من اي حاجه ومتوهمش نفسك بأصوات أو أي حاجه . يعني متخليش أي حد يلعب في العربية يحط ليك فيوس أو يوصل ليك سلك .. ألخ ألخ
مقياس الهواء للعجل بتاع عربيتك مكتوب على ورقة ملصوقة في جنب التبلوه لما تفتح باب السائق هتشوفها . ( للعلم ضغط الهواء في العجل الامامي 36 وفي الخلفي 33 )

ثالثاً : المعلومة دي من التوكيل ( عشان تعرف العربية بتاكل بنزين ولا لأ هما قالوا ليا العربية بتعمل 180 كيلو ب 20 لتر داخل المدينة ، و 200 كيلو ب 20 لتر خارج المدينة ) وعشان تعرف أستهلاك عربيتك قد أيه أملى تانك البنزين على آخره وبعدين اعمل 100 كيلو ثم أملى تانك البنزين مره تاني على آخره وشوف أنتا حطيت كام لتر واكتب في ورقة عشان لما تروح التوكيل هيسألوك .

رابعاً : لما تشغل أي حاجه كهرباء في العربية زي التكييف وتسمع صوت تكه في التلبوه ده بيكون صوت الكتاوت يعني متقلقش ده صوت عادي .

ودلوقتي عايز اقولك أن اللون الفيراني لون جميل جداً وجديد لأول مرة في النيسان صني 2011 وانا عربيتي برضو فيراني 2011 بس أكس صالون .

وربنا يبارك ليك ولكل ملاك العربيات ويكفيهم شرها وشر الطريق . لو عندك اي استفسار أسأل على طووول وإذا أنا كنت عارف الاجابة فصدقني مش هتأخر في الرد عليك .