يانا يا الكربراتير

**Eng.Geo** · 05-05-2011 08:01 PM

الكربراتير ده هيجنن أهلي
انا بكره البتاع ده
أكتر حاجة معكننة عليا
العربية أكسيل 1500
في الأول كان عندي خنقة بسيطة لغاية ال 2500 rpm
بعد ال 3000 بحس أن في موتور نزل جنب الموتور اللي عندي و أشتغل
سحب جبار الحمد لله
جبت منظف كربراتير ABRO خلصت وجربت ولقيت سحب بشع
بقت بتجري لما بسيب الدبرياج .. سلانسيه 850
ومفيش خنقة ولا حاجة
شهر كدة ولقيت نفس الخنقة ده
قلت أروح لحد ينضفه بقي وخلاص ويغير أكس و باب وبكات
رحت لواحد بس طلع تعبان في دماغه وخد 80 جنيه
قعدت شوية كدة بيه
وبعدها قلت أروح لحاج أبراهيم بتاع الكربراتير ( واحد مشهور في شبرا )
لقيت عنده ناس من الصعيد والشرقية وحركات
رحتلة علي الساعة 10 .. قالي فكه ةتعالي الساعة 7 !
قلت ما علينا .. عشان بس عنده ناس كتير
خدته الساعة 6 وركبته .. محستش بفرق فظيع
بس وانا مروح حاجة غريبة !
بعد ال 3000 بتخنق جااااااامد
ودلوقتي بتخنق بشكل بشع
انا ببص علي ال rpm عند ال 3000 ممكن يفضل يترعش جامد
العربية بتترج جامد
ممكن يحصل صوت فرقعة من تحت الموتور
ممكن وانا طالع من الصفر العربية تتهز جامد .. مش هزة عربية هتفصل .. لأ .. هزة تخبيط
طلعت البوجيهات لقيتها مهببة جامد
الشكمان من ورا مهبب .. بس مفيش دخنة
الزيت مغيرة من 1000 كم بقي أسود
العربية كانت بتعمل 140 في الصفيحة ولغاية دلوقتي مفيش تحسن
مش عارف بقي أعمل أيه
بجد تعبت منه

**amrelsaqqa** · 05-05-2011 08:33 PM

للاسف انت غلطت غلطة عمرك انك وديته لحد يلعب فيه
واكس وباب ايه بس اللى عايز تعملهم ، الكربراتير عندك شكله كان كويس وكدة هيبدأ يبوظ لانك بتقول انك بدأت تلاحظ هباب اسود ومكنش موجود قبل كدة
بس ان شاء الله خير

انت تستعوض ربنا في الفلوس اللى انت دفعتها وتروح توديه لمركز الصفا اللى في جسر السويس انا "اسمع" انه كويس جدا وسيبك من بتوع شبرا عشان بقوا نصابين
المهم هتروح مركز الصفا وتخليهم يغيروا البيكات ببكات اوسع شوية طالما انت غاوى جري ومش هيفرق معاك اكل البنزين ، وغير برضه الجوانات ( بس لو عايز نصيحتى ، حط بكات بالمقاسات الاصلية ، لا اكتر ولا اقل )
ومعتقدش هتحتاج اكس وباب ولا حاجة ، ممكن يكون الكربراتير بيهرب هوا ومش متقفل كويس او الشفاط مزنوق على وضع التسخين او حاجة زي كدة

انا كان عندى الخنقة اللى بتيجى عند 1500-2500 دى وراحت لما حطيت للعربية بكات بالمقاسات الاصلية بتاعتها

ونصيحة بعد كدة ، خليك شغال بالمنظف احسن من عك الصنايعية ده

**Eng.Geo** · 05-05-2011 08:50 PM

المشاركة الأصلية كتبت بواسطة amrelsaqqa

للاسف انت غلطت غلطة عمرك انك وديته لحد يلعب فيه
واكس وباب ايه بس اللى عايز تعملهم ، الكربراتير عندك شكله كان كويس وكدة هيبدأ يبوظ لانك بتقول انك بدأت تلاحظ هباب اسود ومكنش موجود قبل كدة
بس ان شاء الله خير

انت تستعوض ربنا في الفلوس اللى انت دفعتها وتروح توديه لمركز الصفا اللى في جسر السويس انا "اسمع" انه كويس جدا وسيبك من بتوع شبرا عشان بقوا نصابين
المهم هتروح مركز الصفا وتخليهم يغيروا البيكات ببكات اوسع شوية طالما انت غاوى جري ومش هيفرق معاك اكل البنزين ، وغير برضه الجوانات ( بس لو عايز نصيحتى ، حط بكات بالمقاسات الاصلية ، لا اكتر ولا اقل )
ومعتقدش هتحتاج اكس وباب ولا حاجة ، ممكن يكون الكربراتير بيهرب هوا ومش متقفل كويس او الشفاط مزنوق على وضع التسخين او حاجة زي كدة

انا كان عندى الخنقة اللى بتيجى عند 1500-2500 دى وراحت لما حطيت للعربية بكات بالمقاسات الاصلية بتاعتها

ونصيحة بعد كدة ، خليك شغال بالمنظف احسن من عك الصنايعية ده

مش عارف والله يا عمرو أيه اللي حصل ده :(
بس أعرف أن حاج أبراهيم ده أفضل واحد في مصر
و أعرف الصفا برضه
بس أبراهيم بيقولوا أحسن
ما علينا
انا هروح لأبراهيم ده تاني
لو مانفعش معاه حاجة انا هعزب الكربراتير ده
هجيب واحد أستيراد
وخلي اللي موجود ده في البيت وهفك منه كل حاجة
هخلي كل حتة منه في حتة ( هعزبه )
مش عارف موضوع الأستيراد ده هيبقي عامل أيه !
دانا ممكن توضل معايا أني أجيب موتور جديد أنجيكشن
أو أغير العربية خالص
دانا أساسا جايبها عشان أعدل فيها

**x_gomgom** · 05-05-2011 09:53 PM

طيب الاول غير البوجيهات و جرب ....
موضوع منظف الكربراتير دا بيخلي البوجيهات تتوسخ جامد (المنظف بيلم الهباب و الوساخه اللي جو الكربراتير و بينزل على البوجيهات)...
غير الاول بس البوجيهات و لو مش ظبط معاك ممكن تشوف حلول بديله (موضوع الكربراتير دا انا عانيت منه سنه في عربيتي القديمه و الحل واحد استيراد يكون نضيف و موضوع انك تعمل اكس و باب دا مش اي حد يعرف يعمله و الحاج ابراهيم دا انا اسمع انه احسن حد بتاع كربراتير)....
يا رب اكون افدت

**Eng.Geo** · 05-05-2011 10:10 PM

المشاركة الأصلية كتبت بواسطة x_gomgom

طيب الاول غير البوجيهات و جرب ....
موضوع منظف الكربراتير دا بيخلي البوجيهات تتوسخ جامد (المنظف بيلم الهباب و الوساخه اللي جو الكربراتير و بينزل على البوجيهات)...
غير الاول بس البوجيهات و لو مش ظبط معاك ممكن تشوف حلول بديله (موضوع الكربراتير دا انا عانيت منه سنه في عربيتي القديمه و الحل واحد استيراد يكون نضيف و موضوع انك تعمل اكس و باب دا مش اي حد يعرف يعمله و الحاج ابراهيم دا انا اسمع انه احسن حد بتاع كربراتير)....
يا رب اكون افدت

كويس بقي أني ماجبتش splitfire
كان زماني بعيط جمبه :)
البوجيهات ده جديدة .. مانضفتش بالأسبراي وهي موجودة
انا هنضفها وهجرب
وبرضه هروح لحاج أبراهيم تاني

**lada2010** · 06-05-2011 01:28 AM

روح لابراهيم تانى وقول لة اللى حصل وما تمشى من عندوا غير لم يضبط لك العربية ولا تدفع لة ولا مليم لانة واخد قبل كدا

**Eng.Geo** · 06-05-2011 01:01 PM

المشاركة الأصلية كتبت بواسطة lada2010

روح لابراهيم تانى وقول لة اللى حصل وما تمشى من عندوا غير لم يضبط لك العربية ولا تدفع لة ولا مليم لانة واخد قبل كدا

انا بس لولا أني مش فاضي وعندي أمتحانات كنت رحتله من بدري
هحاول كدة أشوف أن كان بكرة أسيبهاله و أرجعله في وقت تاني

المشاركة الأصلية كتبت بواسطة Zika9909

سؤالين صغيرين: إيه منظف الكربراتير ده؟ و أجيبه منين؟ و أستعمله إزاي؟

معلش أنا خبرتي في العربيات على قدها و الحاجات دي بالنسبة لي غريبة شوية :d

منظف الكربراتير ده سبراي
ده صورة ليه

بفتح العمة بتاعة الكربراتير
أدور العربية
أرش في البكات والبوابات اللي في الكربراتير
ولازم حد يكون في العربية بيزود بنزين جامد
وهتفضل العربية كأنها هتفصل كتير
لازم اللي بيدوس بنزين يلحقها قبل ما تفصل
هتفضل تخرج هباب من الشكمان
هتفضل تعمل الحوار ده لغاية أما كل الهباب يخرج والشكمان مايخرجش حاجة
بعدها أقفل وجرب بقي :)