شوف ياباشا انا محتاج المقاس دة بالجنط لو بتبيع أو لو الدكتور ما عجبوش الشكل بتاعك ارفع صورهم .؟؟؟
انا المقاس دة بالحنط يركب عندى .. ارفع صورهم
عرض للطباعة
عندي مشوار للتوكيل النهادره هسأل على حاجه وبعدها هرجع ارد عليكم
الفكره ان رد التوكيل على استفساري هيحدد موقفي من البيع
وشكرا لاهتماممكم وبالتوفيق للجميع
وشكرا كمان لكل اللي راسلوني عالخاص واللي ملحقتش ارد عليه ميزعلش مني , اول مارجع باذن الله
سلام عليكم يا دكتور هوه حضرتك عندك اوكتافيا a5 لانى كان عندى استفسار
شكرا يا دكتور على الرد واهتمام حضرتك اصل انا لسه مشترى عربية اوكتافيا a5موديل 2007 خليجى ماشية 43 الف ولما كنت بكشف عليها قالولى العربية بس محتاج يتغيرلها طنابير وتيل فرامل امامى وخلفى فانا كنت عاوز اعرف اسعار الحاجات ديه فى حدود كام واعملها فى الوكالة بتاعت نور الدين اللى فى اسكندرية ولا عند اى ورشة وهل فعلا زيت الجير المفروض يتغير عند ال50 الف ومعلش انا بسال الاسئلة ديه لانى دلوقتى فى دبى واهلى هما اللى هيظبطوا الحاجات ديه فى العربية ومش عارفين يعملوا فيها ايه ولو فى مكان فى القاهرة برده كويس انا ممكن اخليهم يودها هناك لان احنا لينا بيت فى اسكندرية وفى القاهرة فى الهرم برده وشكرا
بص انت تاخد المشاركه دي كوبي باست وتروح تحطها في موضوع جديد في قسم السكودا وان شاء الله الشباب هيقولولك كل حاجه لاني الصراحه معنديش فكره لان والدي مسافر والعربيه مرفوعه من فتره ومتعاملتش مع مكانيكيه في الاوكتافيا لكن الشباب هناك هيعملوا معاك الواجب ان شاء الله وربنا يوفقك
يا دكتور الف شكر على الاهتمام وان شاء الله القى الحل وفرصة سعيدة
حضرتك قررت أيه؟
لو هتبيع ممكن تبيع الكاوتش لوحده؟
الحمد لله يا جماعه
روحت التوكيل و عرفت منهم ان المشكله اللي كانت في ان العربيه مش بتسحب زي الاول و بتاكل بنزين طلع عيب في الرشاشات
وانا كنت مفكر ان السبب اني مكبر الكاوتش والجنط عن المقاس الستوك
وان عرض الكاوتش 215 في حين ان عرض الستوك 175
ولكن المهندس اكدلي ان العيب في الرشاش وان الجنوط بريئه من التهمه دي
وبكده الموضوع اتحل بفضل الله
وعشان كده كنت مأجل الرد على حضراتكم لبعد زياره الوكيل
اشكر كل من نصحني وكل من حاول مساعدتي وكل من شارك بالموضوع
فرد فرد , شكرا للجميع
ألف مبروك حل المشكلة و ربنا يحفظلك عربيتك