للاسف الموضوع حايبقى مش مجدى اقنصاديا و حايبقى فيه خسارة جامدة
اللى بيكسب دلوقتى هو الشخاليل و البلاستيكات و النواكل البيئة الصينى :monkey1:انما الجد
مش ده عصره
عرض للطباعة
الموضوع ده او القطع دي خاصه بالفيات ولا حاجات يونيفيرسال ؟؟؟
لأ لكله بس غالبا هتبقى شريكات محدده هياخد توكيلها يعني مجرد مثال تيول وديسكات ebc
بص يا معلم......
أنا مجرب ال EBC من سنة 2007 أو 2008 تقريباً.....التيل و الطنابير مش محتاحين حد خبرة كبيرة يركبهم.....زيهم زى طنابير صينى هتجيبهم و تروح لميكانيكى يركبهم.
طبعاً هما ممتازين جداً و بفرق واضح عن الأصلى اللى جه فى العربية أو اللى بيتباع فى التوكيل.....نيجى بقى للأسعار و البيع....اللى غاوى يجيب حاجات كده هو اللى هيبقى عنده أستعداد يدفع.....بمعنى أنك مش هتلاقى إقبال وهمى عليهم لو سعرهم أعلى من التوكيل.....بس مع الوقت و الإنتشار ممكن يبقى عليهم إقبال كويس جداً.
بريمبو غالباً أسمع أن غُزى واخد توكيلهم......بس مش متأكد 100%
أنت ( أو قريبك ) المفروض تعتمدوا على التنوع بمعنى أنك تجيب تيول تركب على أكبر عدد عربيات ممكن.....متكتفيش ب 5 أو 6 موديلات و شكراً......لأ .
يعنى لو أنت هتجيب 100 طقم تيول كبداية يبقى تخليه كالأتى
3 لينيا
2 برافو
4 إلنترا
5 سيراتو
و هكذا ( طبعاً الأرقام دى للتوضيح بس )
و مع الوقت هتعرف أى موديلات عليها إقبال أكتر من غيرها و تزود فى عدد التيول اللى بتجيبها للموديل ده و تقلل من تيول موديل تانى معليهوش إقبال.
عاوز بقى ماركات محدش معاه توكيلها فى مصر......
خد عندك ماركة المساعدين دى belstein
من أحسن الماركات عالمياً و يمكن تتفوق كمان على كونى......و كان ليها توكيل فى مصر زمان بس غالباً بنسبة 90% قفل.
و طبعاً الأسعار و الضمان المحترم هيكونوا من أقوى المميزات لأى عميل حتى لو مش عارف فايدة التيل الرياضى أيه بس عارف أن الضمان اللى بتدوه محترم...و سعركم كويس هيجى علشان الأتنين دول.
تمام ebc محدش واخد توكيلهم في مصر بريمبو معرفش يا ريت لو تعرف شركات تاني قولي
وقريبي الي هياخدهم مش انا (أنا لاحق على بنزين العربيه عشان أخد توكيل هههههههههههه)
أنا كبيري أخش شريك بالمجهود
لو حاجة محترمة وسعرها معقول هيكون عليها اقبال باذن الله لان الواحد بيحب يركب في عربيتو الحاجة الصح
بصراحه انا من انصار اني لو حجيب حاجه اسبور اصلي بجد وحتفرق معايا معنديش اي مشكله اني ادفع فيها زياده عن سعرها في التوكيل 50%و 70% كمان بس تكون فعلا اصلي مش مضروب وخصوصا في اجزاء معينه في العربيه (تيل,طنبير, مساعدين,فلتر, زيت المتور, وحجات التعديلات وتحسين الاداء,......)وغيرها من الحجات المهمه دي فهمني
لكن الحجات التانيه الاكسسوارت العديه بتبقى منظر يعني استنضف حاجه سعرها معقول ورخيص وخلاص بس ودي وجهه نظري
هجبها لو بنفس سعر التوكيل