الموضوع: تقرير كامل بالصور- كيا سول- 2011

المشاركة الأصلية كتبت بواسطة hamada409

ألف مبروك يا باشا و ربنا يباركلك فيها و يديك خيرها و يبعد عنك شرها
بس أنا في حاجة محيراني حضرتك مجبتش سيرة الفتيس ال6 نقلات خالص في الفئات اللي حضرتك ذكرتها
كمان أنا شبه متأكد إنه الفتيس اللي في الصورة ده هو ال6 نقلات
مش عارف يمكن أكون متلخبط؟

السيراتو كلها 4 غيار بس و منزلهاش فتيس ب 6 سرعات حتى الأن

المشاركة الأصلية كتبت بواسطة smartchoice

تقرير زى الفل تسلم أيديك و ربنا يباركلك فيها و ألف مبروووك اول 1000 و عقبال ال المليون
و من اكتر الحاجات اللى بتعجبنى فى العربية انها عالية و تحس كأنك راكب 4*4
بالنسبة لل ESC من وجه نظرى أنه فايدته الكبرى فى البلاد اللى فيها تلج و العربية بتعوم منك بسهولة

بس نصيحة متحاولش تسرع اوى و متتهورش و متعتمدش أوى على ثبات العربية لأن السواقة ملهاش كبير و ياما عربيات بملايين و بتعوم و بتعمل حوادث رهيبة
ربنا يديك خيرها و يكفيك شرها و يسترها معانا كلنا ESC does not improve a vehicle's cornering performance; instead, it helps to minimize the loss of control

ربنا يبارك فى حضرتك ومتشكر جدا ومبسوط ان التقرير عجب حضرتك
وانت كنت اول واحد شجعتنى بجد على انى اشترى العربيه
ربنا يبارك لحضرتك فيها

بالنسبيه لل esc كلامك مظبوط جداااا لانى بعد ما قرات وشوفت فيديوهات ودايجرامات توضح عمله فهو بنسبه كبيرة بيساعد فى اعادة السيطرة على التحكم فى حالات فقد السيطره لا قدر الله وده عن طريق حساسات بترصد توجه العربيه نفسها فين واتجاه الكاوتش وادوات التوجيه فين وبيوزع الفرامل بنسب معينه عشان السيطره ترجع
وربنا يستر طريقنا كلنا

المشاركة الأصلية كتبت بواسطة noda007

طب يعنى انا معايا كارينز اوتوماتيك الفئه الاولى خليجى ممكن ابيعها واجيب السول الكامله بس مش عارف هى واله الكارينز محتتتار لان الكارينز شكلها افخم واكبر واعرض

هعمل لحضرتك مقارنه بسيطه بين الاتنين وفى الاخر هى اولويات وبتختلف حسب احتياجاتك

بالنسبه للشكل "طبعا ازواق" بس عموما الكارينزشكلها اضخم وعائليه اكتر السول مضغوطه شويه وشبابى اكتر وتمشى تبع ال 4*4 اكتر عشان علوها عن الارض

بالنسبه للوسع الكارينز تكتسح طبعا خصوصا فى وسع الشنطه ما شاء الله ملعب كورة

بالنسبه للاداء على الطريق السول تكسب لان الكارينز كبيره جدا على الموتور ال 1600 اللى فيها وخصوصا لو محمله كتير ومشغل التكييف ومسافر مثلا هتحس بضعف الموتور غير تصميم الكارينز الخارجى مش بيساعدها اوى على المناورات على الطريق

بالنسبه للاوبشنز فى السول اكتر بردو من الكارينز

فى النهايه العربيتين ما شاء الله ممتازين بس هى احتباجات للى هيشترى
وربنا يوفقك فى اختيارك ويباركلك فى عربيتك :)

المشاركة الأصلية كتبت بواسطة hamada409

ألف مبروك يا باشا و ربنا يباركلك فيها و يديك خيرها و يبعد عنك شرها
بس أنا في حاجة محيراني حضرتك مجبتش سيرة الفتيس ال6 نقلات خالص في الفئات اللي حضرتك ذكرتها
كمان أنا شبه متأكد إنه الفتيس اللي في الصورة ده هو ال6 نقلات
مش عارف يمكن أكون متلخبط؟

ربنا يبارك فى حضرتك متشكر جدا

انا كنت زى حضرتك اول ما شوفت الفتيس قبل ما اشترى العربيه لانه نفس شكل الفتيس ال 6 سرعات بتاع السيراتو
لكن هو 4 سرعات فقط لكن الشكل الخارجى بس اللى متغير
متوقع نزول الفتيس ال 6 سرعات فى السول فى موديلات 2012 باذن الله

المشاركة الأصلية كتبت بواسطة smartchoice

السيراتو كلها 4 غيار بس و منزلهاش فتيس ب 6 سرعات حتى الأن

لا اعتقد نزل 6 سرعات وفى انتظار تاكيد اصحاب السيراتو

المشاركة الأصلية كتبت بواسطة dr_no

لا اعتقد نزل 6 سرعات وفى انتظار تاكيد اصحاب السيراتو

أه السيراتو فيها 6 سرعات بس أنا كتبت غلط أنا قصدى السول

المشاركة الأصلية كتبت بواسطة mohaismail

ربنا يباركلك فيها ونصيحة ركبلها دفندرات حماية قدام وورا
ياريت تقولنا اخبار العزل بتاعها ايه يعنى صوت الموتور والطريق وانت قافل الزجاج بيكون عالى ولا وسط ولا خفيف ولا غير مسموع خالص
واخبار استهلاك البنزين ايه ؟
وهل ارتفاعها عن الارض اكبر من نيسان ليفينا ولا ليفينا اكبر

متشكر جدا
مش عارف الدفيندرات هتليق عليها ولا ايه بس مشفتلهاش اى صور قبل كدة

بالنسبه للعزل فهو ممتاز صوت الموتور وانت سايق يكاد يكون مش مسموع لكن صوت الكاوتش على الطريق مسموع وبيزيد لو الطريق مش حلو لكن ميضايقش يعنى "انا كنت راكب فيرنا قبلها فبالنسبالى العزل دة 100 %"

البنزين انا لسه مجربتهاش خارج المدينه لكن جوة البلد متوسط الاستهلاك تبع الكمبيوتر بيبقى فى حدود 9 او 9.5 لتر لكل 100 كيلو

انا والله معرفش النيسان ليفينا ارتفاعها ايه بس السول الحمد لله عاليه عن الارض ومش بتحك فى المطبات العاليه وهى فيها 4 افراد