تقرير كامل بالصور- كيا سول- 2011
انا الحمد لله اشتريت عربيه كيا سول 2011 وبقالها معايا حوالى اسبوعين دلوقتى وعملت الف كيلو وقلت لازم اعمل تقرير محترم عنها ان شاء الله انا اول مره اعمل تقرير يا رب يعجبكو
www.nilemotors.net
فى التقرير جمعت معلومات عن العربيه الاول عشان تكون مصدر لاى حد عايز يعرف معلومات عنها وفى النهايه قلت تجربتى وتقييمى للعربيه بكل حياديه
والله المستعان...
www.nilemotors.net اولا:ما قبل الشراء
انا كنت محتار جدا ودورت وركبت عربيات كتير وكانت اولوياتى تكون عربيه صالونها واسع وعاليه عن الارض لان انا طول 193 وكنت بتبهدل فى الفيرنا فتوكلت على الله فى السول وعجبنى فيها شكلها الجديد الشبابى والوسع الداخلى ما شاء الله واسعه جدا حتى وانا مرجع الكرسى على الاخر والاوبشنز اللى مش موجودة بالكم دة فى اى عربيه فى فئتها
www.nilemotors.net
(1) الاتوماتيك فول اوبشن وسعرها 122900 جنيه ودى فيها (فتيس اوتوماتيك ستيبترونيك 4 نقلات - تكييف بكر- باور كهربا- 4 زجاج كهربا - مرايات كهربيه وضم-كمبيوتر رحلات متعدد الوظائف - كاسيت سى دى ويو اس بى – ملتى فانكشن للتحكم فى الكاسيت -نظام صوتى مكون من 7 سماعات والاماميه مضيئه مع مفتاح للتحكم فيها وصب ووفر فى الشنطه مع مكبر للصوت –الكنبه اللى ورا بتطوى 1/3 و2/3- جنوط رياضيه مقاس 16 مع كاوتش مقاس 16/205/55 "الاستبن حديد مش جنط"- فوانيس شبوره- وساده هوائيه واحدة للسائق)
(2) اتوماتيك فول اوبشن وفتحه سقف وسعرها 125900 جنيه وهى زى اللى فاتت وبتزيد فتحه سقف
(3) اتوماتيك هاى لاين وسعرها132900 جنيه وبتزيد عن اللى فاتت (نظام فرامل اى بى اس – 2 ايرباج للسائق والراكب الامامى وحساسات ركن خلفيه مع كاميرا ومسند لليد لكرسى السائق)
سعرها 135 الف وفيها (فتيس اوتوماتيك ستيبترونيك 4 نقلات - تكييف تاتش اوتوماتيك - باور كهربا- 4 زجاج كهربا - مرايات كهربيه وضم-كمبيوتر رحلات متعدد الوظائف مع شاشه - كاسيت سى دى ويو اس بى –نظام صوتى مكون من 7 سماعات والاماميه مضيئه مع مفتاح للتحكم فيها وصب ووفر فى الشنطه مع مكبر للصوت –الكنبه اللى ورا بتطوى 1/3 و2/3- جنوط رياضيه مقاس 18 مع كاوتش مقاس 18/225/45 "الاستبن حديد مش جنط"- فوانيس شبوره- وساده هوائيه واحدة للسائق وواحدة للراكب الامامى-ملتى فانكشن وبلوتوث فى الدركسيون- ايموبليزر- نظام المفتاح الذكى وزرار ستارات- حساسات ركن خلفيه مع كاميرا-حساسات ركن اماميه- فرش جلد لونين – التابلوه لونين- فتحه سقف- فرامل اى بى اس )
(2) السورى هاى لاين: "دى اللى فى التقرير"
سعرها 130 الف وبتختلف عن الاردنى ان مفيهاش تكييف اوتوماتيك ومفيهاش حساسات اماميه ولا فرش جلد ولكن فيها نظام مانع الانزلاق اى اس سى.
www.nilemotors.net
1591 سى سى بقوه 124 حصان عند ار بى ام 6300
(3) العفشه: www.nilemotors.net
Independent front strut suspension with stabilizer bar and coil springs.
semi-independent rear torsion beam suspension with coil springs.
الفرامل: www.nilemotors.net
-
ABS.
-Brake assist system.
-Ventilated four-wheel disc brakes www.nilemotors.net.
-Electronic brake distribution.
-Electronic traction control (via ABS & engine management).
-Electronic Stability Control (ESC) stability control
www.nilemotors.net
الشكل الخارجى طبعا ازواق وتصميم العربيه من برة فى ناس بتحبه جدا وانا واحد منهم وفى ناس بتكرهه جدا واحترمهم طبعا بس هو عموما شكل جديد ومميز ويشد العين واللى مميز فى العربيه العرض بتاعها تحس انها ضخمه مع ان طولها قصير وسهله جدا فى الركنات
www.nilemotors.net ملحوظه:صور العربيه الخارجيه من على النت عشان العربيه محتاجه تتغسل :oops1:بس هى نفس اللون
http://img684.imageshack.us/img684/6082/dsc01364q.jpg
http://img542.imageshack.us/img542/1185/dsc01367.jpg
http://img801.imageshack.us/img801/5179/dsc01676us.jpg
بتتميز العربيه بصالون ما شاء الله واسع جدا وهو لونين احمر فى اسود خاماته جيدة جدا9/10 وجودة التقفيل 9/10
الكراسى مريحه جدا بالنسبه للسائق"ممكن تظبط ارتفاع الكرسى وارتفاع الدركسيون" والراكب الامامى والكنبه الخلفيه واسعه وتاخد 3 مرتاحين www.nilemotors.net
,وضعيه القياده ممتازة بس بتبقى مش شايف الكابوت كله ومش عارف حدود العربيه ايه ادامك بس مع التعود بتعرفها, وبتحس عموما انك فى عربيه عاليه فوق الناس:grin54: ,ارتفاع السقف ممتاز جدا وزاويه الركوب والنزول من العربيه مريحه ,المالتى فانكشن والبولوتوث فى الدركسيون عمليين وبيسهلو عليك كتير التحكم فى الكاسيت والموبايل, العدادات كلها مضيئه على طول بالنهار وباليل اضاءه بيضه مريحه وواضحه, مكان الفتيس سهل الوصول ليه لو بتستخدم الستيب ترونيك,فتحه السقف لذيذة وممكن ترفعها لفوق او تفتحها خالصwww.nilemotors.net
من الحاجات اللى معجبتنيش قله اماكن التخزين مفيش غير درج التابلوه وهو كبير ومقسوم رفين وفتحه فوق الكاسيت
ملحوظه:الصور دى من عربيتى وحصريا لنايل موتورز www.nilemotors.net