تركيب انذار للسيراتو الهاى لاين بصمه
بعد انتشار موضوع السرقات المنتشرة جدا اليومين دول واكتشافى بعد سنه ان الريموت بتاع العربيه مش للانذار :oops1: ده فتح وقفل بس ( لان الاوبترا الريموت بتاعها انذار ) قررت انى اركب انذار بس كان فى حاجتين خايف منهم او قلقنى :
1- ان الانذار ياثر على دائره الكهرباء و ال start engine .
2- ان عايز انذار يركب على الريموت الاصلى بتاع العربيه.
دورت ولفيت وشوفت فى المنتدى المهم لقيت حد زميلنا بيقول ان ركب الانذار فى سبير كار و ب 200 جنيه على ريموت العربيه الاصلى ومفيهوش مشاكل .
اول امبارح وانا راجع من الشغل قولت اعدى اسأل واشوف ايه النظام , وصلت هناك حوالى 6.30 باليل قابلنى مسئول مبيعات مؤدب ومحترم جدا سالته على الانذار قالى انه موجود و نوعه SPY فسالته على موضوع الكهرباء فقالى مالوش اى تاثير وانهم بيركبوه على السنتر الاصلى ومالوش اى علاقه بالstart engine سالته بياخد وقت قالى من نص ساعه لساعه.
فتوكلت على الله و قولت ماشى طالما مش هياخد وقت وكان معايا واحد زميلى فقالى دوس يا معلم وادينا بنتسلى بعد الشغل.
نزلت العربيه الجراج واستلمها صنايعى وطلعت انا الاستراحه لقيت واحد لابس جرسون وجاى يقولى تشرب ايه يافندم على ما العربيه تخلص, طلبنا الشاى وبعد تلت ساعه مع اخر بق شاى لقيت الصنايعى طالعيلى وبيقولى تمام العربيه خلصت.
انا ماصدقتش انه انجز بسرعه نزلت لقيته خلصها وجربلى كل الخصائص كالتالى:
1- فتح وقفل الابواب من الريموت ومن البصمه فى الباب بيشغل ويفصل الانذار
2- خاصيه الfinder شغاله زى ما هيا
3- الشنطه متوصله على الانذار
4- تحكم فى سينسور الانذار
طلعت دفعت 190 جنيه شامل التركيب ولقيت الانذار اللى الريموت بتاعه بيعمل الارم لو العربيه عملت الارم اللى كان نورمال بيقول عليه ب 420 جنيه عندهم
اسف لو طولت واتمنى اكون افدكو وانتظروا الموضوع الجاى " السيراتو و رحله شرم":Bravo: