الموضوع: اخيراً .......... تم حل مشكلة الكيبـــورد و المــــاوس !!!!!!

بسم الله الرحمن الرحيم

اخوتى الاعزاء ......... أعضاء نايل موتورز

من يوم ما اشتريت كمبيوتر سنة 1998 و انا بعانى من الكيبورد و الماوس بتاع الجهاز ....... !!!!!

ما بيعمروووووش خالص ..... الزراير بتاعت الكيبورد بتعلق يا اما بتطير فى الهوا و الماوس بعد كام يوم بيهييس ..... واروح اشترى واحد جديد ....... ( انا بشتغل مصمم جرافيك .... يعنى الموضوع ده بيكون مهم لشغلى )

ربنا هدانى اخيرا من حوالى 3 شهور لواحد جارى عنده محل بيبيع فيه اجهزة كمبيوتر و بيصلحها ..... كل ما اروح اشترى من عنده ماوس ولا كيبورد .......... يقولى يا باشا ......... خد استعمال الخارج و مش ح تندم ( يقصد كيبورد و ماوس من اللى بيكونوا مع الاجهزة المستعملة اللى بيستوردوها من برة مصر )

اقوله يا عم الجديد احسن من المستعمل ......... و اشترى ماوس جديد ( اغلى حاجة عنده ) ....... وزى صحابه يهييس بعد شوية ........ خاصة ان العيال عندى ما شاء الله عليهم بيدمروا اى حاجة .........!!!!!!!!

المهم ......... جمدت قلبى فى مرة و قلت اجرب ..... و اشتريت كيبورد و ماوس استعمال الخارج ( الكيبورد ماركة اتش بى بعشرة جنيه وزنه حوالى نص كيلوجرام و الماوس ماركة فوجيتسو سيمينس بعشرة جنيه برضه )

و ماشاء الله عليهم ....... العيال ( ولد 6 سنوات و بنت 3 سنوات ) و انا كمان نازلين فيهم تلطيش و تخبيط ..... ولا حياة لمن تنادى ....... كانهم مصنوعين خصيصا للاجواء المصرية ........!!!!!!!!

بعدين لما لقيت الموضوع كده ........ رحت شارى من الراجل ( الله يباركله ) جوز تانى احتياطى .... عشان لو خلص من عنده اكون عامل حسابى ( ناصح بقى )

حبيت انقل تجربتى ليكم .... عسى ان يستفيد منها اى حد

و شكرا