الموضوع: مرض الإلتصاق بالحارة اليسرى في الطرق في مصر والتي تسمى بحارة التجاوز

المشاركة الأصلية كتبت بواسطة fahd_628

كلامك صحيح طبعا بس فى مصر للأسف الكلام دة مينفعش يتطبق لأن لو قلنا الطريق 3 حارات فا فية حارة مينفعش حد يمشى فيها الى هية اليمين , و انت ماشى حتلاقى الى واقف بالعربية و الى عارض حاجات فى الحارة دية و الى العربية عطلت منة و الى بيغير الكاوتش و الى بيعدى و ...

الحارة الى فى النص يبقى و الحارة الى على الشمال فا الناس بتمشى فيها و بتحب الشمال معرفش لية :)

فعلاَ هو دة اللي بيحصل ..
:(:(

المشاركة الأصلية كتبت بواسطة tutankhamoun

الحارة اليسرى في مصر
أنا أقود السيارة فيها دائما و لكن بسرعة مناسبة للطريق و أيضا إذا أشار أحد القادمين خلفي بضوء للتوسعة
فأقوم سريعا بالإنتقال من اليسار إلى اليمين و ثم الرجوع مرة أخرى لليسار
و أنا رجع شمال تاني ليه ؟؟؟
علشان لو بقيت في النص ......... بيبقى على يميني عربيات و على شمالي عربيات و ألاقي الأغبياء بيحاولوا يعملوا غرز من اليمين و الشمال
لذلك أقود السيارة في اليسار دائما و بسرعة مناسبة للطريق لتفادي الملاعين ( حسبي الله و نعم الوكيل ) بتوع الغرز

أستاذ توت سنحاول أن نشعل شمعة بدلاً من لعن الظلام
فأظن أن حضرتك لو تركت الحارة الشمال طالما أنك لا تتجاوز أحد فأظن أن هذا سيقلل من الغرز التي يكون أكبر أسبابها هو السير في الحارة اليسرى دون داعي
وأظن أن القادم من خلفك بسرعة قد لا ينتظرك لتفسح له الحارة اليسرى بل سيبادر بعمل غرزة من اليمين والتي قد تضايقك على الرغم من أنها لولا تمسكك بالحارة اليسرى دون داعي لتجاوز سيارة مثلاً ما كان لهذه الغرزة أن تتواجد

المشاركة الأصلية كتبت بواسطة fiatmomo

طيب سؤال .. لو انتا ماشى بالسرعة المقرره وليكن مثلا 100 فى الحارة اليسرى على طريق مفتوح .. وفى واحد ظريف جى من ورا حضرتك ماشى 140.. 160.. و عمال يرعشلك علاشان توسع الطريق ليه . طلاما انتا ماشى بسرعتك القانونية ... ومش ماشى بطئ يبقى ( يذهب للجحيم ) .

بصراحة انا عن نفسى بعمل كدة .. لما بكون ماشى بالسرعة المقررة للطريق .. ( او اعلى ) يعنى مثلا 100 او 120 .. بمشى شمال .. ولو حد جاى من ورايا وعمال يرعش مش بوسعلة لانى بكون ماشى بالسرعة القانونية ولو لقيت حد قدامى .. ماشى بالسرعة المقرره وانا ماشى اسرع منة .. بدى اشارة يمين واطلع منه .. ومش برعشلة ولا اديلة كلاس .. لان هو ماشى بالسرعة المقرره ! ( وانا الى فى الحالة دية بكون ماشى بسرعة اكبر من المقررة ) ومش من حقى انى اخلية يوسعلى الطريق .

طبعا هو التخطى من اليمين خطأ .. والسرعة الزيادة خطر ... الواحد يمشى ملتزم وربنا يكفينا جميعا شر الطريق

بالتأكيد أختلف مع حضرتك تماماً
فنحن لسنا قطار على الطريق جميع عرباته لها سرعة واحدة هي سرعة الجرار
وإذا كانت السرعة المحددة 100 كلم/س وأنت تلتزم بها وإنتهيت من تجاوزك لسيارة في الحارة اليسرى فلترجع إلى اليمين واترك الحارة اليسرى لمن يريد التجاوز
فكما أن التجاوز من حقك فهو من حق غيرك دون النظر لسرعته

وإذا كانت حجة حضرتك أن الذي يمشي بالسرعة القصوى المحددة للطريق غير مخالف
فأحب أن أقول إنه لو تمسك بالحارة اليسرى فهو مخالف حتى لو كان ملتزم بالسرعة القصوى

فالحارة اليسرى ليست حارة السرعة القصوى للطريق ولكن الحارة اليسرى حارة التجاوز فقط

المشاركة الأصلية كتبت بواسطة ahmed1981

بالتأكيد أختلف مع حضرتك تماماً
فنحن لسنا قطار على الطريق جميع عرباته لها سرعة واحدة هي سرعة الجرار
وإذا كانت السرعة المحددة 100 كلم/س وأنت تلتزم بها وإنتهيت من تجاوزك لسيارة في الحارة اليسرى فلترجع إلى اليمين واترك الحارة اليسرى لمن يريد التجاوز
فكما أن التجاوز من حقك فهو من حق غيرك دون النظر لسرعته

وإذا كانت حجة حضرتك أن الذي يمشي بالسرعة القصوى المحددة للطريق غير مخالف
فأحب أن أقول إنه لو تمسك بالحارة اليسرى فهو مخالف حتى لو كان ملتزم بالسرعة القصوى

فالحارة اليسرى ليست حارة السرعة القصوى للطريق ولكن الحارة اليسرى حارة التجاوز فقط

طيب يا استاذ احمد ... انا مش بشكك فى كلامك ... لكن انا كنت جاهل بالمعلومة دية الحقيقة ... لكن ممكن تجبلينا موقع او موضوع خاص بقوانين المرور والقيادة ببتكلم عن النقطه دية .. اكون شاكر جدا لحضرتك

المشاركة الأصلية كتبت بواسطة ahmed1981

أستاذ توت سنحاول أن نشعل شمعة بدلاً من لعن الظلام
فأظن أن حضرتك لو تركت الحارة الشمال طالما أنك لا تتجاوز أحد فأظن أن هذا سيقلل من الغرز التي يكون أكبر أسبابها هو السير في الحارة اليسرى دون داعي
وأظن أن القادم من خلفك بسرعة قد لا ينتظرك لتفسح له الحارة اليسرى بل سيبادر بعمل غرزة من اليمين والتي قد تضايقك على الرغم من أنها لولا تمسكك بالحارة اليسرى دون داعي لتجاوز سيارة مثلاً ما كان لهذه الغرزة أن تتواجد

خارج جمهورية المهلبية ............ أقود في الحارة اليسرى أو الحارة اليمنى ( الحارة الخاصة بالقيادة ) يعني في انجلترا غير فرنسا و أسبانيا و ألمانيا

أما في جمهورية المهلبية و البالوظة
فأتعرض دائما لغرز أكثر و أنا في الحارة اللي في النصف
لأني في النصف ....... بييجي واحد من يميني و واحد من شمالي و الأثنين عايزين يتجاوزوني
فأعمل أيه
أسوق يسار الطريق ,,, و أتعرض لغرز أقل و تقريبا بقفل الحارة تماما
فالأخ اللي كان ناوي يعمل الغرزة بيغور في داهية و يروح يتجاوز في اليمين

ثالثا بقى و ده الأهم

مش معنى إن واحد ماشي شمال بالسرعة القانونية للطريق وواحد تاني جاي مستعجل و مش عاجبة السرعة المقررة للطريق يروح عامل غرزة قدامه علشان يعدي

هذا ليس مبرر اطلاقا بل على العكس
الغلطان بتاع الغرزة .......... مش اللي ماشي بسرعة الطريق

أنا لو في أيدي اصدار قوانين .............
سيتم محاسبة هؤلاء السائقين بدفع غرامة 5 الاف جنيه و سحب الرخصة لمدة 6 أشهر و إذا تكرر الفعل مرة أخرى
سحب نهائي للرخصة و للأبد ......... يبقى يروح يسوق كاروا بقى

بس أنا عايز أختلف معاك في حاجة
مفيش حاجة أسمها الحارة السريعة للتجاوز فقط
الكلام ده قانونا .............. غلط
و لكن هو قانون بين السائقين أو عادة بين السائقين
إذا رأيت سائق مُسرع و يريد التجاوز فتفسح له المجال
و لكن إذا لم تفسح له
لا يستطيع أبدا أن يجبرك أو يتجاوزك بطريقة خاطئة
و أنا بتكلم عن أنجلترا

أما في جمهورية المهلبية ........... كل شئ مُباح
لذلك أقود بسرعة الطريق في الحارة اليسرى و لو حد نورلي النور علشان أفسح بفسح الطريق
أما لو واحد جاي ورايه و شوفته في المرايا و مفيش مساحة كافية في يميني علشان يتجاوزني و بالتالي أشعر بغرزة قادمة
أضغط قليلا على البنزين لغلق الفجوة ................. و لو هو عايز يعمل غرزة
يغور في ستين داهية يعملها بعيد عني
أما موضوع التجاوز ده ............................................ كلام معلش ............ غير مظبوط قانونا إطلاقا
و كما قلت هناك في الدول المتقدمة و اللي ميعرفوش حاجة عن المهلبية
فيه حاجة أسمها السرعة القانونية القومية للبلاد
National speed limit
و لو حد تجاوز تلك السرعة ............. بتبقى ليلته بيضا

بس أنا عايز أقول حاجة
الغرز دي انعكاس لعدم قبول أفراد الشعب المصري مبدأ الطوابير

و الله العظيم تلاتة
ساعات كتيرة ناس تتجاوزني و بعدين تهدي سرعتها
المهم عنده يبقى قدامي مش ورايا
و الكل كدا
كله عايز يبقى في الأول
و المصيبة إن الموضوع ده في السواقة بس ........ أما باقي مجالات الحياة ......... سرعة السلحفاة هي السرعة القياسية للحياة المصرية
و كل حاجة
بكرة ............ إن شاء الله بكرة ......... و لما ييجي بكرة ....... يا عم هي الدنيا هاتطير ........... بعد بكرة و هكذا
حتى أصبحنا في مؤخرة الأمم .......... حتى الأكل مش عارفين ننتجه

المشاركة الأصلية كتبت بواسطة fiatmomo

طيب سؤال .. لو انتا ماشى بالسرعة المقرره وليكن مثلا 100 فى الحارة اليسرى على طريق مفتوح .. وفى واحد ظريف جى من ورا حضرتك ماشى 140.. 160.. و عمال يرعشلك علاشان توسع الطريق ليه . طلاما انتا ماشى بسرعتك القانونية ... ومش ماشى بطئ يبقى ( يذهب للجحيم ) .

بصراحة انا عن نفسى بعمل كدة .. لما بكون ماشى بالسرعة المقررة للطريق .. ( او اعلى ) يعنى مثلا 100 او 120 .. بمشى شمال .. ولو حد جاى من ورايا وعمال يرعش مش بوسعلة لانى بكون ماشى بالسرعة القانونية ولو لقيت حد قدامى .. ماشى بالسرعة المقرره وانا ماشى اسرع منة .. بدى اشارة يمين واطلع منه .. ومش برعشلة ولا اديلة كلاس .. لان هو ماشى بالسرعة المقرره ! ( وانا الى فى الحالة دية بكون ماشى بسرعة اكبر من المقررة ) ومش من حقى انى اخلية يوسعلى الطريق .

طبعا هو التخطى من اليمين خطأ .. والسرعة الزيادة خطر ... الواحد يمشى ملتزم وربنا يكفينا جميعا شر الطريق

كلام حضرتك صحيح 100 % قانونا
و اللي جاي بيرعش غلط 100 % قانونا
و الكلام ده هو اللي مُطبق في أوروبا ( الجماعة اللي مسمعوش عن المهلبية و البالوظة ) و ربنا يستر و ميعرفوهاش :D :D :D )