ولا أعفي نفسي...
ولا أعفي نفسي...
ازيك يا استاذ توت ... يارب تكون فى حاله مزاجية كويسة :) وربنا يبعد عنك وعنا بتوع الغرز وسواقين الميكروباص والنص نقل و التاكسى , ويبعد عنك كل حاجة بتضايقك :) .
كويس ان حضرتك اكدت على كلامى .. لانى انهاردة بحثت فى الانترنت اكثر من ساعه فى المواقع العربية والاجنبية ... ملقيتش نهائى موضوع ان الحارة اليسرى للتجاوز فقط !!!
انا شكيت انى اكون غلطان .. وفعلا القانون بيقول كدة ... لكن مكونتش مقتنع .. لانى لو ماشى بالسرعة المقررة للطريق .. وحد عاوز يتجاوزنى ... يبقى هو كدة مخالف للسرعة ومخالف للقانون .. ومش من حقة انه يجبرنى على انى اوسعلة الطريق .:confused: اعتقد هية حاجة بالعقل كدة ومش محتاجة اثبات .
ردا على استاذ احمد :-
موضوع اننا مش حنمشى طابور قطار ورا بعض ... اعتقد ان المشهد دة موجود فى البلدان الغربية ... وانا شوفتة كتير فى البرامج الاجنبية .
السيارات ماشية ورا بعض وفى مسافة فاصلة مابينهم .. وبسرعة ثابتة .... اعتقد دة يسمى نظام .. اكتر مما يسمى طابور او قطار سيارت .
وبردة .. حقول لحضرتك احنا مستنيسن تأكيد قانونى على كلام حضرتك ... ممكن اكون غلطان .
اللي بيتعلمو السواقة صعب عليهم انهم يمشو علي اليمين ... بل مستحيل .. اليمين فيه عربيات كارو وعجل وعربيات نقل وناس فارشة وبتبيع جوز هند واناناس وبلاوي كتير صعب احصاءها .. اللي بيتعلم اصلا صعب عليه انه يتنقل من حارة الي حارة
فلو مشي يمين كل شويه ح ياخد شمال عشان يعدي احد العوائق المذكورة .. يبقي ح يعطل الطريق بشكل اكبر لو مشي علي اليمين ...
ماحدش يقوللي قانون المرور .... انا باتكلم علي ارض الواقع
قانون المرور حاجة ...... وارض الواقع حاجة تانية خالص
الحقيقة أنا لا أجد تأكيد قانوني قريب من يدي أو على النت
رغم تأكدي من ذلك في عدة دول عربية غير مصر وخاصة في السعودية وتعرض هناك في التوعية المرورية دائماً سواءاً التوعية في التلفزيون أو المقروءة وأنا رأيتها بأم عيني وطبقتها بيدي عندما صادف وجودي هناك
وللأخ توت الذي يتكلم عن أن هذه القاعدة غير موجودة وهي غلط !!! أقول له أني رأيتها بعيني كما قلت وليس من رأى كمن لم يرى وقد أكون رأيت مالم تراه حضرتك فلا داعي أن يزعجك ذلك وتقول لي أنه ... غلط !!! وقد يكون غلط في أوروبا التي يتحدث عنها الأستاذ توت ولكنها قانون فيما أتحدث عنه من البلاد العربية مثل السعودية والأردن
فأرجو من الأخ توت عدم إصدار القرارات فقد نكون رأينا ما لم يره
وفي النهاية أقدم أسفي للأستاذ توت على دعوتي للإلتزام بآداب المرور
فليحتفظ بالحارة اليسرى من يريد خوفاً أو عناداً
وعلى المعترض أن يأخذ غرزه من اليمين
وفي النهاية يدعو الإثنين على بعض مثل تلك الدعوات الموجودة في بعض التوقيعات
أولا السلام عليكم ......... يا بامشهندس أرى نبرة زعل في ردك
إن كان ردي أزعجك .......... فأنا آسف
و لكني متأكد مليون 100 % إن مفيش حاجة أسمها إن الحارة السريعة للتجاوز فقط قانونا
و أنا قلت إن ده ممكن يكون عادة ما بين السائقين
و بعدين أعتقد إن السعودية و الخليج كله و أغلب دول العالم أخذت قوانين المرور الأصلية من أوروبا ............. لأنهم ببساطة من أخترع السيارات و أول من أستخدمها
يا باشمهندس أحمد ......... أنت بتتآسف على أيهاقتباس:
وفي النهاية أقدم أسفي للأستاذ توت على دعوتي للإلتزام بآداب المرور
فليحتفظ بالحارة اليسرى من يريد خوفاً أو عناداً
و ليه حضرتك كبرت الموضوع .......... و ما بين الخيرين حساب
و الحارة اليسرى يا أخي الكريم مخصصة لأقصى سرعة مخصصة للطريق
يعني مثلا الدائري أقصى سرعة عليه 100
فدي بتكون في الحارة اليسرى
و الحارات الأخرى المفروض إن سرعتها بتكون أقل قليلا
و أنا لا أقود في الحارة اليسرى أساسا .,,,,,,,,,, لا خوف و لا عناد
بل هو القانون
و لو بلدنا فيها قانون
كنت هاتشوف القطار اللي حضرتك معترض عليه
خارج جمهورية المهلبية
الكل ماشي ورا بعضه ............ و محدش بيحاول يتخطى حد
آُمال حد السرعة لزمته أيه ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟
يا باشمهندس نحن نتناقش نقاش موضوعي
و كان الأدعى هي الدعوة للتقليل من السرعات التي تقتل الأبرياء على الطرق يوميا
و الدعوة لوقف الغرز و قلة الأدب و تعريض حياة السائقين الملتزمين للخطر .......... صح و لا أنا غلطان ؟؟؟؟؟؟؟
و بعدين دولة زي السعودية مش هي المقياس
عارف ليه ؟
علشان نسبة الحوادث فيها بسبب السرعة من أعلى النسب في العالم بالإشتراك مع المحروسة مصر
و لكن المقياس هي الدول التي وضعت القوانين و تحترمها و كم أُحب أن نحترمها نحن أيضا و نحافظ على حياتنا و حياة أولادنا المهدرة يوميا على الطرق المهلبية المصرية
عموما .......... أنا سعيد بالحوار معاك و عايزك متزعلش ....... أحنا أخوة في الله يا أخي الكريم ..........
و شكرا
أزيك يا باشا و شكرا على سؤالك
أنا الحمد لله كويس ........................... و دخلت الماتركس خلاص
يعني لغاية ما ربنا يسهل
و بالنسبة للحارة اليسرى من الطريق
هي مخصصة للقيادة على أقصى سرعة للطريق
يعني الطريق 100 .......... فتكون سرعة الحارة اليسرى لا تزيد أو تقل عن 100
و لكن التجاوز لا يتم إلا من جهة اليسار فقط
يعني لو الطريق 3 حارات
يتم التجاوز من يسارك فقط ......... و لا يجوز التجاوز بأي حال من الأحوال من اليمين
و تاني مرة .............ربنا يجازي اللي بعمل غرز جزاء مُناسب و طبعا إن الله عادل
;) ;) ;) >>> أجيبلك طبق مهلبية ؟؟؟؟؟؟؟؟؟؟؟؟؟؟؟؟؟؟؟؟ :D
استاذ احمد :) ... احنا بنتناقش .. وكل واحد لية وجهة نظر ( الاختلاف فى وجهات النظر لا يفسد للود قضية ) . الموضوع مش مستاهل زعل
استاذ توت مش قصدة حاجة . انا نفسى اول مرة اسمع ان الحارة اليسرى للتجاوز فقط .. وعلاشان كدة بتنناقش فى الموضوع .. مش لازم يكون رأيى وكلامى صح .. ومش بالضرورة يكون كلامك صحيح .. ومش شرط يكون المرور فى السعودية هو الصحيح . كل حاجة فى الدنيا فيها احتمال ونسبه خطأ
:) وتقبل كامل احترامى