الموضوع: مرض الإلتصاق بالحارة اليسرى في الطرق في مصر والتي تسمى بحارة التجاوز

المشاركة الأصلية كتبت بواسطة tutankhamoun

هو صحيح الناس اللي بتمشي بطئ في الحارة الشمال غلط
بس البطئ مش بيسبب حوادث

***
أسمح لي أختلف معاك في النقطة دى
لو أنت ماشي علي طريق اسكندرية الصحراوي بالليل وماسك شمالك وملتزم بحدود السرعة (100 كم/ساعة ) ولقيت أمامك واحد بيدلع وماشي 60 كم أو أقل محتمل تلبس فية
لكن بصفة عامة البطيئ حوادثة أقل

المشاركة الأصلية كتبت بواسطة tutankhamoun

و ألاقي واحد لاصقلي في ظهر العربية
طيب أنا أمبارح ماشي على طريق أسكندرية
و ماسك الحارة الشمال و ظابط على العربية على سرعة 100 كم - س و دي السرعة القصوى للطريق
و ألاقي واحد جاي ورايا و لاصق في ظهر العربية
رحت مديله أشارة يمين و سيبت الحارة خالص
ألاقي البعيد اللي معندوش دم راح دايس فرامل أول ما أنا سبت الحارة و لقيت سرعته أقل مني يعني على الأقل هو نزل ل 90
طيب ليه لاصق فيه ؟؟؟؟

***
أكيد أفتكر أن فية لجنة أو رادار قريب
بس بصراحة أنت غلطان كنت خليك ماسك شمالك مادمت ملتزم بالسرعة المقررة للحارة (100كم/ساعة )
نفس الموقف حصل معايا الصيف اللي فات من ميكروباص تيوتا الجديد بس مش لآصق زي ما بتقول ؛ أنا كنت حاسس أن اللي سايق الميكروباص قاعد ف شنطة عربيتي
وبصراحة اترازلت علية شوية إديت إشارة يمين وخدت يمين سنة بسيطة لغاية ما شفت وشة في المرايا الشمال وبعدين إديتلة إشارة شمال وكملت طريقي عادي
طبعاً البية بتاع الميكروباص زمر بالكلاكس (شتم)وبعدين خد الطريق بالورب ناحية أقصي اليمين وفتح علي أقصي سرعة.

المشاركة الأصلية كتبت بواسطة tutankhamoun

على العموم كل طريق و له سرعة قصوى و أدام ماشي ماشي بسرعة الطريق القانونية يبقى أنت في السليم و غير كدا يخبط دماغه في الحائط

و اللي مشاي شمال و بطئ ........ أصبر عليه و اطلع منه من غير غرز و من غير مخاطرة و عطل نفسك شوية أحسن ما تعمل حادث أو تتسبب في حادث

و ربنا يستر طريقنا

انا من ناحيتى الحمد لله بلتزم بالحاره المروريه اولا قبل موضوع يمين وشمال

والى نفسى اشوفو فى الشارع المصرى لانى بحس ان انا الوحيد الى بعمل كده بالاضافه ان الناس بيبصولى بإستغراب لما باخد منحنى او لفه فى الحاره مش سبهلله

وبالنسبه للشمال فالواحد المفروض يمشى شماله طالما سريع ولكن فى حالة وجود واحد وراه لازم ياخد يمينو

لان فيه ناس بتقول طب منا ماشى عالشمال وواخد السرعه القصوى اوسع للى ورايا ليه ماهو غلطان ومتجاوز سرعة الطريق
لا يامعلم سيبو يعمل الى عاوزو اهم حاجه امان الطريق منعا للحوادث وهو بقه يتصور رادار ولا يولع ملكش دعوه الاهم تحافظ على نظام الطريق وماتخلهوش يعدى بالسرعه دى منك فى اليمين منعا للحوادث لا قدر الله


اخر حاجه موضوع التنقل بين الحارات من غير اشاره

اطرف موقف حصلى مع الحوار ده ماشى على سرعه عالمحور قورب هايبر وملتزم بحارتى الشمال ولقيت واحد رخم كالعاده مهدى عالشمال ومتبت فيه اكنو عيل من عيالو .. رعاش /كلكس / يابا ... مفيش

شويه وادانى اشاره شمال قلت خلاص شكلو هايلف ولا حاجه من قريب
روحت مدى انا شاراه يمين وساحب ومره واحده راح جايب يمين قودامى وهو لسه مدى الاشاره الشمال ... ليه؟ عشان يعدى من واحد قودامو قبل الملف بحاجه بسيطه

بعيد عنك بقه على كمية الكلكسات الى طلعت عليه (من المنقى خيار زى مابيقولو)



يلا ربنا يهدى الشارع المصرى واوشوفو منظم كده يارب