يا جماعه كنت عايز اسال عن الفلاشه اللى بتركب مكان الولاعه ((mp3)) عايز اعرف كل حاجه عنها
سعرها
كام جيجا
صوتها حلو ولا وحش
بتتوصل على السماعات ازاى
من الاخر اجيبها ولا لاأأأأأأأأأأأأأأ
عرض للطباعة
يا جماعه كنت عايز اسال عن الفلاشه اللى بتركب مكان الولاعه ((mp3)) عايز اعرف كل حاجه عنها
سعرها
كام جيجا
صوتها حلو ولا وحش
بتتوصل على السماعات ازاى
من الاخر اجيبها ولا لاأأأأأأأأأأأأأأ
لاااااااااااااااااااااااا ااااااااااااااااااااااااا اااااااااا صوتها وحش موت هى بتتوصل عن طريق الراديو وغاليه بحوالى 130 جنيه يعنى تجيب mp3 عادى احسن لا الفلاشه صوتها بيبقى فيه وش انا للاسف مركبها عندى فى عربيه فيرنا
افيدونى وانصحونى
اجيبها ولا لأأأأأأأأأأأأأأأ
انا مركب واحده عندى فى العربيه شاريها ب 90 جنيه وبتشترى ليها فلاشه اى سعه انت عاوزها يعنى انا جايب واحده 2 جيجا ب 35 جنيه وبتركب فى مكان مخصوص ليها فى الفلاشه وبتتركب فى الولاعه ومعاها ريموت كمان وبتظبط موجه ال fm فى الراديو على التردد بتاعها والصوت انا حاسس انه كويس ومعقول مش مكتوم
اللى بتسأل عليه ده Mp3 modulator و هو بيبعت اشارة تقدر تستقبلها على ال اف ام بالاضافة انه بيقرا ام بى 3 عن طريق الفلاشة او لو عندك كارت ذاكرة ممكن تجيبله ريدر وتشغله بدل الفلاشة موضوع جودة الصوت مش هاقدر افيدك فيه لانى عن نفسى مجربتوش بس شوفته مع اصحابى صوته كان معقول يعنى مش نقى جد بس انا معرفش ده منه و لا الملفات نفسها اللى كانت مش كويسة بس عموما الطبيعى ان جودة الوت فيه تبقى محدودة فانت حاول تشوفه مع حد تعرفه قبل ماتجيبه لان زى ما انت شايف فى ناس بتقول كويس وناس لأ بس هو فيه عيب رخم انه مابيطلعش اسماء التراكات يعنى بيطلع ترتيب التراكات ارقام بس و اعتقد بالتالى انه ماينفعش تقسم التراكات داخل فولدرات انا عن نفسى اعتقد ان ال ام بى ثرى اللى بيتشحن يكون اختيار افضل و لو ان مساحته مش هتزيد عن جيجا بس هيبقى احسن بس لو يوصل للكاسيت مباشرة على العموم المويلاتور ده تمنه حوالى 90 او 100 و عند راديو شاك ب 130 و تقريبا كان فى حد فى المنتد قال انهم بيدو عليه ضمان بس انا مش متأكد....اسف للاطالة
انا اشتريتها 5 مرات ليا و اخواتى و والدى و اصحابى
اول واحده جبتها لنفسى من راديو شاك من سنه و نص كانت ب 160 تقريبا و دى احسنهم و الباقى كله مستوى الصوت منخفض سواء اللى جبتهم من راديو شاك او من مولات الكمبيوتر و اخر سعر 90
اخر واحده كانت جيجاماكس الريموت بتاعها فيه ارقام يعنى ممكن تجيب اغنية رقم 195 مثلا
بس كلهم ما كانش معاهم card reader
راجع الموضوعات ديه وان شاء الله تفيدك
http://www.nilemotors.net/Nile/showthread.php?t=20052
أحسن واحدة جيجا ماكس و موجودة فى معظم محلات الكمبيوتر و سعرها حوالي 90 جنيه
و ممكن توصل عليها فلاشة او MP3
بس نصيحة لو عندك لاين ان (Line in )يبقى تجيب MP3 أحسن لأن الصوت بيكون انقى بكتير و مفيهوش مشاكل
الصوت الوحش ممكن يرجع
أسبابه لحاجات كتيرة
منها جودة النظام الصوتي و جودة الراديو و السماعات
جودة جهاز مولد اشارة الإف إم نفسه
و أنا جربت كذا واحد و نفس الجهاز بيشتغل زي الفل في الجين 2
و لكن مش بيشتغل كويس أو بنفس الكفاءة في البونتو
و بتقل خالص لو الراديو صيني الصناعة ( صيني مش ماركة )